អាហារក្លាសេនៅ​ជប៉ុន​គ្រាន់​តែ​ដាក់​នៅ​ក្នុង​មីក្រូវ៉េវអាច​បរិភោគ​បាន​ភ្លាម

អាហារក្លាសេមានភាពងាយស្រួលសម្រាប់អ្នក​ដែលមមាញឹក អាច​រក្សាម្ហូប​បាន​យូរ ហើយចម្អិន​បាន​លឿន។

បង្គាក្លាសេដែលលក់នៅលើ​ទី​ផ្សារ​ត្រូវ​បាន​ចម្អិនសម្រាប់​បរិភោគ​ភ្លាមៗ។ ប៉ុន្តែដោយបច្ចេកវិទ្យា​ក្លាសេរបស់ជប៉ុន គ្រាន់តែរលាយនៅ​ក្នុងមីក្រូវ៉េវអា​ចញ៉ាំបាន​ភ្លាម។ សូម្បីតែអាហារបំ​ពង​ ឬចៀនក៏មិន​ត្រូវ​ការ​ប្រេងចម្អិនដែរ។

ឧទាហរណ៍​អាហារបំ​ពង ចៀន​ ឆា​ធម្មតា។

មាន់​បំ​ពង

រូបភាព https://kufura.jp/life/recipe/10769

គាវបំ​ពង​

រូបភាព https://kufura.jp/life/recipe/10769

មី Udon 

រូបភាព https://kufura.jp/life/recipe/10769

នំ​បំ​ពង​ស្នូរសាច់

រូបភាព https://kufura.jp/life/recipe/10769

បាយ​ឆា

រូបភាព https://www.mbs.jp/mbs-column/maetoato/archive/2019/06/08/017382.shtml

ម្ហូប​ទាំង​អស់​សុទ្ធ​តែ​មាន​ស្រាប់​។

ក្រៅពីនេះ​ប្រទេសជប៉ុនមាន​លក់ទំនិញក្លាសេជាឈុត​ផងដែរ។ មានន័យថាគ្រាន់​តែ​ដាក់​នៅ​ក្នុង​មីក្រូវ៉េវអោយ​រលាយ​ទឹក​កក អ្នក​អាច​ទទួល​ទាន​ម្ហូប​ធ្វើ​ពី​គ្រឿង​ផ្សំ​ច្រើន​មុខ​ដូចក្នុង​ភោជនីយដ្ឋាន។

រូបភាព https://www.amazon.co.jp/

មួយ​ឈុតបែបនេះត្រូវបានលក់ក្នុងតម្លៃ ៤០០ យ៉េន នេះជាវិធីសន្សំសំចៃក្នុងការបរិភោគ ប៉ុន្តែនៅតែធានាចំពោះគុណភាព និងភាពទាក់​ទាញ​នៃ​មុខ​ម្ហូប។

មានអាហារក្លាសេច្រើនប្រភេទផ្សេងទៀត។ ទំនិញក្លាសេត្រូវបានដាក់លក់នៅផ្សារទំនើបរបស់ជប៉ុនដូចជា “ឋានសួគ៌” ជាកន្លែង​ដែល​អ្នក​អាច​ស្វែង​រក​មុខ​ម្ហូបជាច្រើន។

រូបភាព https://frozenfoodpress.com/2018/06/25/colmn-iy-akaike-nissyoku-20180625/

ជនជាតិជប៉ុនធ្វើការថែម​ម៉ោង​ ភាគ​ច្រើន​ត្រលប់​ទៅ​ផ្ទះទាំងយប់ហត់នឿយ។ ការបរិភោគនៅក្រៅមានតម្លៃថ្លៃ ហើយចំណាយពេលវេលាក្នុងការធ្វើដំណើរ រីឯការចម្អិនអាហារកាន់​តែ​ស្មុគ​ស្មាញ​ជាង​នេះ។ ប្រើអាហារក្លាសេត្រូវ​ចាត់ទុកជាជម្រើសល្អបំផុត។

លើសពីនេះទៀតអ្នកក៏អាចប្រើអាហារក្លាសេសម្រាប់​ធ្វើ Bento។ គ្រឿងផ្សំដែលប្រើនៅ​ក្នុង​ Bento មាន​ដូច​ជា​មាន់​បំ​ពង​ ពង​មាន់​ចៀន បង្គាចៀនសុទ្ធតែ​មាន​ស្រាប់​ អ្នកគ្រាន់តែកម្តៅក្នុងបរិមាណល្មម បន្ទាប់​មក​តុប​តែងម្ហូប។

ប្រវត្តិនៃអាហារក្លាសេនៅក្នុងប្រទេសជប៉ុនមានតាំងពីឆ្នាំ ១៩២០ ក្រុមហ៊ុនមាន​ឈ្មោះ​ថា Kuzuhara Shokai ជាម្ចាស់រោងចក្រធំមួយនៅកោះ Hokkaido បានចាប់ផ្តើមលក់ទំនិញនេះ។ ក្រុមហ៊ុន Kuzuhara Shokai បច្ចុប្បន្នគឺក្រុមហ៊ុន Nichirei Food Group មានភាគហ៊ុនធំជាងគេនៅក្នុងអាហារក្លាសេ។

ដំបូងពួកគេរក​ឃើញ​ម្ហូបអាច​បរិភោគបន្ទាប់​ពី​បំ​ពង​ឡើង​វិញជាមួយ​នឹង​ប្រេង។ ប៉ុន្តែបន្ទាប់ពីនោះអតិថិជនគិតថាវាល្អប្រសិន​បើ​កាត់​បន្ថយ​ការ​ប្រើ​ប្រេងចម្អិនអាហារ ដូច្នេះក្រុមហ៊ុនបានបង្កើតផលិតផលថ្មីសមស្របនឹងតម្រូវការរបស់អ្នកប្រើប្រាស់។

ទោះជាយ៉ាងណាប្រសិនបើបំ​ពង​ម្ហូប​រួច​ក្លាសេអាច​ធ្វើ​អោយ​បាត់​បង់​សំ​ណើម​ ហើយ​​ប៉ះពាល់ដល់រសជាតិនៃម្ហូប។ ក្រុមហ៊ុន Nichirei Food Group បន្តកែលម្អបច្ចេកវិទ្យាបង្កើត​ស្រទាប់ស្រដៀង​ Film នៅ​កណ្តាល​ស្រ​ទាប់​ខាង​ក្រៅ និងស្រទាប់​ខាង​ក្នុង​នៃផលិតផល​ ដូច្នេះម្ហូបត្រូវបានធានាថាមានសំណើមខាង​ក្នុង ចំណែក​​ខាង​ក្រៅនៅ​តែ​ស្រួយ។

មិនត្រឹមតែធានានូវរូបរាង និងរសជាតិមុខ​ម្ហូប​ប៉ុណ្ណោះទេ ផលិតផលក្លាសេរបស់ជប៉ុនក៏អាច​រក្សានូវអាហាររូបត្ថម្ភរបស់ម្ហូបផងដែរ។

ប្រសិនបើអ្នកមានឱកាសទៅប្រទេសជប៉ុន ពិតជាគួរអោយចាប់អារម្មណ៍ណាស់ដែលអាចរីករាយនឹងម្ហូបស្រស់មានគុណភាពខ្ពស់នៅភោជនីយដ្ឋាន តើអ្នកគិតយ៉ាងណាអំពីការរកឃើញអាហារក្លាសេរបស់ប្រទេសនេះ?

គួរ​អោយ​សោក​ស្តាយ​អាហារ​ក្លាសេមិនអាចទិញធ្វើជាអំណោយទេ ដូច្នេះ​អ្នក​អាច​ញ៉ាំ​បាន​បើ​កំ​ពុង​​នៅ​ប្រទេស​ជប៉ុន ខ្ញុំធានាថាអាហារក្លាសេរបស់ជប៉ុននឹងមិនធ្វើអោយអ្នកខកចិត្តឡើយ។

Kengo Abe

មើលបន្ថែម: