ក្មេងស្រីជំទង់ជប៉ុនម្នាក់រត់​ចេញពី​ផ្ទះ​មិន​សម្រេចធ្វើអត្តឃាតតាមផ្លូវត្រឡប់ទៅ​វិញ

វ័យជំទង់គឺជាដំណាក់កាលដែលមនុស្សគ្រប់គ្នាត្រូវឆ្លងកាត់ក្នុងឆាកជីវិត។ នេះគឺជាដំណាក់កាលផ្លាស់ប្តូរពីកុមារទៅជាមនុស្សធំ ហើយក៏ជាពេលវេលាងាយ​ទទួលឥទ្ធិពល​ពី​សង្គម​ខាង​ក្រៅបង្កអោយមានកំហុសដែរ។

នៅប្រទេសជប៉ុនក្មេងៗជាច្រើននៅអាយុនេះច្រើនតែចាកចេញពីផ្ទះ។

លើកោះ Rishiki នៅ Hokkaido ជាកោះតូចនៅខាងជើងល្បី​ដោយ​សារ​មាន​សារ៉ាយសមុទ្រ និង​សត្វ​សមុទ្រ​ម៉្យាង​មាន​បន្លាឆ្ងាញ់លេខមួយនៅប្រទេសជប៉ុន មានក្មេងស្រីម្នាក់អាយុ ១៧ ឆ្នាំរត់ចេញពីផ្ទះ។

រូបភាពតំណាង https://minnkane.com/news/9387

ក្រុមគ្រួសារមានការព្រួយបារម្ភយ៉ាងខ្លាំង ហើយ​ជូន​ដំណឹងស្វែង​រកប្អូន។ សំណាងល្អប៉ូលីសបានរកឃើញនាង បន្ទាប់ពីបញ្ចុះបញ្ចូលនាងអោយត្រឡប់ទៅផ្ទះវិញ ប៉ូលីស និ​ង​នាង​ឡើង​កប៉ាល់​ត្រឡប់ទៅផ្ទះនៅកោះ Rishiki។

ប៉ុន្តែភ្លាមៗនោះនាងលោតចេញពីកប៉ាល់ ទោះបីជាត្រូវបញ្ជូនទៅមន្ទីរពេទ្យក៏ដោយ ក្រោយមកប៉ូលីសបញ្ជាក់​​ថា​នាង​​បាន​ស្លាប់។

តើ​បញ្ហា​អ្វី​កំ​ពុង​តែ​កើត​ឡើង​ធ្វើ​អោយ​ជន​រង​គ្រោះធ្វើ​អត្តឃាតហើយមិនព្រមត្រលប់ទៅផ្ទះវិញ?

យោងតាមសាលាបានអោយដឹងថាសិស្សម្នាក់​នេះធ្លាប់សារភាពមានបញ្ហាក្នុង​ក្រុមគ្រួសារ។ ទោះបីជាពិគ្រោះយោបល់ ​និងជជែកគ្នាក៏ដោយ សាលាមិន​ទាន់​មាន​វិធាន​ការព្រោះ​យល់​ថាវាមិនមែនជារឿងបន្ទាន់។ លើសពី​នេះ​សិស្ស​ម្នាក់​នេះច្រើន​តែទៅរៀន​យឺត និង​អវត្តមាន​ក្នុង​ថ្នាក់។ 

ទោះបី​មិន​ដឹង​ច្បាស់អំពី​បញ្ហាគ្រួ​សារជាអ្វីក៏​រឿង​នេះ​កើត​ឡើង​ទៅ​ហើយ។ ជនរងគ្រោះព្យាយាមនិយាយជា​មួយ​គ្រូពេល​ដែល​មិន​អាច​ចែក​រំ​លេក​នឹង​គ្រួ​សារ។ ប៉ុន្តែ​សូម្បី​តែ​សាលាក៏មិនអើពើនឹងនាងដែរ។

សូម្បីតែប៉ូលីសក៏មិនអាចដឹងថាបញ្ហានៅកន្លែងណាដែរ។

ជីវិតរបស់ក្មេងស្រីអាយុ ១៧ ឆ្នាំត្រូវបាត់​បង់ សូម្បី​តែ​សាច់​ញាតិ គ្រូបង្រៀន និង​អ្នក​មាន​ភារកិច្ច​ការ​ពារក៏​មិន​អាច​ជួយបាន។ 

នៅ​ក្នុង​វ័យ​ជំទង់អ្វីៗទាំងអស់គឺថ្មី។ សង្គមពោរពេញទៅដោយការល្បួងចំណែក​ប្អូនៗនៅ​ក្មេង​ពេក។ សង្ឃឹម​ថា​យុវជនអាចទទួលបានការណែនាំ ដំបូន្មាន ការ​យោគ​យល់ និងចែករំលែកពីមនុស្សដែលមានបទពិសោធ។

Kengo Abe