ផ្លូវ​ក្រោមរូងភ្នំសម្រាប់​រថយន្ត​មាន​ចម្ងាយ​​វែងបំផុតនៅប្រទេសជប៉ុន

ប្រទេសជប៉ុនគឺជាប្រទេសមួយដែលមានភ្នំចំនួន ៧៣% នៃផ្ទៃដី។

ដើម្បី​អោយ​ការដឹកជញ្ជូនងាយស្រួល កាត់​បន្ថយ​រយៈពេលធ្វើ​ដំ​ណើរ គេ​បាន​ធ្វើ​ផ្លូវ​ក្រោមរូងភ្នំ​ជាច្រើន​។

លើសពីនេះការ​ធ្វើ​ផ្លូវហាយវ៉េដើម្បី​ជៀស​វាង​ផ្លូវ​បត់ បង្កើនសមត្ថភាពដឹកជញ្ជូន ដំណោះស្រាយល្អបំផុតគឺធ្វើផ្លូវក្រោម​រូងភ្នំ។

នៅប្រទេសជប៉ុនមានផ្លូវក្រោម​រូងភ្នំ​ពីរប្រភេទគឺផ្លូវក្រោម​រូងភ្នំ​សម្រាប់ឡាន និងផ្លូវក្រោមរូងភ្នំសម្រាប់រថភ្លើង។ ក្នុង​អត្ត​បទ​នេះ​យើ​ង​នឹង​លើក​ឡើង​អំពី​ផ្លូវក្រោម​រូង​ភ្នំសម្រាប់​រថយន្ត។

បើប្រៀបធៀបនឹងស្ពានគឺវាវែងជាង។ នៅទូទាំងប្រទេសមានផ្លូវក្រោម​រូងភ្នំ​ជាង ៥០០ ផ្លូវ​។

ក្នុង​អត្ត​បទ​នេះ​យើង​សូម​ណែនាំ​ផ្លូវ​ក្រោម​រូង​ភ្នំទាំង ៥ នៅប្រទេសជប៉ុន។

១. ផ្លូវ​ក្រោមរូងភ្នំ Kan-etsu 

នេះជាផ្លូវក្រោម​រូងភ្នំតភ្ជាប់ខេត្ត Niigata និង​ខេត្ត Gunma មានប្រវែង ១១.១ គីឡូម៉ែត្រ ហើយថយន្ត​អាច​ជិះ​បាន​ ៤ ខ្សែ។

ល្បឿន​ដែល​ត្រូវ​បាន​អនុញ្ញាតគឺ ៧០ គីឡូម៉ែត្រ​ក្នុង​មួយ​ម៉ោង ឧបករណ៍ភ្លើង​សញ្ញាត្រូវបានដំឡើងនៅខាងក្នុងផ្លូវក្រោម​រូងភ្នំតែងមានពណ៌បៃតង ប្រសិនបើមានការប៉ះទង្គិចភ្លើងនឹងប្រែជាពណ៌ក្រហមដោយស្វ័យប្រវត្តិ។

២. ផ្លូវ​ក្រោមរូងភ្នំ Hida

នេះគឺជាផ្លូវរូងក្រោមដីដែលមានទីតាំងនៅក្នុងខេត្ត Gifu ប្រវែងសរុបគឺ ១០.៧ គីឡូម៉ែត្រ។

ចាប់ផ្តើមសាង​សង់​នៅឆ្នាំ ១៩៩៦ បើក​ដំ​ណើរ​ការ​ ២ ខ្សែក្នុង​ឆ្នាំ ២០០៨ ជាផ្លូវក្រោម​រូងភ្នំវែងជាងគេទី ២ នៅប្រទេសជប៉ុន។

ប្រវត្តិសាស្រ្តនៃការសាងសង់ផ្លូវក្រោម​រូងភ្នំនេះគឺពិបាកណាស់ ប៉ុន្តែរឿងមួយដែល​គួរ​អោយ​សរសើរមិន​សម្លាប់​នរណាម្នាក់ឡើយ។

៣. ផ្លូវ​រូង​ក្រោម​សមុទ្រ Tokyo Bay Aqua

ជាផ្លូវរូងក្រោមសមុទ្រតភ្ជាប់​ទី​ក្រុង Kawasaki ខេត្ត Kanagawa និង​ទី​ក្រុង​ Kisarazu ខេត្ដ Chiba នៅលើផ្លូវហាយវេ ៤០៩ បណ្តោយ​ ៩.៦ គីឡូម៉ែត្ របានបើកដំ​ណើរ​ការ​នៅឆ្នាំ ១៩៩៧ ។​

៤. ផ្លូវ​ក្រោមរូងភ្នំ Ritsuko 

ភ្ជាប់ខេត្ត Fukushima និង​ខេត្ត​ Yamagata មានទីតាំងស្ថិតនៅលើផ្លូវហាយវេសម្រាប់​រថយន្តបណ្តោយ ៩.០ គីឡូម៉ែត្រ។

៥. ផ្លូវ​ក្រោមរូងភ្នំ Enasan

នេះជា​ផ្លូវ​រូង​ក្រោម​ដីភ្ជាប់ខេត្ត Nagano និងខេត្ត​ Gifu បណ្តោយ ៨.៦ គីឡូម៉ែត្រស្ថិត​នៅ​លើ​ផ្លូវ​ហាយ​វេ។

ជា​គម្រោងដែលមាន​​មោទនភាព​របស់​ប្រទេស​ជប៉ុនក្នុងឆ្នាំ ១៩៧៥ ដំណាក់កាលដំ​បូង​ផ្លូវរូង​ក្រោម​ភ្នំ​ត្រូវបានបើក ហើយក្នុង​ឆ្នាំ ១៩៨៥ បានបញ្ចប់ការបើកផ្លូវថ្មីចំនួន ៤ ខ្សែ។

Takahashi

មើលបន្ថែម: