ហេតុអ្វីធុង​សំ​រាម​នៅប្រទេសជប៉ុនមាន​ប្រឡោះពីរប៉ុន្តែពេលធ្លាក់ចុះក្នុង​​កន្លែងតែមួយ?

មូលហេតុដែលធ្វើអោយភ្ញៀវទេសចរណ៍បរទេសមក​លេង​កំ​សាន្តធុញ​ទ្រាន់ព្រោះ​សូម្បី​តែ​នៅទី​ក្រុងធំក៏​មិន​សូវមាន​ធុង​សំ​រាម​ដែរ។ ដោយសារតែជនជាតិជប៉ុនមានទម្លាប់យកថង់សំរាមទៅចោលនៅ​ផ្ទះ ចំណែកមួយចំនួន​ទៀតត្រូវ​គេ​យក​ចេញព្រោះបារម្ភភេរវកម្ម។

ក្រៅពីនេះភ្ញៀវទេសចរណ៍មួយ​ចំនួន​យល់​ថាធុង​សំ​រាម​នៅជប៉ុនមាន​ប្រឡោះ​ពីរ​សម្រាប់​ចោល​សំ​រាម អ្នកអាច​មើល​ឃើញនៅក្បែរម៉ាស៊ីនលក់ទំនិញស្វ័យ​ប្រវត្តិឬច្រកចូលផ្សារទំនើប។ ចំហៀងម្ខាង​សរសេរ​ថា pet bottles (ដបប្លាស្ទិច) មួយចំហៀងទៀតគឺ Cans (កំប៉ុង)។ ប៉ុន្តែប្រសិនបើអ្នកក្រឡេកមើលខាងក្នុង សំរាមចូលពី​ប្រឡោះពីរប៉ុន្តែពេលធ្លាក់ចុះក្នុង​​កន្លែងតែមួយ។

ហេតុ​អ្វី​ក៏​ដូច្នេះ?

SoraNews បាន​សាក​សួរ​ក្រុមហ៊ុនភេសជ្ជៈល្បីមួយចំនួនចំ​ពោះ​បញ្ហា​នេះ។

នេះជា​ចម្លើយមកពី Coca-Cola

“ការរចនាបែបនេះដើម្បី​អោយ​អ្នក​ទាំង​អស់​គ្នាដឹងអំពីសារៈសំខាន់នៃការបែងចែកកាកសំណល់ដែល​អាចច្នៃ​ឡើង​វិញជាមួយប្រភេទផ្សេងៗទៀត”។

ជាក់ស្តែងការរចនានេះមិនប្រើដើម្បីបំបែកកំប៉ុង និងដបប្លាស្ទិចទេ ប៉ុន្តែ​ដើម្បី​រំ​លឹក​ប្រជាជន​អោយធ្វើតាមគោលការណ៍។ ប្រជាជន​ជប៉ុន​ត្រូវបែង​ចែក​កំប៉ុង និង​ដបប្លាស្ទិច។

ក្រៅពី​នេះ​ពេល​ទំនាក់​ទំនង​ជាមួយ DyDo ពួកគេបានផ្តល់ហេតុផលផ្សេងទៀត។

“ថ្មីៗនេះហាងកាហ្វេ និងហាងលក់​ទំនិញប្រើ​កែវច្រើន​ប្រភេទ។ អ្នក​ខ្លះ​ប្រើ​ហើយ​ចោល​ក្នុង​ធុង​សំ​រាម ប្រសិន​បើ​កែវធំជាប់​គាំង អ្នក​អាច​ចោល​ក្នុង​ប្រឡោះ​ម្ខាង​ទៀត។ ចំ​ណែក​បទបញ្ញត្តិចោលកំប៉ុង និង​ដបប្លាស្ទិចដើម្បីការពារកុំ​អោយប្រជាជនចោល​សំ​រាម​ផ្សេង​ទៀត​ក្នុង​ធុង​”។

តើអ្នកយល់យ៉ាងណាចំពោះការរចនានេះ?

ប្រភព Soranews24

M.E.O