រដូវក្តៅនៅប្រទេសជប៉ុន – វិធី​សាស្រ្ត​កាត់​បន្ថយ​កម្តៅតាម​សេចក្តី​ណែនាំ​របស់​ប៉ូលីសជប៉ុន

អាកាសធាតុរដូវក្តៅនៅប្រទេសជប៉ុនមិនស្រួលប៉ុន្មានទេដោយសារសំណើមខ្ពស់ និងអាកាសធាតុក្តៅខ្លាំង។ មូល​ហេតុ​នេះ​បណ្តាល​អោយ​ចំនួន​អ្នក​ស្លាប់ដោយ​សារ​កម្តៅ​ក្នុង​មួយ​ឆ្នាំៗ​កើន​ឡើង​។ នាយកដ្ឋានប៉ូលីសជប៉ុន​ព្យាយាមបង្កើត​វិធាន​ការជាច្រើនដើម្បីជួយអោយ​មនុស្ស​ជៀសផុតពីកម្តៅ។

រូបភាព https://grapee.jp/721364

ពេលរដូវក្តៅមកដល់ ថ្លៃ​​អគ្គិសនីដែលបានប្រើប្រាស់កើនឡើងព្រោះប្រជាជននាំ​គ្នា​បើកម៉ាស៊ីនត្រជាក់ជាប្រចាំ។ អ្នកក៏ដឹងដែលថាម៉ាស៊ីនត្រជាក់ជះឥទ្ធិពលអវិជ្ជមានចំពោះអាកាសធាតុ និងបរិស្ថាន។ ដូច្នេះនាយកដ្ឋានប៉ូលីសជប៉ុនបានណែនាំនូវវិធីសាស្ត្រដែលមិនប៉ះពាល់ចំពោះបរិស្ថាន។

វិធីសាស្រ្តនេះក៏អាចអនុវត្តនៅក្នុងប្រទេសកម្ពុជាផងដែរ។

អ្នកគ្រាន់រៀប​ចំធុងទឹកមួយដែលផ្ទុកទឹកមានសីតុណ្ហភាពពី ១០ ទៅ ១៥ អង្សាសេ។ បន្ទាប់មកដាក់ដៃទាំងពីរចូលក្នុងធុងទឹកដូចបង្ហាញខាងក្រោម។

រូបភាព https://grapee.jp/721364

បន្ទាប់ពីត្រាំទឹកប្រហែល ៥ នាទីឈាមនៅក្នុងម្រាមដៃនឹងរត់​​ទៅគ្រប់​​ផ្នែកផ្សេងៗនៃរាងកាយ ដើម្បីជួយអោយរាងកាយត្រជាក់ហើយ​អ្នក​មាន​អារម្មណ៍ថាត្រជាក់។

នៅពេលអ្នកប្រើទឹកត្រជាក់ឬទឹកកកដើម្បីធ្វើអោយរាងកាយរបស់អ្នកត្រជាក់ អ្នក​កំ​ពុង​តែ​ធ្វើ​អោយ​រាង​កាយ​បញ្ចេញការ​ការពារ។ ដូច្នេះសីតុណ្ហភាពក្នុងខ្លួនអ្នកនឹងកើនឡើងហើយផ្ទុយទៅវិញធ្វើអោយអ្នកមានអារម្មណ៍ថាក្តៅជាងមុន។

រដូវក្តៅនៅប្រទេសជប៉ុនជា​កង្វល់​សម្រាប់​មនុស្សជាច្រើនដែល​គេ​​ហៅ​ថា “គ្រោះមហន្តរាយនៃកម្តៅ”។ មនុស្សជាច្រើនជាពិសេសមនុស្ស​ចាស់​ងាយ​កើតជំងឺដាច់សរសៃឈាមខួរក្បាល។

ប៉ុន្តែដោយវិធីងាយៗខាងលើអ្នកណាក៏អាចធ្វើបានដែរ។ ប្រសិនបើអ្នកមិនអាចត្រាំដៃក្នុងទឹកត្រជាក់បានព្រោះអ្នករវល់ធ្វើការ អ្នកអាចត្រាំជើងជំនួសវិញ។

តើ​នរណា​ធ្លាប់​ធ្វើ​តាម​វិធី​នេះសូម​ចែក​រំលេក​ប្រាប់​ JAPO ផង។

Kengo Abe