ការ​សម្តែង​ដ៏​អស្ចារ្យនៃ​សាលា​វិទ្យាល័យ​ Tokyo Tachibana នៅ​សហរដ្ឋអាមេរិក​ធ្វើអោយ​អ្នក​ទាំង​អស់​គ្នា​ភ្ញាក់ផ្ញើល

ក្លឹបមានប្រជាប្រិយភាពបំផុតនៅក្នុងសាលាជប៉ុនគឺក្លឹបតន្រ្តី។ ឧបករណ៍តន្រ្តីដែលប្រើក្នុងក្លឹបគឺជាឧបករណ៍​ប្រភេទខ្យល់។ សម្លេងលឺខ្លាំងពេញ​បរិ​វេណសាលា​ជាអនុស្សាវរីយ៍ដែលមិនអាចបំភ្លេចបានសម្រាប់អ្នកដែល​ធ្លាប់​រៀន​នៅ​សាលាជប៉ុន។

ជាការពិតក្លឹបទាំង​នេះ​ធ្លាប់​ចូល​រួម​ការ​ប្រកួត​ ការសម្តែងក្បួនដង្ហែជាផ្នែកសំខាន់មួយនៃសកម្មភាពរបស់ក្លឹប។ លេង​ភ្លេងផងសម្តែង​ផង​ទាម​ទារ​យើង​ត្រូវ​មាន​​សមត្ថភាពព្រោះ​ឧបករណ៍ភ្លេងធ្ងន់ ហើយសំពីងសំ​ពោង។

ថ្មីៗនេះការសម្តែងជាក្បួន​តន្រ្តីនៃ​សាលា​វិទ្យាល័យ​ Tokyo Tachibana ទទួលបានការចាប់អារម្មណ៍នៅទូទាំងពិភពលោក។

រូបភាព https://odorujo.com/kyoto_tachibana_disneyland_anaheim/

ដោយសារតែនេះ​ជាសាលា​នារី ដូច្នេះមាន​ ៩៥% សិស្ស​ដែល​ចូល​រួមក្នុងកម្មវិធីនេះគឺជាក្មេងស្រី។

សិស្សស្លៀកសម្លៀកបំពាក់ពណ៌ទឹកក្រូចជាឯក​សណ្ឋានរបស់​សាលា ការ​សម្តែង​ជា​ក្បួនតន្រ្តីតាមដងផ្លូវ។ ការសម្តែងរបស់ពួកគេពិតជាល្អឥត​ខ្ចោះរហូតដល់​អ្នក​មើលហៅ​ក្រុម​តន្រ្តី​នេះ​ថា “The Orange Demons” (សំដៅទៅលើជំនាញនៃការសម្តែងដែលមនុស្ស​ធម្មតា​ពិ​បាក​នឹង​ធ្វើ​បាន)

ចលនានៃសមាជិកម្នាក់ៗក្នុង​ក្រុមពិតជា​ស្រប​គ្នាល្អ​ឥត​ខ្ចោះ។ សូម្បីតែអ្នកដែលឱបឧបករណ៍​តន្រ្តី Trombone ធ្ងន់ក៏អាចរាំបានយ៉ាងប៉ិនប្រសប់ និងពេញ​ទៅ​ដោយ​កម្លាំងផងដែរ។ មិនដឹងថាប្អូនៗត្រូវហាត់អស់រយៈពេលប៉ុន្មានទើបឈានដល់កម្រិតនេះទេ។

ទីកន្លែងសម្តែងធ្វើនៅសហរដ្ឋអាមេរិកក្នុងក្បួនដង្ហែ Rose Parade – ក្បួនដង្ហែឡាន​ផ្កាប្រារព្ធធ្វើឡើងនៅរដ្ឋ California ជារៀងរាល់ឆ្នាំក្នុងឱកាសបុណ្យចូលឆ្នាំថ្មី។ ដើម្បីចូលរួមក្នុងការសម្តែងបុគ្គល និងអង្គការអាចចុះឈ្មោះមុន ប៉ុន្តែ​មាន​តែក្រុមដែលមានលក្ខណៈគ្រប់គ្រាន់ទើបត្រូវ​បានអនុញ្ញាត។ មិន​សូវ​មាន​ក្លឹបអាច​សម្តែងពីរដង​​ក្នុង​ក្បួន​ដង្ហែនៅអាមេរិកទេ ក្រុមជប៉ុនអាច​សម្តែងពីរដងនៅទីនេះគឺជាអព្ភូតហេតុ។

ឃើញថាស្មារតីការងារជាក្រុមរបស់សមាជិកក្រុមគឺខ្លាំងក្លាណាស់។ ដើម្បីរៀបចំសម្រាប់ការសម្តែងនេះសិស្សដែលបញ្ចប់ការសិក្សាបានត្រឡប់មកសាលាវិញដើម្បីជួយសិស្សប្អូន។ 

មាន​អ្នក​​និយាយ​ថាដើម្បីសម្តែងអោយស៊ីចង្វាក់គ្នា ប្អូនៗត្រូវឆ្លងកាត់ការហ្វឹកហាត់យ៉ាងតឹងរ៉ឹង ចង់​ក្លាយ​ទៅជា​សមាជិក​ក្រុម​សម្តែងពួកគេត្រូវឆ្លងកាត់ការប្រឡងនៅសាលា។

សង្ឃឹមថាជប៉ុននឹងមានព្រឹត្តិការណ៍គួរ​អោយភ្ញាក់ផ្អើលកាន់តែច្រើននៅលើពិភពលោក។

Kengo Abe