ម៉ាស៊ីនលក់ដោយស្វ័យប្រវត្តិមានសេវាកម្មបង់ជាកញ្ចប់ប្រចាំខែ

ប្រាកដណាស់មនុស្សភាគច្រើនបង់ថ្លៃសេវាកម្មជាកញ្ចប់ប្រចាំខែដូចជាប្រើអីុនធឺណេត ទូរស័ព្ទ -ល- យើងតែងមានទំនោរទិញសេវាកម្មជាកញ្ចប់ដើម្បីទទួលបានការ​បញ្ចុះតម្លៃ និងសន្សំសំចៃ។ នៅប្រទេសជប៉ុន​ទម្រង់​នេះ​គេ​ហៅ​ថា subcription។

ក្រៅពី​នេះ​ប្រទេស​នៅ​លើ​ពិភព​លោក​បច្ចុប្បន្នប្រើសេវាកម្មកំ​សាន្តតាមអីុនធឺណេតដូចជា Apple Music ឬ Spotify កំពុងតែកើនឡើង។ នេះគឺជាកញ្ចប់សេវាកម្មតន្រ្តីដែលចំណាយប្រចាំខែ។ សេវាកម្មនេះមានប្រជា​ប្រិយ​ភាពព្រោះអ្នកប្រើអាចជ្រើសរើសកញ្ចប់ផ្សេងៗគ្នាអាស្រ័យលើតម្រូវ​ការ និងចំណូល​ប្រាក់​ខែ។ ក្នុងអំឡុងពេលប្រើប្រាស់សេវាកម្មអ្នក​អាច​ស្តាប់ចម្រៀងតាមដែលអ្នកចូលចិត្ត។

ឧទាហរណ៏មួយទៀតគឺផលិតផលដែលនិយម​សម្រាប់បុគ្គលិកការិយាល័យដូចជា Microsoft Office។ ក្រុមហ៊ុនទាំងអស់ឥឡូវនេះប្រើកញ្ចប់សេវាកម្មប្រចាំឆ្នាំដើម្បី​សន្សំ​ប្រាក់។

នៅប្រទេសជប៉ុនសេវាកម្មនេះត្រូវបានគេ​បញ្ចូល​ក្នុងម៉ាស៊ីនលក់ដោយស្វ័យប្រវត្តិ។

រូបភាព https://nlab.itmedia.co.jp/nl/articles/

ម៉ាស៊ីនលក់ដោយស្វ័យប្រវត្តិមានសេវាកម្ម subscription មានពីរកញ្ចប់សម្រាប់អ្នកជ្រើសរើស។ កញ្ចប់ទី ១ សម្រាប់ផលិតផលមួយចំនួនមានតម្លៃ ៩៨០ យ៉េនក្នុងមួយខែ។ កញ្ចប់ទី ២ មានតម្លៃ ២,៤៨០ យ៉េនក្នុងមួយខែ។

ពេលចុះឈ្មោះប្រើសេវាកម្ម subscription អ្នកនឹង​ទទួល​បានលេខកូដដើម្បីស្កេនរាល់ពេលដែលអ្នកទិញផលិតផល។

រូបភាព https://nlab.itmedia.co.jp/nl/articles/

ទឹកសុទ្ធមួយដបនៅប្រទេសជប៉ុនមានតម្លៃមធ្យមប្រហែល ១៥០ យ៉េន។ ក្នុង​មួយ​ខែ​​ ៣០ ថ្ងៃក្នុងមួយថ្ងៃអ្នក​ទិញ​ទឹក​មួយ​ដបចំនួន​ប្រាក់​សរុប​ត្រូវ​បង់គឺ ៤,៥០០ យ៉េន។ ដូច្នេះអ្នកនឹងទទួលបានអត្ថប្រយោជន៍ជាច្រើនប្រសិនបើអ្នកប្រើសេវាកម្ម subscription។

ទោះបីជាយ៉ាងណាដើម្បីជៀស​វាងករណីមនុស្សម្នាក់ចុះឈ្មោះច្រើន​កញ្ចប់ (ឧទាហរណ៍ទិញសម្រាប់មិត្ត​ភក្តិ​ឬ​ទិញ​ក្នុងបរិមាណច្រើន -ល-) អតិថិជនម្នាក់ៗអាចទិញទឹកបានតែមួយដបក្នុងមួយថ្ងៃ។

សេវាកម្ម​នេះផ្តល់​ភាព​ងាយ​ស្រួលសម្រាប់​អ្នក​ដែល​ចូលចិត្ត​​ទិញទឹក​សុទ្ធ​នៅក្នុង​ម៉ាស៊ីនលក់ស្វ័យប្រវត្តិ។ លើស​ពី​នេះ​អ្នកប្រើមិនចាំបាច់ព្រួយបារម្ភករណី​បាត់​លុយ។

ប្រសិនបើម៉ាស៊ីនលក់បាយ Bento ក៏​អាច​ធ្វើ​បាន​បែប​នេះ ពិត​ជាងាយ​ស្រួល។ ​តើអ្នកគិតយ៉ាងណាចំពោះគំនិតនេះ?

Kengo Abe