ត្រាជួយ​ស្រី្តបង្ការ​ព្រាននារី​លក់​​អស់​ក្នុង​​រយៈ​ពេល​​មួយ​​ម៉ោង

​ត្រា​ពិសេសត្រូវ​បាន​ផលិតដើម្បីការពារអំពើមិនសមរម្យកើត​ឡើង​ចំ​ពោះ​ស្រ្តី។ 

ត្រា​នេះ​ត្រូវ​បានផលិតដោយ​ Shachihata ជាក្រុម​ហ៊ុន​គ្រឿង​សម្ភារការិយាល័យស្ថិត​នៅ Nagoya។ ក្រុមហ៊ុនបានផលិតត្រា​ចំនួន ៥០០ឈុតលើ​អីុនធឺណែតកាលពីថ្ងៃទី ២៧ ខែសីហា។ ដោយ​ដឹង​ថា​ផលិត​នេះលក់អស់ក្នុងរយៈពេលតែមួយម៉ោង។

Chikan (ព្រាន​នារី) គឺជា​អ្នក​ដើរ​តាមមាន​គំនិត​មិន​ល្អ​ទៅ​លើ​ស្រ្តីដែលជាបញ្ហានៅប្រទេសជប៉ុនពិសេសនៅកន្លែងមានមនុស្សច្រើនដូចជារថភ្លើង។

នៅឆ្នាំ ២០១៧ នាយកដ្ឋានប៉ូលីសទីក្រុង Tokyo បានកត់ត្រាចំនួន ១៧៥០ ករណីមាន ៣០% ករណីទាំង​នេះកើត​ឡើង​នៅ​ម៉ោង​មាន​មនុស្ស​ច្រើនចាប់ពីម៉ោង ៧ ព្រឹកដល់ ៩ ព្រឹក។

ត្រា​ពិសេសនេះប្រើទឹកប៊ិចអាចលុបបាន។ អ្នកប្រើ​អាចផ្តិតរូប​ភាពក្នុង​គម្លាត​ប្រហែល ៩ មីល្លីម៉ែត្រ មាន​ន័យ​ថាសញ្ញាសម្គាល់លើ​សម្ភារឬដៃរបស់​ព្រាន​នារី ប៉ុន្តែ​ស្នាមដាន​នេះអាចមើលឃើញតែនៅក្រោមកាំរស្មីអ៊ុលត្រាវីយូ (UV) ដូច្នេះផលិតផលត្រូវលក់ភ្ជាប់ជាមួយកាំរស្មីយូវី។

ត្រា​នេះ​ទុក​នៅ​ក្នុង​របស់​ផ្ទុកតូចពណ៌លឿង មានខ្សែព្យួរឬថ្ពួក​ជាប់នឹងកាបូប។ ជាមួយនឹងការរចនានេះម្ចាស់អាច “ប្រឈមមុខ” អ្នកដែលមានចេតនាមិន​ល្អ។

Yayoi Matsunaga អ្នក​នាំមុខមជ្ឈមណ្ឌល Chikan Yokushi Katsudo (មជ្ឈមណ្ឌលបង្ការ Chikan) បាន​អោយ​ដឹងអំពីការកំណត់ប្រសិទ្ធភាពនៃផលិតផល។ ទោះយ៉ាងណា Yayoi គិតថាសកម្មភាពរបស់ Shachihata ពិតជាមានន័យ និងគួរអោយសរសើរលើកទឹកចិត្ត។

Shachihata បានអោយ​ដឹង​ការ​បង្កើត​គំនិត​នេះដោយសារ Tweet ល្បី​លើ Twitter ក្នុងខែឧសភាពេលដែលសាស្រ្តាចារ្យម្នាក់បានស្នើអោយកំ​ណត់អត្តសញ្ញាជនល្មើសដោយម្ជុល។

សំណើនេះទទួលបានមតិដេញដោលជាច្រើន ដូច្នេះក្រុមហ៊ុនបានស្នើអោយប្រើត្រាជំនួសវិញ។

ក្រុមហ៊ុនបានប្រកាសថា “យើងនឹងព្យាយាមអោយអស់ពីសមត្ថភាពដើម្បីដោះស្រាយស្ថានភាពនេះ។ នេះមិនមែនជារឿងលេងសើចទេ”។

ត្រាត្រូវបានដាក់លក់ក្នុងតម្លៃ ២៧០០ យ៉េន Shachihata នឹងកែលម្អវាតាមមតិរបស់អ្នកប្រើប្រាស់។ ទោះ​បីជា​យ៉ាង​ណាមិន​ទាន់មាន​កាលបរិច្ឆេទជាផ្លូវការសម្រាប់កំណែទម្រង់​ថ្មីទេ។

ប្រភព https://nextshark.com/groping-stamp-debuts-japan/

Sacchan

មើលបន្ថែម: