តើការ​បិរភោគ​បី​ចេង​អាច​ប៉ះ​ពាល់​សុខ​ភាព​ដូចដែល​​អ្នក​គិតទេ?

ផ្នែក​ចំ​ណី​អាហា​រប្រទេស​ជប៉ុន​មានការច្នៃប្រឌិតច្រើន។ ក្រៅពីមីកញ្ចប់ដែល​ល្បីនៅទូទាំងពិភពលោក គ្រឿង​ទេសមួយប្រភេទដែលកំពុងពេញនិយមនៅ​បណ្តា​ប្រទេស​មួយ​ចំនួនគឺ​បី​ចេង Ajinomoto ។

រូបភាព https://www.buzzfeed.com/jp/wakimatsunaga/ajinomoto-vs-fakenews

នេះជា​ការ​រក​ឃើញ​របស់​ Kikunae Ikeda ក្នុង​ឆ្នាំ ១៩០៧ ត្រូវបានគេចាត់ទុកថាជាផ្នែកមួយនៃការច្នៃប្រឌិតដ៏អស្ចារ្យបំផុតទាំង ១០ របស់ប្រទេសជប៉ុន។

នៅពេលនោះលើពិភពលោកមាន​រសជាតិចំនួន​ ៤ រួម​មាន ផ្អែម ជូរ ប្រៃ និងចត់ ហើយ​រស​ជាតិ​ទី ៥ ក្រោយ​មក​ត្រូវបានគេរកឃើញហៅ​ថា Umami ។ ទោះបីជា Umami ពេញនិយម​លើ​ពិភព​លោក​នៅឆ្នាំ ២០០០ ក៏ដោយក៏មិន​ទាន់​ទទួល​ស្គាល់​នៅ​ឡើយ​ទេ។

លោក Ikeda ជឿជាក់លើ Umami ទោះបីជាពិភពលោកបដិសេធសារធាតុនេះ។ ក្នុងនាមជាសាស្រ្តាចារ្យគីមីវិទ្យា លោក Ikeda ចាប់ផ្តើមស្វែង​យល់ ពិសោធ និងរកប្រភពដើមរស់ជាតិ Umami មក​ពី Glutamine។

គាត់បាន​ស្រាវជ្រាវអំពីរបៀបផលិត Glutamine បន្ទាប់​មក​ Ajinomoto ត្រូវ​បាន​ផលិត។

ទោះជាយ៉ាងណា ការច្នៃប្រឌិតនេះបានក្លាយជាបញ្ហា​មួយ​នៅ​ប្រទេសជប៉ុន។ មនុស្សជាច្រើនជឿថា Ajinomoto បង្កគ្រោះថ្នាក់ចំពោះសុខភាព មាន​ការ​បញ្ជាក់​ថា “រសជាតិ​នេះធ្វើ​ឲ្យ​​អណ្តាតរបស់​អ្នក​ស្ពឹក”។

ដោយ​សារតែពាក្យចចាមអារ៉ាមនេះ Ajinomoto ជាគ្រឿងទេសដែលលក់ដាច់ទៅជា​មិន​អាចលក់​បាន ទោះបី​ក្រុម​ហ៊ុនចេញ​មុខអះអាងពាក្យចចាមអារ៉ាមនេះមិនពិតក៏ដោយ។

មូលហេតុមួយផ្នែកដោយសារតែឈ្មោះរបស់វា 化学調味料 (Kagaku choumiryou) – គ្រឿងទេសគីមី ដូច្នេះមនុស្សជាច្រើនសង្ស័យថា ក្នុងគ្រឿង​ទេសមានសារធាតុគីមី។ ប៉ុន្តែ​ប្រសិន​បើ​ពិនិត្យ​គ្រឿងផ្សំនៃ​អាហារប្រចាំថ្ងៃអ្នកអាច​រក​ឃើញ​បរិមាណ Glutamine មាន​ច្រើន​។

បច្ចុប្បន្ន​នេះ​ បី​ចេងត្រូវ​ចាត់​ទុកជា​ “គ្រឿង​ទេស Umami” យ៉ាងណាមិញ នេះជារឿងរ៉ាវតាំងពីពេលដែល Umami មិនទាន់​ត្រូវបានគេទទួលស្គាល់កាលពី ២០ ឆ្នាំមុន។ វាពិបាកក្នុងការពិនិត្យ​ថាតើ​ម្សៅនេះធម្ម​ជាតិ​ឬទេ?

តើ Glutamine មានគ្រោះថ្នាក់ចំពោះសុខភាពទេ?

Glutamine ត្រូវបានគេរកឃើញនៅក្នុងអាហារជាច្រើន សម្បូរបំ​ផុត​គឺ​នៅ​ក្នុង​សារ៉ាយស្ងួត (Konbu)។ ជាទម្លាប់ជនជាតិជប៉ុនតែង​ដាក់ Konbu នៅក្នុងស៊ុប Miso ក្រៅពីនេះ Glutamine ត្រូវបានគេរកឃើញនៅក្នុងសាច់គោ ឈីស ផ្សិត ហើយ​ភាគ​ច្រើន​មាន​នៅ​ក្នុង​ទឹក​ត្រី​ដែលយើង​ប្រើ​ប្រចាំ​ថ្ងៃ។

ជាពិសេស Umami មាន​ច្រើន​នៅ​ក្នុង​ម្ហូបផ្អាប់ដូចជាឈីស Shoyu Miso, Natto និង​សាច់​ផ្អាប់។

អ្នកអាចរក​ឃើញ Umami ក្នុង​ម្ហូបប្រពៃណីគ្រប់ទីកន្លែងនៅលើពិភពលោក។

រូបភាព https://www.buzzfeed.com/jp/wakimatsunaga/ajinomoto-vs-fakenews

ពាក្យចចាមអារាម​បី​ចេង​ចាប់ផ្តើមជាមួយនឹងព័ត៌មានអំពី​រោគ​សញ្ញា “ភោជនីយដ្ឋានចិន” ក្នុងឆ្នាំ ១៩៦៨ បណ្តាលឲ្យ​ឈឺក្បាល និងសញ្ញានៅពេលទទួលទានគ្រឿង​ទេសគីមី Umami ក្នុង​បរិមាណ​ច្រើន។

ទោះ​ជា​យ៉ាង​ណា មិនទាន់មានការស្រាវជ្រាវវិទ្យាសាស្ត្រណា​អាច​បញ្ជាក់ មនុស្សជាច្រើនយល់ថា រាងកាយមនុស្សអាចទទួលទានតែ ២ ភាគរយនៃបរិមាណ Glutamine ក្នុងអាហារប៉ុណ្ណោះ។ សំណួរគឺថា តើអ្វីនឹង​កើតឡើងប្រសិនបើការប្រើប្រាស់លើសចំនួនដែលអនុញ្ញាត?

​នៅពេលនោះសហរដ្ឋអាមេរិកមានបញ្ហាជាមួយសារធាតុ​រក្សាអាហារ​បាន​យូរ ដែលអាច​បង្ក​ឲ្យមានជំងឺ​មហារីក។ ហើយ​ Umami ត្រូវបានគេរាប់បញ្ចូលជាគ្រឿង​ទេស​ត្រូវ​កាត់​បន្ថយ។

រូបភាព https://jp.wsj.com/articles/SB12438214425546094585304585273711724291490

ចាប់តាំងពីពេលនោះ អ្នក​ដែល​មិន​បរិភោគ Ajinomoto នៅប្រទេសជប៉ុនកាន់​តែ​ច្រើន​​ឡើង​ ប៉ុន្តែ​មនុស្ស​ទាំង​នោះក៏ជា​អ្នកបន្ថែម​​គ្រឿង​ទេស​ច្រើននៅពេលចម្អិនម្ហូបផង​ដែរ។ ម្សៅ​ស៊ុប ឬស៊ុប​សារ៉ាយមានផ្ទុក Ajinomoto ចំណែក Ajinomoto ផ្ទុក Umami ពួកគេ​គ្រាន់​តែ​មិន​ដឹង។

នៅពេលមួយ Ajinomoto ត្រូវគេសង្ស័យថាជាសារធាតុគីមី ត្រូវ​ប្រជាជនជប៉ុន​បដិសេធ ប៉ុន្តែឥឡូវនេះអាចបញ្ជាក់​​បាន​​ថា Ajinomoto ធ្វើពីគ្រឿងផ្សំធម្មជាតិ។ អ្នកអាចបន្ថែម Ajinomoto បរិមាណ​ល្មមក្នុង​ម្ហូប។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: