នាយកដ្ឋានថាមពលអគ្គីសនី TOKYO ជួសជុលដាច់ចរន្តអគ្គីសនីយឺត​យ៉ាវធ្វើ​អោយ​ប្រជាជននៅ​ខេត្ត Chiba ស្ថិត​ក្នុងស្ថានភាពលំបាក

ព្យុះ​​លេខ ១៥ (ឬត្រូវ​បាន​គេ​ហៅឈ្មោះ​អន្តរជាតិ​ថាព្យុះ Faxai) ចូល​ទី​ក្រុង​ Tokyo ប្រទេសជប៉ុន និងតំបន់​ភាគ​ខាងកើតខេត្ត Chiba នៅថ្ងៃទី ៩ ខែកញ្ញាឆ្នាំ ២០១៩ ។ ខេត្ត Chiba ជាតំបន់រងគ្រោះខ្លាំងបំផុត។ បច្ចុប្បន្ននេះជាង ៣៣១.៥០០ គ្រួសាររស់នៅក្នុង​ស្ថាន​ភាពដាច់ភ្លើងរយៈពេល ៤ ថ្ងៃជាប់ៗគ្នា។ 

ចាប់តាំងពីមានហេតុការណ៍កើតឡើង នាយកដ្ឋានអគ្គិសនីទីក្រុង Tokyo បានប្រកាសថាពួកគេនឹងព្យា​យាម​ជួសជុល និងផ្គត់ផ្គង់អគ្គិសនីដល់ប្រជាពលរដ្ឋនៅថ្ងៃទី ១១ ខែ​កញ្ញា។ ប៉ុន្តែរហូតមកដល់ថ្ងៃទី ១៣ ខែ​កញ្ញានៅ​តែ​មិន​ទាន់​ដោះ​ស្រាយ។

រូបភាព https://www.fnn.jp/posts/

កាលពីម្សិលមិញនាយកដ្ឋានអគ្គិសនីទីក្រុង Tokyo បានធ្វើសន្និសិទកាសែតប្រកាសពីមូលហេតុចម្បងដែល​ធ្វើអោយ​យឺត​យ៉ាវ ដោយសារពួកគេមិន​អាច​ដឹងពី​ស្ថាន​ភាពខូចខាតបច្ចុប្បន្ន។ លើសពីនេះដោយសារដើម​ឈើដួលរលំច្រើនពេកធ្វើអោយ​រថយន្ត​សង្រ្គោះមិនអាចចូលកន្លែងកើតហេតុជួសជុលអគ្គិសនីសម្រាប់ប្រជាជន​បាន។

ប្រសិន​បើអាចបញ្ជាក់ពីស្ថាន​ភាព​ជាក់​ស្តែង រដ្ឋាភិបាលនឹងបង្កើនការជួយសង្គ្រោះ និងបញ្ជាកម្លាំងការពារ​ដោះ​ស្រាយ​ស្ថាន​ភាព​ដើម​ឈើដួល​រលំ។ គ្រោះមហន្តរាយធម្មជាតិបាន​រំខានការផ្គត់ផ្គង់អគ្គិសនី ចំណែក​ការ​ពន្យាពេល​ដោះ​ស្រាយបញ្ហា​ដោយ​សារសមត្ថភាពរបស់នាយកដ្ឋានអគ្គិសនីទីក្រុង Tokyo។

មិនត្រឹមតែបញ្ហាអគ្គីសនីប៉ុណ្ណោះទេ ខេត្ត​ Chiba ក៏ទទួលរងការខូចខាតជាច្រើនផ្សេង​ទៀត។ មាន​តំបន់​ជាច្រើន​ខ្វះទឹកស្អាតសម្រាប់​ប្រើ​ប្រាស់។ មនុស្សជាច្រើនកំពុងប្រឈមនឹងកង្វះស្បៀងអាហារយ៉ាងខ្លាំង ដោយ​សារ​ការកកស្ទះចរាចរណ៍បណ្តាអោយការដឹកជញ្ជូនទំនិញត្រូវបញ្ឈប់។

សាំងស្ថិត​ក្នុង​ស្ថាន​ភាព​ខ្វះ​ខាត​ដូច្នេះប្រជាជនត្រូវតម្រង់​ជួរដើម្បីទិញ​សាំង។

រូបភាព https://www.fnn.jp/posts/

តំបន់ដែលរងការខូចខាតនាពេលបច្ចុប្បន្ននេះមានចម្ងាយមួយម៉ោងពីទីក្រុង Tokyo គួរតែ​អាចទទួលបាន​ជំនួយ​​ស្បៀងអាហារ។ ប៉ុន្តែ​ដោយ​សារខ្វះ​ព័ត៌មាន​ធ្វើ​អោយ​ស្ថាន​ភាពកាន់តែធ្ងន់ធ្ងរ។ បើគ្មានអគ្គិសនី​ទូរទស្សន៍ និងអុីនធឺណេតមិន​អាច​ប្រើ​បាន​ទេ។ ប្រជាជននៅខាងក្រៅខេត្ត Chiba មិន​ដឹង​ពី​ស្ថាន​ភាព​ខាង​​ក្នុង ហើយប្រជាជនខេត្ត Chiba ក៏មិនអាច​ស្វែងរកជំនួយដែរ។

ភ្លើងចរាចរណ៍មិន​ដំណើរការធ្វើ​អោយ​ស្ថាន​ភាពចរាចរណ៍មានគ្រោះថ្នាក់។

ខ្ញុំ​ដឹង​ថា​ព្យុះគួរអោយ​ខ្លាចហើយការខូចខាតដែលបណ្តាលមកពីព្យុះមិនមែនមនុស្សគ្រប់គ្នាសុទ្ធតែអាចព្យាករណ៍បានទេ។ ប៉ុន្តែនាយកដ្ឋានអគ្គិសនីទីក្រុង Tokyo ត្រូវរកដំ​ណោះ​ស្រាយ​សម្រាប់​ប្រជាជនខេត្ត Chiba ដែល​ស្ថិត​ក្នុង​ស្ថាន​ភាព​លំ​បាក​បែប​នេះ។

Kengo Abe