ទេសភាពកោះ Aogashima ស្អាតដូចក្នុងគំនូរ

ថ្ងៃពុធ 28/08/2019 | 21:24 ល្ងាច

ពេលនិយាយពី Tokyo តើអ្នកគិតដល់ទេសភាពកន្លែងណាខ្លះ?

ជាអគារខ្ពស់ៗនៅជិតគ្នា ហាងលក់ទំនិញជាច្រើននៅតាមដងផ្លូវ Shibuya ឬស្ថានីយ៍មានមនុស្សច្រើនកុះករ។

ប៉ុន្តែ Tokyo មិនមែនមានតែប៉ុណ្ណឹងទេ។ នៅ Tokyo ក៏មានទិដ្ឋភាពស្អាតដូចខាងក្រោមនេះដែរ។

កន្លែងនេះមានឈ្មោះថា Aogashima។

កោះ Aogashima ស្ថិតនៅទីក្រុង Tokyo ចម្ងាយ ៣៥០ គីឡូម៉ែត្រ អ្នកអាចទៅដល់ទីនេះតាមឧទ្ធម្ភាគចក្រ ឬកប៉ាល់។

ប្រសិនបើចេញដំណើរពី Tokyo ទៅភាគខាងត្បូងអាកាសធាតុកក់ក្តៅ។ នៅពេលធ្វើដំណើរតាមឧទ្ធម្ភាគចក្រ មើលពីខាងលើទេសភាពពិតជាអស្ចារ្យដូចខ្សែភាពយន្ត Jurassic Park។

មេឃពេលយប់ពោរពេញទៅដោយពន្លឺផ្កាយ។

ទោះបីមានទេសភាពស្រស់ស្អាត ប៉ុន្តែដោយសារអាកាសធាតុមានពេលខ្លះសេវាកម្មនាវាមិនអាចដំណើរការបានទេ។ ក្រៅពីនេះមិនសូវមានភ្ញៀវធ្វើដំណើរចេញទៅកោះដោយឧទ្ធម្ភាគចក្រទេ។ ជារៀងរាល់ឆ្នាំកន្លែងនេះគ្រាន់តែទទួលភ្ញៀវទេសចរណ៍ប្រមាណ ១.០០០ នាក់ប៉ុណ្ណោះ។ មិនត្រឹមតែភ្ញៀវទេសចរណ៍ទេ សូម្បីតែប្រជាជនជប៉ុននៅ Tokyo ក៏មិនស្គាល់កន្លែងស្រស់ស្អាតនេះដែរ។

ទោះបីវាជាកោះដាច់ស្រយាល និងដាច់ឆ្ងាយពីគេក៏ដោយ ប៉ុន្តែនៅតែស្ថិតក្នុងទីក្រុង Tokyo កន្លែងនេះមានបំពាក់សេវាកម្មជាច្រើនដូចជាបណ្តាញអុីនធឺណែត 4G បណ្តាញខ្សែ ADSL និងបណ្តាញខ្សែអ៊ិុនធឺណែតថេរ។

ដូច្នេះអ្នកអាចថតរូបព្រៃភ្នំហើយផុសភ្លាមៗលើហ្វេសប៊ុកដើម្បីចែករំលែកជាមួយមិត្តភក្តិ។

ម៉្យាងទៀតពីទីក្រុង Tokyo អ្នកអាចហោះត្រង់ទៅកាន់កោះ Hachijoujima ក្នុងរយៈពេលតែ ៥០ នាទី។ ប្រសិនបើហោះដោយឧទ្ធម្ភាគចក្រចំណាយពេលតែ ២០ នាទីប៉ុណ្ណោះ។

ចំនួនមនុស្សនៅលើឧទ្ធម្ភាគចក្រអាចដឹកត្រឹមតែ ៩ នាក់ប៉ុណ្ណោះ។ ដូច្នេះប្រសិនបើអ្នកចង់ទៅគួរតែកក់សំបុត្រមុន។

ប្រសិនបើអ្នកមិនប្រញាប់ ហើយចង់រីករាយជាមួយនឹងដំណើរកំសាន្តអ្នកអាចជិះនាវា។ ជិះនាវាពី Tokyo ទៅដល់ Hachijoujima ត្រូវចំណាយពេល ១១ ម៉ោង បន្ទាប់មកចំណាយពេលប្រហែល ២ ម៉ោងកន្លះដើម្បីប្តូរជើងធ្វើដំណើរ។ ការធ្វើដំណើរតាមវិធីនេះក៏គួរអោយចាប់អារម្មណ៍ម្យ៉ាងដែរ ប៉ុន្តែអាចនឹងរំសាយការធ្វើដំណើរព្រោះត្រូវចំណាយពេលច្រើន។

សូម្បីតែប្រជាជននៅ Tokyo ក៏មិនដឹង តើអ្នកចង់ទៅលេងដែរឬទេ?

Kengo Abe