សេវាកម្មថ្មីជួយចាប់ចោរ និងបង្ការព្រាននារីនៅលើរថភ្លើង

ថ្ងៃព្រហស្បតិ៍ 19/09/2019 | 13:14 ល្ងាច

តើអ្នកកំពុងរស់នៅប្រទេសជប៉ុនហើយកំពុងជួបប្រទះការលំបាកផ្នែកហិរញ្ញវត្ថុមែនទេ? សេវាកម្មថ្មីនៅប្រទេសជប៉ុនត្រូវបានបង្កើតឡើងដោយក្រុមហ៊ុន Insotsu, Inc មានឈ្មោះថា “អ្នកប្រមាញ់ទទួលប្រាក់រង្វាន់” អាចជួយអ្នកបាន។

ដូចដែលបានបញ្ជាក់អំពីសេវាកម្មនេះអនុញ្ញាតអោយអ្នកដែលចុះឈ្មោះទាំងអស់អាចក្លាយទៅជា “អ្នកប្រមាញ់ទទួលប្រាក់រង្វាន់” ទទួលបានប្រាក់រង្វាន់ពេលចាប់បានអ្នកលួចឥវ៉ាន់ឬព្រាននារីនៅលើរថភ្លើង។

Insotsu, Inc កំពុងព្យាយាមផ្សព្វផ្សាយគម្រោងទៅដល់ម្ចាស់ហាងតាមការប្រកាសព័ត៌មានចំណងជើងថា៖

“ហាងរបស់អ្នកគ្មានចោរលួចទៀតទេ ដោយសារអ្នកប្រមាញ់មានប្រាក់រង្វាន់ យើងប្តេជ្ញាចាត់វិធានការប្រឆាំងនឹងចោរដែលហាងរបស់អ្នកមិនចាំបាច់ចំណាយប្រាក់ឡើយ”។

ជាមួយនឹងសេចក្តីប្រកាសព័ត៌មានគឺជារូបភាពផ្សព្វផ្សាយគួរអោយជឿជាក់ណាស់។

ការចេញផ្សាយនេះបង្ហាញពីចំនួនលួចឥវ៉ាន់នៅតាមហាងនានាទូទាំងប្រទេសជប៉ុនជាង ១០០,០០០ ករណីក្នុងមួយឆ្នាំ។ ហេតុដូច្នេះហើយហាងនានាចាំបាច់ត្រូវរកដំណោះស្រាយចំពោះបញ្ហានេះគឺរក “អ្នកប្រមាញ់ទទួលប្រាក់រង្វាន់” គឺជាសេវាកម្មទប់ស្កាត់ដ៏ល្អ។ ថ្លៃដំឡើងឧបករណ៍សុវត្ថិភាពការពារទំនិញមិនទាន់គិតប្រាក់ខ្ពស់។ ចំណែកសេវាកម្ម “អ្នកប្រមាញ់ទទួលប្រាក់រង្វាន់” ស្ទើរតែឥតគិតថ្លៃដោយសារមានជំនួយពីអតិថិជនផ្សេងទៀត។

បន្ទាប់មកអ្នកប្រមាញ់អាចទទួលបានប្រាក់រង្វាន់សម្រាប់សកម្មភាពរបស់ខ្លួន។

Poster ប្រកាសខាងក្រោមជាឧទាហរណ៍សម្រាប់ម្ចាស់ហាង ប្រាប់អ្នកដែលមានបំណងលួចថាហាងបានប្រើសេវាកម្ម “អ្នកប្រមាញ់ទទួលប្រាក់រង្វាន់”។

អ្នកដើរទិញឥវ៉ាន់នៅក្បែរអ្នកអាចជាអ្នកប្រមាញ់ទទួលប្រាក់រង្វាន់។

តើនៅពេលណាពួកគេនឹងបំពេញបេសកកម្ម?

តើអ្នកណាជាអ្នកប្រមាញ់?

សូម្បីតែបុគ្គលិកហាងក៏មិនដឹងដែរ។

យើងនឹងរាយការណ៍ការលួចទៅអោយប៉ូលីសភ្លាម។ ចោរលួចត្រូវតម្រូវអោយបង់ប្រាក់ចំពោះទំនិញ និងប្រាក់សំណង ៣០,០០០ យ៉េនសម្រាប់ការចំណាយផ្សេងរួមទាំងប្រាក់រង្វាន់របស់អ្នកប្រមាញ់។

អ្នកក៏អាចក្លាយជាអ្នកប្រមាញ់បានដែរ។ ចុះឈ្មោះនៅ bouhun.jp។

លើសពីនេះសេវាកម្មអាចប្រើដើម្បីការពារព្រាននារីនៅលើរថភ្លើង និងកន្លែងសាធារណៈផងដែរ។ “អ្នកប្រមាញ់ទទួលប្រាក់រង្វាន់” ត្រូវបានគេរំពឹងថានឹងជួយជនរងគ្រោះដែលមិនហ៊ាននិយាយចេញឬអ្នកដែលចង់បង្ការព្រានារី។

យោងទៅតាមស្ថានភាពនៃការចុះឈ្មោះបច្ចុប្បន្នមានតែហាង Saitama ប៉ុណ្ណោះប្រើសេវាកម្មចាប់ចោរ និងសេវាកម្មបង្ការព្រាននារីនៅ Tokyo។ ប៉ុន្តែបន្ទាប់ពីសេចក្តីប្រកាសព័ត៌មានបានចេញផ្សាយសង្ឃឹមថាមានមនុស្សកាន់តែច្រើនចុះឈ្មោះចូលរួមនាពេលខាងមុខនេះ។

ប្រសិនបើអ្នកចាប់អារម្មណ៍អ្នកក៏អាចចុះឈ្មោះនៅទីនេះ Bounty Hunter

ប្រភព https://grapee.jp/en/122803

Sacchan