ប្រទេសជប៉ុនធ្លាប់ទទួលរងគ្រោះមហន្តរាយជាច្រើនគួរអោយរន្ធត់

ថ្ងៃព្រហស្បតិ៍ 21/02/2019 | 23:05 ល្ងាច

សព្វថ្ងៃនេះ ជប៉ុនត្រូវបានគេចាត់ទុកជាប្រទេសមហាអំណាច ប៉ុន្តែនោះគឺជាលទ្ធផលនៃការងើបឡើងនៃទឹកដីដែលក្រលំបាក។ និយាយពីជីវិតកាលពីអតីតកាល រស់នៅប្រទេសជប៉ុនពិបាកជាងនៅប្រទេសកម្ពុជាទៅទៀត។

ប្រទេសជប៉ុនរងឥទ្ធិពលដោយសារបរិយាកាសទាំងបួនរដូវ ក្នុងនោះរដូវរំហើយជារដូវដែលត្រជាក់បំផុត ហើយពិបាករស់នៅ។ កសិករស្ទើរតែមិនអាចដាំអ្វីបានទាំងអស់ក្នុងរដូវនេះ ហើយថែមទាំងត្រូវទទួលរងការខូចខាតយ៉ាងធ្ងន់ធ្ងរដូចជាបន្ទុះភ្នំភ្លើង រញ្ជួញដី រលកយក្យ -ល- ជីវិតរបស់ប្រជាជនមានភាពសោកសៅខ្លាំងដោយសារតែគ្រោះមហន្តរាយធម្មជាតិម្តងហើយម្តងទៀត។

អាចនិយាយបានថាប្រទេសជប៉ុននាពេលនោះទទួលរងការលំបាកជាច្រើន។

ប្រហែលឆ្នាំ ១៧៣២ សម័យកាលដែលសាម៉ូរ៉ៃគ្រប់គ្រងប្រទេសជប៉ុន។ នោះក៏ជាពេលដែលនៅភាគខាងលិចប្រទេសជប៉ុនទទួលរងនូវភ្លៀងធ្លាក់អូសបន្លាយរយៈពេលយូរបណ្តាលឲ្យមានទឹកជំនន់ខ្លាំង។ ដោយសារសត្វល្អិតកាន់តែច្រើនឡើងបំផ្លាញដំណាំដាំដុះធ្វើអោយមនុស្ស ១២,០០០ នាក់បានស្លាប់ដោយសារភាពអត់ឃ្លាន។

រូបភាព https://mag.japaaan.com/archives/91180

ទោះជាយ៉ាងណា ផលប៉ះពាល់ដ៏ធ្ងន់បំផុតគឺភាពអត់ឃ្លាននៅឆ្នាំ ១៧៨២ ដល់ឆ្នាំ ១៧៨៨ ។ តំបន់ទាំងអស់នៃ Tohoku ស្ថិតក្នុងភាពត្រជាក់ខ្លាំង រុក្ខជាតិកករឹង។ ដីដាំដំណាំត្រូវបានបំផ្លេចបំផ្លាញ ផេះសល់ពីបន្ទុះភ្នំភ្លើង ហើយមិនអាចស្តារឡើងវិញក្នុងរយៈពេលយ៉ាងយូរ។ នៅតំបន់ជិតខេត្ត Aomori បច្ចុប្បន្នជាង ៣០% ចំនួនប្រជាជន (ប្រហែល ១០០,០០០ នាក់) ស្លាប់ដោយសារអត់ឃ្លាន។ ជាមួយគ្នានេះដែរប្រជាជនជាងពាក់កណ្តាលបានចាកចេញដោយសារតែមិនអាចកែប្រែដីដាំដុះអោយប្រសើរឡើងវិញបាន។

ស្លាប់ដោយសារភាពអត់ឃ្លានមិនមែនជារឿងសោកសៅពេកនោះទេ ប៉ុន្តែការស្លាប់ដោយសារតែសាច់ញាតិជាមនុស្សក្នុងក្រុមគ្រួសារសម្លាប់ទើបគួរឲ្យខ្លាច។ មានពាក្យចចាមរ៉ាមនិយាយថាប្រជាជនជប៉ុនសម័យនោះត្រូវសម្លាប់គ្នាទៅវិញទៅមកទើបមានសាច់ស៊ី មិនខ្វល់ថាជាសាច់ញាតិឡើយ។

មិនត្រឹមតែភាពអត់ឃ្លាន ជម្ងឺអាសន្តរោគបានរីករាលដាលក៏ជាមូលហេតុធ្វើអោយមនុស្សចំនួន ៩២០,០០០ នាក់ស្លាប់បាត់បង់ជីវិត។

ភាពអត់ឃ្លានកើតឡើងគ្រប់ទីកន្លែង ហេតុអ្វីបានជានៅ Aomori ផលវិបាកបែរជាធ្ងន់ធ្ងរបែបនេះ? មូលហេតុមកពីកន្លែងនេះជាកន្លែងទទួលពន្ធកសិកម្មខ្ពស់បំផុត។

ថ្មីៗនេះមានព័ត៌មាននិយាយថា វិបិត្តស្បៀងអាហារនៅលើពិភពលោកអាចនឹងកើតឡើង ខ្ញុំពិតជាមិនចង់ឲ្យអ្វីទាំងនេះកើតឡើងម្តងទៀតឡើយ។

Abe Kengo