មុខម្ហូបចម្អិនពីប្រហិតសាច់ក្តាមឆ្ងាញ់ពិសេស

ថ្ងៃអង្គារ 17/09/2019 | 22:45 ល្ងាច

Kanikama Hanako គឺជាស្ត្រីមេផ្ទះវ័យកណ្តាលម្នាក់នាងចាប់ផ្តើមរៀនប្រើបណ្តាញសង្គម Instagram ដើម្បីបង្ហោះមុខម្ហូបធ្វើដោយផ្ទាល់នៅផ្ទះ។ មុខម្ហូបទាំងអស់ធ្វើពីប្រហិតសាច់ក្តាម។

ប្រហិតសាច់ក្តាមគឺជាមុខម្ហូបដែលពេញនិយមចំពោះយុវវ័យ ជាពិសេសអ្នកដែលចូលចិត្តញ៉ាំ Sushi។ នៅក្នុងផ្សារទំនើបជប៉ុនតម្លៃប្រហិតសាច់ក្តាមចាប់ពី ១០០ យ៉េនទៅ ៥០០ យ៉េន។ ក្មេងៗ និងមនុស្សគ្រប់វ័យសុទ្ធតែចូលចិត្តរសជាតិប្រហិតសាច់ក្តាម។

ទោះជាយ៉ាងណាប្រហិតសាច់ក្តាមញ៉ាំឆៅមិនត្រឹមតែឆ្ងាញ់ប៉ុណ្ណោះទេ ប៉ុន្តែពេលចម្អិនកាន់តែមានរសជាតិឈ្ងុយឆ្ងាញ់ថែមទៀត។ របៀបច្នៃមុខម្ហូបផ្សេងៗគ្នា។

លោកស្រី Kanikama Hanako បានបង្ហាញជាង ២០០ រូបមន្តសម្រាប់ចម្អិនប្រហិតសាច់ក្តាមដូចជា Takoyaki, Tempura, Yakisoba និងឈីសដុត។

ក្រឡេកទៅមើលរូបថតដ៏ស្រស់ស្អាតនៅលើ Instagram របស់ Kanikama Hanako អ្នកប្រាកដជាចង់ញ៉ាំភ្លាម។