ប្រជាជនជប៉ុននាំគ្នាចម្លងធម៌ព្រះជាវិធិជម្រះចិត្តគំនិត

ថ្ងៃសៅរ៍ 14/09/2019 | 22:40 ល្ងាច

ប្រទេសជប៉ុនកាន់ព្រះពុទ្ធសាសនាមកពីប្រទេសចិន។ ដោយសារប្រជាជនជប៉ុនបច្ចុប្បន្ននៅតែប្រើអក្សរចិន ដូច្នេះប្រជាជនជប៉ុនអាចអានធម៌ព្រះ។ ទោះបីជាយ៉ាងណាដើម្បីសរសេរអក្សរចិនបានល្អត្រូវខំប្រឹង និងផ្តោតអារម្មណ៍។

រូបភាពខាងក្រោមនេះជាធម៌ព្រះចម្លងដោយដៃ។

រូបភាព https://takigamiaju.com/2019/01/19/syakyo-koka/

គោលបំណងពិតនៃការចម្លងធម៌ព្រះមិនមែនដើម្បីហាត់សរសេរអក្សរអោយស្អាតទេ ចំពោះយុវជនដែលមិនសូវចាប់អារម្មណ៍សាសនា និងជំនឿ តើអ្វីធ្វើអោយពួកគេមានទំនោរចម្លងធម៌ព្រះ?

ប្រសិនបើអ្នកត្រូវនរណាម្នាក់និយាយថា “ការចម្លងធម៌ព្រះជួយអោយអ្នកបញ្ចេញសមត្ថភាពដែលមាននៅក្នុងខ្លួន” តើអ្នកជឿទេ?

រូបភាព https://takigamiaju.com/2019/01/19/syakyo-koka/

ពាក្យនីមួយៗដែលសរសេរនៅក្នុងធម៌ព្រះមានកម្លាំងអំណាច។ ដូច្នេះនៅពេលអ្នកចម្លងធម៌ព្រះ ពាក្យទាំងនោះនឹងជួយអ្នកអោយបញ្ចេញសមត្ថភាពដែលមាននៅក្នុងខ្លួន។ កុំបារម្ភថាខ្លួនមិនយល់អត្តន័យនៃពាក្យ អ្នកគួរតែរៀនសរសេរមុនសិន។ នៅពេលចម្លងធម៌ព្រះ រលកសម្លេងក្នុងចិត្តរបស់អ្នកនឹងត្រូវបានកែប្រែ ហើយនេះជាវិធីជម្រះចិត្តអោយកាន់តែប្រសើរឡើង។

ការចម្លងធម៌ព្រះនឹងជួយអ្នកលុបបំបាត់អារម្មណ៍មិនល្អ និងគំនិតរបស់លោកីយ៍ ហើយជួយអោយអ្នកអាចកំណត់អនាគតល្អបន្តិចម្តងៗ។

អារម្មណ៍អវិជ្ជមានដូចជាកំហឹង ការច្រណែន ការស្អប់ខ្ពើម អារម្មណ៍មិនល្អដែលបណ្តាលមកពីគំនិតអាក្រក់ គ្រប់យ៉ាងនឹងកាត់បន្ថយនៅពេលដែលអ្នកចម្លងធម៌ព្រះ។

ព្រះពុទ្ធសាសនាបានបង្រៀនថា៖ “កម្លាំងខាងក្នុងនឹងនាំមនុស្សទៅរកសុភមង្គល”។ ការចម្លងធម៌ព្រះជួយអោយអ្នកទទួលបានកម្លាំងនេះ។

ទោះជាអ្នកជឿឬមិនជឿវាអាស្រ័យទៅលើអ្នក ប៉ុន្តែអ្នកប្រាកដជាទទួលបានការផ្តោតអារម្មណ៍ផ្លូវចិត្ត។ ប៉ុន្តែពេលដែលអ្នកចាប់ផ្តើមរៀនចម្លងធម៌ព្រះ អ្នកអាចនឹងបារម្ភ។ បន្ទាប់ពីហាត់ប៉ុន្មានដងអ្នកនឹងមានអារម្មណ៍ថាស្មា និងដៃរបស់អ្នកចុករោយ។ ការលំបាកទាំងនេះជាឧបសគ្គធ្វើអោយអ្នករាថយ។ ប៉ុន្តែទាំងនេះគ្រាន់តែជាអារម្មណ៍អវិជ្ជមានខាងក្នុងធ្វើអោយអ្នកយល់ថាអ្វីៗគ្រប់យ៉ាងសុទ្ធតែមានបញ្ហា សូមកុំបារម្ភត្រូវតស៊ូរហូតដល់ទីបញ្ចប់។

រូបភាព https://takigamiaju.com/2019/01/19/syakyo-koka/

ធម៌ព្រះមានច្រើនប្រភេទ។ ប្រភេទដែលត្រូវបានគេប្រើច្រើនបំផុតគឺ Hannyashinkyo។ ដោយសារមានដល់ទៅ ៣០០ អក្សរ សូម្បីតែប្រជាជនជប៉ុនក៏ត្រូវចំណាយពេលមួយម៉ោងដើម្បីសរសេរដែរ។

តាមរយៈការអានអ្នកប្រាកដជាចង់ដឹងពីវិធីចាប់ផ្តើមចម្លងធម៌ព្រះ។ វិធីងាយស្រួលបំផុតអ្នកអាចទៅវត្តដែលមានវគ្គបង្រៀនចម្លងធម៌។ ត្រឹមតែ ២០០០ ទៅ ៣០០០ យ៉េនអ្នកអាចទទួលបានវគ្គសិក្សាជាមួយព្រះសង្ឃ។ គ្រាន់តែទៅដល់វត្តអ្នកនឹងមានអារម្មណ៍ថាស្ងប់ស្ងាត់ក្នុងចិត្ត។