ពិធីបុណ្យ​សាលា​មាន​អាយុ​កាលជាង ១០០ ឆ្នាំ

ពិធីបុណ្យ​សាលា​គឺជាផ្នែកមួយដែលមិនអាចខ្វះបាននៅ​សាលាទាំងឡាយនៃប្រទេស​ជប៉ុន។ នៅ​ក្នុង​ពិធីបុណ្យសិស្ស និង​និស្សិតរៀប​ចំ​សម្តែងក្បួន​ដង្ហែដែល​ត្រៀមអស់រយៈពេលជាច្រើនខែ។ ដូច្នេះសូម្បីតែគ្រូ និងឪពុកម្តាយ​ក៏រង់ចាំពិធីបុណ្យសាលាយ៉ាងអន្ទះសាផង​ដែរ។

សាកលវិទ្យាល័យមួយនៅទីក្រុង Tokyo ​ធ្វើ​អោយ​ពិធីបុណ្យ​សាលាទៅជាកម្មវិធីសម្តែងប្រជាប្រិយនៅទូទាំងប្រទេសជប៉ុនទាក់ទាញអ្នក​ចូល​រួម​ជាច្រើន​។

សាកលវិទ្យាល័យសិល្បៈនៃទីក្រុង Tokyo ទីស្នាក់ការស្ថិត​នៅ Ueno, Tokyo។ នេះគឺជាសាកលវិទ្យាល័យជាតិជំនាញផ្នែកសិល្បៈល្បីបំផុតនៅប្រទេសជប៉ុន។ ជាកន្លែងបណ្តុះបណ្តាលអ្នកផលិតខ្សែភាពយន្ត អ្នក​ស្រាវជ្រាវប្រវត្តិសាស្រ្តសិល្បៈ អ្នកនិពន្ធចម្រៀង តារាចម្រៀង​ អ្នក​របាំ ស្ថាបត្យករ វិចិត្រករ ជាងឆ្លាក់ចម្លាក់ សិប្បករ -ល-។ ជំនាញនៅ​ទូ​ទាំងប្រទេសជប៉ុន និងជុំវិញពិភពលោក។

ពិធីបុណ្យ​សាលានៃសាកលវិទ្យាល័យសិល្បៈទី​ក្រុង​ Tokyo មានអាយុកាលជាង ១០០ ឆ្នាំ។ អ្នក​អាច​មើល​រូប​ភាព​ខាង​ក្រោម​ដោយ​ផ្ទាល់។

រូបភាព https://www.geidai.ac.jp/information

ទោះយ៉ាងណា Mikoshi នៃសាកលវិទ្យាល័យសិល្បៈ Tokyo ខុសពីពិធី​បុណ្យ Mikoshi ធម្ម​តា។ ក្បួនដង្ហែរៀប​ចំ​សម្តែងត្រូវ​ចំ​ណា​យ​គំនិត​ ការ​រចនា និងរូបរាងអស់រយៈពេលជាច្រើនខែ។ ភាព​ស្រស់​ស្អាត ល្អិត​ល្អន់ និង​សម្ភារៈសម្រាប់​ធ្វើពិធីអា​ចនិយាយ​បាន​ថាគ្មាន​អ្វី​ប្រៀប​ស្មើ ហើយ​កំ​ពុង​តែ​មាន​ប្រជាប្រិយ​ភាព​នៅលើ Twitter ជារៀងរាល់ឆ្នាំ។

បន្ទាប់​ពី​មើល​ការ​សម្តែង​​ដង្ហែក្បួនដ៏អស្ចារ្យ អ្នក​អាច​ចូល​រួម​តាំងពិព័រណ៍ផលិតផលគ្រឿងអលង្ការ ការប្រគុំតន្ត្រីដែលរៀបចំ និងសម្តែងដោយ​និស្សិតសាលា។ ជាមួយគ្នានេះអ្នកអាចជួបអ្នកជំនាញដ៏ល្បីក្នុងវិស័យសិល្បៈនៃកម្មវិធី Talkshow រៀបចំឡើងដោយសាកលវិទ្យាល័យសិល្បៈ Tokyo។ 

សូមរីករាយជាមួយការសម្តែងតាមរយៈវីដេអូខាងក្រោម។

អាចនិយាយបានថាពិធីបុណ្យនេះពិសេសជាងពិធីបុណ្យសាលាធម្មតា។ នេះជាកម្មវិធីសម្តែងដ៏អស្ចារ្យ និង​រៀប​ចំ​ឡើង​ដោយ​និស្សិត​សកម្ម​ភាព​ផ្នែកសិល្បៈ។

ពិធីបុណ្យ​សាលានៃសាកលវិទ្យាល័យ Tokyo ត្រូវបានរៀបចំឡើងរៀងរាល់ខែកញ្ញាហើយ​បើកចំហសម្រាប់អ្នករាល់គ្នា។ ប្រសិន​បើ​មាន​ពេល​វេលាអ្នក​អាច​ចូល​រួមមើល​ការ​សម្តែងសិល្បៈដែល​រៀប​ចំ​ឡើង​ដោយនិស្សិតនៅសាកលវិទ្យាល័យនាំមុខ​ក្នុង​ប្រទេសជប៉ុន។

Kengo Abe