ចម្លែកណាស់ជនជាតិជប៉ុនបើកសារមន្ទីរលាមកយ៉ាងស្រស់ស្អាតគួរឱ្យទាក់ទាញ

ថ្ងៃព្រហស្បតិ៍ 21/02/2019 | 23:20 ល្ងាច

ជនជាតិជប៉ុនពិតជាចម្លែកណាស់ តើអ្នកដឹងអ្វីនឹងកើតឡើងទេ?

ជាការពិតណាស់ “លាមក” កាកសំណល់ដែលមានក្លិន និងរូបរាងអាក្រក់ មិនអាចគួរអោយស្រលាញ់បានទេ ប៉ុន្តែក្នុងភ្នែករបស់ប្រជាជនជប៉ុន “លាមក” អាចនឹងក្លាយជាគួរអោយស្រលាញ់ហើយ Cute មិនចាញ់ការ៉េមប្រាំពីរពណ៌ឡើយ។

ចាប់ពីថ្ងៃទី ១៥ ខែមីនា ដល់ថ្ងៃទី ១៥ ខែ កក្កដា ឆ្នាំ ២០១៩ នេះគឺជាឱកាសសម្រាប់អ្នកផ្លាស់ប្តូរគំនិតគិតពី “លាមក”ដោយទៅទស្សនាសារមន្ទីរ Unko (អាចនិយាយបានថាជាសារមន្ទីរ “លាមក”) នៅ Yokohama សម្រាប់ទស្សនាមើល ស្ទាបអង្អែល ប្រលែងលេង ថតរូបជាមួយនឹងដុំ “លាមក” ដ៏គួរអោយស្រលាញ់។ ស្តាប់ទៅពិតជាចាប់អារម្មណ៍ណាស់មែនទេ?

អ្នកអាចគិតស្រមៃអំពីកន្លែងដាក់តាំង វិភាគរូបរាង ពណ៌ និងក្លិនរបស់ “លាមក” នៃជាតិសាសន៍នៅលើពិភពលោក។ ប្រាកដណាស់សារមន្ទីរ Unko មិនមែនជាកន្លែងសាកសមសម្រាប់អ្នកដែលចូលចិត្តស្រាវជ្រាវ “លាមក” ពិតនោះទេ។ ដោយសារវាមិនសូវដូចកន្លែងដាក់តាំងឡើយ ប៉ុន្តែកន្លែងនេះដូចជាឧទ្យានលេងកំសាន្តជាង។ សូមទស្សនាមើលកន្លែងមួយចំនួននៅក្នុងសារមន្ទីរនេះ។

កន្លែងលេងនិម្មិតជាមួយនឹង “លាមក”

បន្ទប់រូបភាពពេញទៅដោយពណ៌ត្រូវបានធ្វើឡើងសម្រាប់អ្នកដែលចូលចិត្តកន្លែងលេងនិម្មិត។ អ្នកអាចសាកល្បងអារម្មណ៍ដែលត្រូវព័ទ្ធជំុវិញទៅដោយលាមកច្រើនពណ៌ច្រើនបែប។ កុំភ្លេចថតរូបអោយបានច្រើនដើម្បីផុសនៅលើ Instagram សម្រាប់បង្ហាញមិត្តភក្តិណា!

កន្លែងលេង “លាមក” សម្រាប់ក្មេង

ប្រសិនបើអ្នកទៅជាមួយកូនក្មេង សូមទុកអោយក្មេងដែលចូលចិត្តលេងអាចប្រលែងនៅកន្លែងសម្រាប់កុមារបាន។ កន្លែងនេះក្មេងអាចលោតប្រលែងលេងជាមួយនឹង “លាមក” ដែលមានចលនា។

កន្លែងស្វែងយល់អំពី “លាមក”

នេះគឺជាកន្លែងសម្រាប់អ្នកដែលចង់ដឹងចង់ឃើញ និងចូលចិត្តស្វែងយល់អំពីកន្លែងដែលដាក់តាំងរបស់ “លាមក”។ ក្រៅពីនេះនូវមានលក់ផលិតផលជាច្រើនដែលទាក់ទងនឹង “លាមក” ក៏ដូចជាកន្លែងដែលជួបជាមួយ celeb “លាមក”។ ប្រសិនបើមានឱកាសទៅលេងកំសាន្តគួរតែទិញសម្រាប់ធ្វើជាវត្ថុអនុស្សាវរីយ៍មែនទេ?

ថ្លៃសំបុត្រចូល៖ ១៦០០ យេនសម្រាប់មនុស្សធំ និង ៩០០ យេនសម្រាប់ក្មេងកម្រិតបឋម។

ព័ត៌មានលម្អិតអាចមើលនៅខាងក្រោម៖

Unko Museum, Yokohama

Sacchan