រដ្ឋមន្រ្តីក្រសួងបរិស្ថានជប៉ុនស្នើអោយបញ្ចេញកាកសំណល់វិទ្យុសកម្មនៅ Fukushima ចូលមហាសមុទ្រប៉ាស៊ីហ្វិក

មន្ត្រីជប៉ុនទើបតែប្រកាសជាសាធារណៈថាពួកគេអាចនឹងបញ្ចេញកាកសំណល់វិទ្យុសកម្មពីរោងចក្រថាម​ពល​នុយ​ក្លេអ៊ែរដែលត្រូវបានបំផ្លាញនៅ Fukushima ចូលមហាសមុទ្រប៉ាស៊ីហ្វិក។

សេចក្តីថ្លែងការណ៍គួរអោយព្រួយបារម្ភនេះមកពីរដ្ឋមន្រ្តីក្រសួងបរិស្ថានរបស់ជប៉ុនគឺលោក Yoshiaki Harada។ យោងតាមព័ត៌មាន MailOnline លោកបាន​អោយ​ដឹង​ក្រុមហ៊ុនថាមពលអគ្គីសនី Tokyo (Tepco) ទទួលខុស​ត្រូវលើកាកសំណល់វិទ្យុសកម្ម បច្ចុប្បន្នមិន​គ្រប់កន្លែង​ផ្ទុកសារធាតុ​​នេះ។

រូបភាព https://www.cbc.ca/news/technology/fukushima-water-pacific-1.5278877

នៅថ្ងៃទី ១១ ខែមីនាឆ្នាំ ២០១១ រញ្ជួញដី​ដ៏​ធំបាន​បណ្តាល​អោយរ៉េអាក់ទ័រចំនួន​ ៣ នៅ​រោង​ចក្រនុយក្លេអ៊ែរ Fukushima Daiichi ផ្ទុះភាយចំ​ហាយ​វិទ្យុសកម្ម​ចេញទៅ​បរិយាកាស​ ហើយ​បង្ខំ​ត្រូវ​ជម្លៀសមនុស្សជាង ១៦០.០០០ នាក់ចេញពីតំបន់នោះ។ Tepco ត្រូវ​ប្រើ​ទឹកដើម្បីធ្វើអោយរ៉េអាក់ទ័រត្រជាក់អស់រយៈពេល ៨ ឆ្នាំកន្លងមក។

យោងតាមព័ត៌មាន CNET តាមរយៈដំណើរការនេះក្រុមហ៊ុន​បាន​ប្រមូល​ទឹករង​​វិទ្យុសកម្មជាង ១ លានតោនក្នុង​អាង​ផ្ទុកចំនួន​ ៩០០ ស្ថិត​នៅ​តំបន់ជាច្រើន​នៅ Daiichi។ 

លោក Harada បាននិយាយថាលែងមានកន្លែងស្តុកទឹកដែលរង​​វិទ្យុសកម្មនៅឆ្នាំ ២០២២ ។

“មាន​ជម្រើស​តែ​មួយ​កត់ត្រូវបង្ហូរចូលសមុទ្រដើម្បីរំលាយកាកសំណល់នេះ” យោង​តាម​សម្តី​របស់​លោក Harada ក្នុងសន្និសីទកាសែត។ “រដ្ឋាភិបាលទាំងអស់នឹងពិភាក្សាអំពីបញ្ហានេះ ប៉ុន្តែខ្ញុំចង់បង្ហាញអំពី​យោបល់របស់ខ្ញុំ”។

ប្រទេសជប៉ុនមិនទាន់ធ្វើការសម្រេចចិត្តលើបញ្ហានេះនៅឡើយទេពីព្រោះរដ្ឋាភិបាលកំពុងរង់ចាំរបាយការណ៍​ពីក្រុមអ្នកជំនាញ។

នៅក្នុងសន្និសីទកាសែតផ្សេង​ទៀតប្រធានលេខាធិការលោក Yoshihide Suga បានបញ្ចុះបញ្ចូលរដ្ឋាភិបាលកុំស្តាប់តាម “មតិផ្ទាល់ខ្លួន” របស់​លោក Harada។ គាត់គិតថាគំនិតរបស់លោក Harada អាចបង្កអោយ​មាន​ភាពតានតឹងនៅក្នុងតំបន់ប៉ាស៊ីហ្វិក។

Tepco ប្រកាស​ថាពួកគេ​ព្យាយាមបំ​បាត់​សារធាតុ​ពុលក្នុង​ទឹក​ ដោយ​អះអាងរហូត​មក​ដល់បច្ចុប្បន្នបាន​​ស្វែង​រក​វិធីបំ​បាត់​សារធាតុ​ចំនួន ៦២ ក្នុង​ចំណោមសារធាតុវិទ្យុសកម្មចំនួន ៦៣ សល់​តែ Tritium ការបញ្ជាក់​​ថា​ Tritium ពិ​បាក​បំ​បាត់ដោយ​សារវាភ្ជាប់​ជាមួយ​ម៉ូលេគុលទឹក។ គួរកត់សម្គាល់ថារោងចក្រ​នុយក្លេអ៊ែរ​នៅក្បែរឆ្នេរត្រូវបានអនុញ្ញាតអោយចាក់កាកសំណល់មានផ្ទុក Tritium ចូលសមុទ្រក្នុង​បរិមាណតិច។ ទោះយ៉ាងណាកាលពីឆ្នាំមុន Tepco ក៏បានបញ្ជាក់ថាកាកសំ​ណល់​ត្រូវ​បំ​បាត់មានផ្ទុកសារធាតុផ្សេងក្រៅពីសារធាតុ Tritium។

Greenpeace បានអំពាវនាវអោយ Tepco បន្តរក្សាទុកកាកសំណល់ និងបន្តអភិវឌ្ឍបច្ចេកវិទ្យាបំ​បាត់​សារធាតុ​រងវិទ្យុសកម្មចេញ។

ការបញ្ចេញកាកសំណល់វិទ្យុសកម្មចូលមហាសមុទ្រប៉ាស៊ីហ្វិកនឹងទទួលការរិះគន់ជាច្រើន​ពីអង្គការដែនសមុទ្រ​អន្តរជាតិរបស់អង្គការសហប្រជាជាតិ ប្រជាជន និង​អ្នក​នេសាទផងដែរ។ មនុស្សទាំងនេះនឹងប្រឆាំងចំពោះគម្រោង​បង្ហូរ​ទឹក​កខ្វក់ចូលកន្លែងនេសាទរបស់ពួកគេ។

ប្រភព CBC News

Sacchan