នារី Idol ជប៉ុន​ត្រូវ​បុរស​​​ជនជាតិ​កូ​រ៉េម្នាក់​​វាយប្រហារ​នៅ Seoul

កាលពីសប្តាហ៍មុនក្នុងអំឡុងពេលធ្វើដំណើរកំ​សាន្តទៅប្រទេសកូរ៉េ នារី Idol ជនជាតិ​ជប៉ុនត្រូវវាយប្រហារដោយបុរសជនជាតិកូរ៉េម្នាក់។ តាមសារព័ត៌មាន Yonhap News បានអោយដឹងថាឧប្បត្តិហេតុនេះបានកើតឡើងនៅក្បែរសាកលវិទ្យាល័យ Hongdae នៅភាគខាងលិច Seoul កាលពីថ្ងៃទី ២៣ ខែសីហា។

តារាស្រីឈ្មោះថា Miyurin ជាម្ចាស់ Twitter មានអ្នកតាមដានជាង ១៦,០០០ នាក់ និងគេហទំព័រ​ Youtube។ នាងបានជូនដំណឹងដល់អ្នកគាំទ្ររបស់នាងនៅលើបណ្តាញសង្គមចំពោះឧប្បត្តិហេតុនេះ។

https://twitter.com/miyurindarukoro/status/1164655019750129664

“បុរសជនជាតិកូរ៉េម្នាក់បានវាយប្រហារខ្ញុំ។ គាត់ទាញដៃ និងសក់របស់ខ្ញុំ គាត់បានវាយខ្ញុំរហូត​ដល់​ក្រហម​ដៃ”។

រូបភាព https://nextshark.com/japanese-idol-seoul-ignoring/

តារាស្រីរូបនេះក៏បានចែករំលែករូបថតនៃការវាយប្រហារនេះផងដែរ។ រូបថតបង្ហាញថា Miyurin កំពុងអង្គុយ​លើចិញ្ចើមផ្លូវ ខណៈពេលដែលបុរសនោះទាញសក់របស់នាងយ៉ាងសាហាវ។

https://twitter.com/miyurindarukoro/status/1164827792342577157

Miyurin និយាយថាបុរសនោះបានប្រើពាក្យជេរប្រមាថនាង និងមិត្តភក្តិរបស់នាង។

អ្នកប្រើបណ្តាញសង្គម Twitter ម្នាក់ទៀតបានចែករំលែកវីដេអូឃើញ​ថា​បុរសម្នាក់​នេះ​ដើរ​តាម​ Miyurin ហើយស្រែកថា“ ចេញពីប្រទេសកូរ៉េ” ។

韓国旅行中の日本人女性が韓国人に暴行を受ける・・ 韓国人にナンパされて無視し続けたら付きまとわれて差別用語を永遠に言われ続け髪の毛引っ張られて暴行される・・・（動画あり） : ツイッター速報 https://t.co/wlX4G63s8N
これがｗｗ本当の韓国人の正体ですね pic.twitter.com/v37Eajkasc

— アクカツ(俺が芸術の総監督やぁ～） (@akukatu) August 23, 2019

បន្ទាប់ពីឧប្បត្តិហេតុនេះផ្សាយ​លើអ៊ីុនធឺណែត ហើយក្លាយទៅជាបញ្ហាជជែកគ្នា។ មន្រ្តីប៉ូលីស Seoul Mapo បាននិយាយថា “យើងបានរកឃើញអត្តសញ្ញាណជនរងគ្រោះ និងជនល្មើស ហើយ​ទំនាក់ទំនង​ទៅ​​ពួកគេ។ យើងនឹងកោះហៅពួកគេដើម្បីស៊ើបអង្កេតព័ត៌មានលម្អិតនៃករណីនេះ” ។

នៅថ្ងៃទី ២៥ ខែសីហា Miyurin ត្រូវបានហៅទៅសាក​សួរ​ ប៉ុន្តែក្នុងអំឡុងពេលស៊ើបអង្កេតនាងស្រាប់តែមានអារម្មណ៍ឈឺចាប់ ហើយត្រូវបានគេបញ្ជូនទៅមន្ទីរពេទ្យដើម្បីធ្វើការពិនិត្យ។ លទ្ធផលបានបង្ហាញថា Miyurin ស្ពឹក​ក និងដៃខាងស្តាំបន្ទាប់ពីការវាយប្រហារ។

Miyurin ចូលមន្ទីរពេទ្យបន្ទាប់ពីត្រឡប់ទៅ​ប្រទេស​វិញ។

បច្ចុប្បន្ននេះ​ទំនាក់ទំនងរវាងប្រទេសជប៉ុន និងប្រទេស​កូរ៉េកំ​ពុង​ស្ថិត​ក្នុង​ស្ថាន​ភាព​តាន​តឹងគ្រប់ផ្នែកទាំងអស់ ការបដិសេធទំនិញជប៉ុននៅប្រទេសកូរ៉េមិន​ទាន់​កាត់​បន្ថយ​នៅ​ឡើយទេ។

Sacchan