ប្រភពដើមនៃ Ekiden ការប្រកួតរត់ប្រណាំង Marathon

ថ្ងៃពុធ 04/09/2019 | 10:53 ព្រឹក

ដើមឆ្នាំថ្មីនៅប្រទេសជប៉ុនមានប្រារព្ធពិធីប្រកួតរត់ប្រណាំង Marathon ដែលគេហៅថា Hakone Ekiden។ ការរត់ Marathon ធម្មតាមានតែមនុស្សម្នាក់ ចំណែក Ekiden គឺជាប្រភេទនៃការរត់ Marathon ជំនួយកម្លាំងក្រុមប្រកួតមានមនុស្ស ៤ នាក់។

និស្សិតសាកលវិទ្យាល័យប្រមូលផ្តុំគ្នាជាក្រុមតំណាងអោយសាលារបស់ពួកគេទៅប្រកួត។ គ្រាន់តែមើលរូបភាពរបស់បេក្ខជនខំប្រឹងរត់ប្រណាំងក៏ធ្វើអោយអ្នកទស្សនាស្រក់ទឹកភ្នែកដែរ។ នេះគឺជាប្រពៃណីដែលមិនអាចខ្វះបាននៅថ្ងៃចូលឆ្នាំថ្មីនៅប្រទេសជប៉ុន។

រូបភាព https://news.yahoo.co.jp/byline/

មូលហេតុដែល Ekiden ទទួលបានការគាំទ្រពីមនុស្សជាច្រើន ព្រោះតែពួកគេមើលឃើញការខិតខំប្រឹងប្រែងរបស់កីឡាករ។ អ្នកដែលរត់ប្រណាំងតែងតែអស់កម្លាំង ប៉ុន្តែដោយសារតែមិត្តរួមក្រុមរបស់ខ្លួន ទើបខំរត់ឲ្យអស់ពីកម្លាំង ពួកគេមិនអាចបោះបង់ ហើយក៏ដោយសារតែអ្នកទស្សនានៅសងខាងផ្លូវគាំទ្រយ៉ាងខ្លាំងផងដែរ។

ប្រភេទនៃការរត់ Marathon ជាក្រុម គឺជាកីឡាដំបូងគេនៅប្រទេសជប៉ុន ប៉ុន្តែសូម្បីតែប្រជាជនជប៉ុនក៏មិនច្បាស់រឿងនេះដែរ។

ប្រភពដើមនៃ Ekiden មកពីមុខរបរដែលមានឈ្មោះថា Hikyaku នៅយុគសម័យរបស់ Samurai។ Hikyaku ស្រដៀងទៅនឹងបុគ្គលិកប្រៃសណីយ៍សព្វថ្ងៃ។

នៅពេលនោះរាជធានី Edo (Tokyo សព្វថ្ងៃ) និង Kyoto គម្លាតពីគ្នាប្រហែល ៥០០ គីឡូម៉ែត្រ។ រវាងទីក្រុងទាំងពីរនេះមាន ៥៣ ការិយាល័យប្រៃសណីយ៍។ នៅគ្រប់ការិយាល័យប្រៃសណីយ៍មានរៀបចំ Hikyaku ដើម្បីធានាពេលវេលាបញ្ជូនសំបុត្រ ហើយ Hikyaku តែងតែខំប្រឹងប្រើល្បឿនដើម្បីរត់ទៅស្ថានីយ៍ប្រៃសណីយ៍បន្ទាប់។ នៅពេលដែលទៅដល់កន្លែង ពួកគេនឹងប្រគល់សំបុត្រទៅឲ្យអ្នកដែលទទួលបន្ទុកនៅស្ថានីយ៍នោះ ដូច្នេះអំឡុងពេល ៣ ថ្ងៃសំបុត្រនឹងទៅដល់អ្នកទទួល។

អ្នកបញ្ជូនសំបុត្រនៅសម័យនោះមានរូបរាងដូចខាងក្រោម។

រូបភាព http://karapaia.com/archives/52116073.html

មូលហេតុដែល Hikyaku មានរូបសាក់ច្រើនដោយសារនៅពេលរត់មើលទៅវាពិសេស។

រូបភាព https://nipponbiyori.com/hikyaku-speed/

បើប្រៀបនឹងអ្នករត់ Marathon សព្វថ្ងៃ ល្បឿនមធ្យមរបស់អ្នករត់បញ្ជូនសំបុត្រទាំងនោះយឺតជាង ព្រោះផ្លូវនៅសម័យមុនពិបាកធ្វើដំណើរជាងឥឡូវ។ ពួកគេត្រូវជំនះឧបសគ្គជាច្រើនដូចជាហែលទឹក ឆ្លងទន្លេ ឬផ្លូវវាងដើម្បីជៀសវាងភ្នំរខ្ពស់គ្រោះថ្នាក់។

ហេតុអ្វី Hikyaku មិនជិះសេះអោយលឿន? ដោយសារសេះនៅសម័យនោះមិនមែនជាសេះចិញ្ចឹម មិនដូចជាសេះសព្វថ្ងៃ។ ក្រៅពីនេះ នៅសម័យនោះសេះរត់មិនលឿនដូចសេះឥឡូវឡើយ។ ជាការពិតណាស់ សេះហត់ត្រូវឈប់សម្រាក ពេលខ្លះចំណាយពេលយូរជាងធ្វើដំណើរតែម្នាក់ឯងទៅទៀត មិនត្រឹមតែប៉ុណ្ណឹងថ្លៃចំណាយសម្រាប់ទិញសម្ភារបំពាក់សេះដូចជារបស់ការពារពេលចូលព្រៃ និងស្បៀងផងដែរ។

មូលហេតុមួយទៀតគឺថា សេះមិនអាចរត់នៅពេលយប់បាន។ សេះគ្មានការហ្វឹកហាត់ងាយភ័យខ្លាច។

នេះជារឿងដែលទាក់ទងនឹងប្រពៃណី Ekiden។ ពេលវេលាគន្លងផុតទៅ Ekiden មានការប្រែប្រួលមួយចំនួនដូចជា Fuji Tozan Ekiden មានន័យថាការប្រណាំងឡើងភ្នំ។ ជារៀងរាល់ឆ្នាំមានក្រុមចូលរួមប្រមាណ ១០០ ក្រុម ក្នុងនោះក្រៅពីក្រុមមកពីសាកលវិទ្យាល័យ មានក្រុមការពារខ្លួន។

នៅពេលចាប់ផ្តើមឡើងភ្នំក្រុមមកពីសាកលវិទ្យាល័យហាក់ដូចជាលឿនជាង ប៉ុន្តែពេលឡើងកាន់តែខ្ពស់សម្ពាធបរិយាកាសធ្វើអោយពួកគេហត់ ដូច្នេះក្រុមការពារខ្លួនមានប្រៀបជាងព្រោះត្រូវបានហ្វឹកហាត់ជារៀងរាល់ថ្ងៃ។

នេះជាកីឡាមួយដែលធ្វើអោយមនុស្សជាច្រើនទប់ទឹកភ្នែកមិនបាន ដោយសារតែទម្រង់ពិសេសក្នុងការប្រកួត។ នៅប្រទេសជប៉ុនមាន Hakone-Ekiden ក្នុងរដូវរងារ ចំណែក Ekiden ឡើងភ្នំ Fuji នៅរដូវក្តៅ។

អ្នកគួរតែមើលផ្ទាល់ការប្រកួតប្រណាំងនេះប្រាកដជាមិនខកចិត្តឡើយ។

Kengo Abe