ប្រទេស​ជប៉ុន​រឹតបន្តឹង​ច្បាប់​ចំពោះ​អ្នក​ជក់បារីមុនព្រឹត្តិការណ៍ Olympic Tokyo 2020

នៅក្នុងទីក្រុងបាងកក សិង្ហបុរី និងទី​ក្រុង​ Tokyo ប្រទេសជប៉ុន ហាមឃាត់ជក់បារីនៅ​កន្លែង​សាធារណៈ​ត្រូវ​បាន​រឹត​បន្តឹងយ៉ាងតឹងរ៉ឹង។ ចាប់ពីខែមេសាឆ្នាំ ២០២០ ច្បាប់នេះមានឈ្មោះថា “ច្បាប់លើកកម្ពស់សុខភាព” ត្រូវបានអនុវត្តនៅទូទាំងទីក្រុង Tokyo។ នៅក្នុងភោជនីយដ្ឋាន កន្លែង​លក់​ម្ហូបអាហារ​ និង​ការិយាល័យ​ជាកន្លែងហាម​ជក់​បារី។

នៅឆ្នាំក្រោយមានភ្ញៀវទេសចរណ៍បរទេសជាច្រើនមកចូល​រួមកី​ឡា Olympic។ ទី​ក្រុង​ Tokyo អនុវត្តច្បាប់នេះ​ដើម្បីកុំអោយប្រជាជនរងគ្រោះដោយសារផ្សែងបារី​។

អ្នកប្រាកដជាធ្លាប់ឮអំពីផលប៉ះពាល់នៃការជក់​បារី។ ការ​ជក់​បារី​គឺជាមូល​ហេតុ​ចម្បង​ធ្វើ​អោយកើត​ជំងឺ​មហារីក​សួត​ និង​ជំងឺដែលទាក់ទងផ្សេងទៀត។ ផលប៉ះពាល់នៃផ្សែងបារីមិនត្រឹមតែប៉ះពាល់ដល់អ្នកជក់បារីប៉ុណ្ណោះទេ ប៉ុន្តែអ្នក​ដែល​ស្រូបផ្សែងបារីក៏ទទួលផលប៉ះពាល់ដូចគ្នាដែរ។

ជក់​បារី​គឺជា​ជម្រើស​របស់​បុគ្គល​ម្នាក់​ៗបើវាមិនប៉ះពាល់ដល់អ្នកដទៃ។ ប្រសិនបើអ្នកមិនជក់បារី ប៉ុន្តែមានជំងឺដោយ​សារអ្នក​ដែល​ជក់​បារីពិតជាមិនត្រូវ​ទេ។

ជាពិសេសនៅក្នុងភោជនីយដ្ឋាន អាហារដ្ឋាន​ កន្លែងដែលមានទីធ្លាតូចចង្អៀតអាច​​ស្រូប​ផ្សែង​បារីច្រើន​​។ ដូច្នេះអ្នកដែលមិនអាចទ្រាំបានសូមទៅរកកន្លែងដែលអនុញ្ញាតអោយជក់បារីដើម្បីដោះស្រាយតម្រូវការផ្ទាល់ខ្លួនរបស់អ្នក។

រូបភាព http://kokubunji-life.blog.jp/archives/15867478.html

ទោះបី​ដើរ​នៅ​តាម​ផ្លូវបណ្តើរជក់​បារី​បណ្តើរឬចោល​កន្ទុយ​បារីដែល​ជក់​រួច​តាម​ផ្លូវ​ក៏​ត្រូវ​ហាម​ឃាត់ដែរ។ ដូច្នេះ​​អ្នកដែលចង់ជក់បារីគួរតែជក់នៅកន្លែងដែលបានកំណត់ និង​ចោល​កន្ទុយ​នៅ​កន្លែងដែល​អនុញ្ញាត។​ 

ក្រៅពីទីក្រុង Tokyo តំបន់ផ្សេងទៀតអនុវត្ត​ច្បាប់តឹងរ៉ឹងជាងនេះ។ ឧទាហរណ៍នៅក្នុងខេត្ត Nara ហាមអ្នក​ដែល​ជក់​បារីក្នុង​រយៈពេល ៤៥ នាទីមិន​អាច​ប្រើជណ្តើរយន្ត។ ដោយ​សារផ្សែង​បារី​នៅ​ជាប់សម្លៀក​បំ​ពាក់បង្កការ​លំ​បាក​សម្រាប់​មនុស្ស​នៅ​ជំុវិញ ជាពិសេសនៅក្នុងបរិយាកាសតូចចង្អៀតដូចជាជណ្តើរយន្ត។

ច្បាប់​ទាក់​ទង​នឹង​ការ​ជក់បារីនៅក្នុងប្រទេសជប៉ុនកាន់តែតឹងរ៉ឹងជាងមុន។ ដូច្នេះអ្នកដែល​ជក់​បារីពេល​ទៅ​ប្រទេសជប៉ុនគួរតែ​ចាប់​អារម្មណ៍។

Kengo Abe

មើលបន្ថែម: