ទេសភាព​ស្រស់​ស្អាត​នៃប្រាសាទក្នុង​ពពកនៅ​​ប្រទេស​ជប៉ុន

ប្រាសាទ Echizen Ono នៅប្រទេសជប៉ុនជាមួយនឹងទេសភាព​​ស្រស់​ស្អាត​អាថ៌កំបាំងដែលអ្នកទស្សនាបានត្រឹមតែ ១០ ដងក្នុងមួយឆ្នាំ។

ប្រាសាទ Echizen Ono នៅប្រទេសជប៉ុន​ត្រូវបាន​គេ​ហៅ​ថាប្រាសាទ​​ក្នុង​ពពក។ ដោយសារតែនៅលើភ្នំព័ទ្ធជុំវិញទៅដោយ​អ័ព្ទពេញមួយឆ្នាំកម្រនឹង​មើល​ឃើញប្រាសាទ​​ណាស់។

យោងតាមទំព័រ Mirror នៅពេលមានការផ្លាស់ប្តូរសីតុណ្ហភាពប្រាសាទនេះនឹងលេចចេញមក។

គេប៉ាន់ប្រមាណថាប្រហែល ១០ ដងក្នុងមួយឆ្នាំ ភ្ញៀវទេសចរណ៍​អាចមើលឃើញប្រាសាទអាថ៌កំបាំងដូចជានៅ​ក្នុងរឿងនិទាន។

ប្រាសាទនេះមានទីតាំងស្ថិតនៅលើភ្នំតូចមួយដែលមើលពីលើទីក្រុង Ono នៅ Fukui ប្រទេសជប៉ុន។

ប្រាសាទនេះត្រូវបានសាងសង់ឡើងក្នុងឆ្នាំ ១៥៨០ មាន​ទំនាក់​ទំនង​នឹងអ្នក​គ្រប់​គ្រង​ក្នុងប្រវត្តិសាស្ត្រជប៉ុន។

អ្នកអាចមើលឃើញប្រាសាទយ៉ាងច្បាស់បំផុតក្នុងរយៈពេលពីព្រះអាទិត្យរះរហូតដល់ម៉ោង ៩ ព្រឹក។

ប្រាសាទហាក់ដូចជាអណ្តែតលើពពក។

មូលហេតុដែលពពកច្រើនគឺដោយសារតែអាកាសធាតុសើម សីតុណ្ហភាពខុសគ្នារវាងពេលថ្ងៃ និងពេលយប់ ហើយ​ភូមិ​សាស្ត្រ​បាំង​​ខ្សល់។

រដូវស្លឹកឈើជ្រុះ និងនិទាឃរដូវគឺជាពេលវេលាល្អដើម្បីទៅ “មើល” ប្រាសាទ។

ប្រាសាទនេះត្រូវបានកែលំអឡើងវិញនៅឆ្នាំ ១៩៦៨ ។

ប្រភព Dantri

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: