ស្នាដៃ​សិល្បៈ​​ផ្ទាំង​គំនូរធ្វើ​​ពីស្គុត​ដែល​អ្នក​នឹក​ស្មាន​មិន​ដល់

Nasa Funahara គឺ​ជា​សិល្បករ​ជប៉ុន​ម្នាក់ ដែល​ចូល​ចិត្ត​ស្គុត​​មាន​រូបភាព​​ណាស់។ ចំ​ណង់​ចំ​ណូល​ចិត្ត​របស់​នាង​គឺ​ប្រមូល​ស្គុត​មាន​រូបភាពផ្សេង​គ្នា​​។

នៅ​ប្រទេសជប៉ុន​មាន​ប្រភេទ​ស្គុត​ដែល​ធ្វើពី​ក្រដាសជប៉ុន​ (Washi) ជាមួយនឹង​ការ​​រចនាជាច្រើន​ម៉ូត ហើយ​មាន​ច្រើន​ពណ៌​ គួរ​អោយ​ចាប់​អារម្មណ៍។ ត្រឹម​តែ ២០០ ទៅ ៣០០​យេន​ក្នុង​មួយ​ដុំ ប្រភេទ​ស្គុត​នេះ​ត្រូវ​បាន​លក់​យ៉ាង​ច្រើន​ ហើយ​ជា​របស់​ដែល​គេ​និយម​ប្រើ​។

រូបភាព https://setouchifinder.com

Nasa Funahara ពេល​រៀន​នៅ​សាកល​វិទ្យ​ាល័យ​បាន​សម្រេចចិត្ត “បង្កើន” ចំណង់​ចំ​ណូល​ចិត្ត​របស់​ខ្លួន​ក្លាយ​ទៅ​ជា​ស្នាដៃ​សិល្បៈ។ នាង​បាន​ធ្វើ​ឡើង​វិញ​នូវ​ផ្ទាំង​គំនូរដែល​ល្បី​ឈ្មោះ​លើពិភព​លោក​ មិន​មែន​ប្រើ​ជក់ទេ​ប៉ុន្តែ​ប្រើ​ស្គុត​។ នេះ​គឺ​ជា​គំ​និត​ច្នៃ​ប្រឌិត​សម្រាប់​កិច្ចការ​នៅ​​សាលារបស់​នាង ហើយ​ទទួល​បាន​ការ​គាំ​ទ្រ​ជាច្រើន​នៃ​អ្នក​ដែល​ចូល​ចិត្ត​ភាព​ស្រស់​ស្អាត។

តើ​អ្នក​អាច​ស្រមៃ​ឃើញ​ពី​រូប​ភាពនេះ​? “ស្ត្រី​ដែល​ពាក់​ក្រវិលគុជ​ខ្យង​” របស់​វិចិត្រករ​ជន​ជាតិ​ហូ​ឡង់ Johannes Vermeer ធ្វើ​ពី​​ស្គុត​តើ​នឹង​ទៅ​ជា​យ៉ាង​ណា?

សូម​ទស្សនាមើល​ទាំ​ងអស់​គ្នា។

សិល្បៈករ​ម្នាក់​នេះ​មាន​ផ្ទាំង​គំ​នូរ​ជា​ច្រើន​ ប្រហែលចំ​នួន​ ៤៥០ ដុំ​ស្គុត​ ហើយ​នាង​ក៏​កំ​ពុង​បង្កើន​នូវ​ស្នាដៃ​របស់​ខ្លួន។ បន្ថែម​ពីលើ​នេះ នាង​ក៏​បាន​បន្ត​ធ្វើ​ផ្ទាំង​គំ​នូរ​ដែល​យក​តម្រាប់​តាមវិចិត្រករផ្សេងដោយ​ប្រើ​ស្គុត​។ មាន​ស្នាដៃ​សិល្បៈជាច្រើន​របស់ ​Johannes Vermeer ឬ Jakucho ដែល​ត្រូវ​បាន​​ធ្វើ​ឡើង​វិញ ហើយ​ជា​ការ​រចនាផ្ទាល់របស់​នាង​។ សកម្ម​ភាព​របស់​ Nasa Funahara ត្រូវ​បាន​វិចិត្រករផ្សេងៗ​អនុញ្ញាត និងគាំទ្រការអនុវត្ត។

បច្ចុប្បន្ន​ Funahara មាន​ហាង​ Online មួយ​ដែល​លក់​ស្នាដៃ​សិល្បៈរបស់​នាង។

ក្រៅ​ពីនេះនូវ​មាន​ឈ្មោះ​គួរ​អោយ​ចាប់​អារម្មណ៍​របស់​នាង​ទៀត​។ ប្រសិន​បើ​អ្នក​យល់​អំពី​ឈ្មោះ​របស់​ជនជាតិ​ជប៉ុន​ ប្រហែល​អ្នក​នឹង​ឆ្ងល់​ពី​ឈ្មោះ Nasa របស់​នារី​ម្នាក់​នេះ។ នេះ​ជា​ឈ្មោះ​ដែល​ប្លែក​ប៉ុន្តែ​ត្រកូល​ Funahara ពិត​ជា​មាន​ប្រភព​មក​ពី​ប្រទេសជប៉ុន។ ចំ​ណែក​ឈ្មោះ​របស់​នាង​វិញ នាង​បាន​និយាយ។

“ឪពុកម្តាយរបស់ខ្ញុំសុទ្ធ​តែ​ធ្វើការក្នុង​ផ្នែកវិស្វកម្មអាកាសចរណ៍ និងអវកាស មុន​ថ្ងៃ​ដែល​ខ្ញុំ​បាន​ចាប់​កំ​ណើត​ អ្នកវិទ្យាសាស្រ្ត Mohri ហោះចូលទៅក្នុងអវកាសដោយ​នាវាតូច Endeavour។ ហើយ​ដើម្បី​ចង​ចាំ​នូវ​ព្រឹត្តិ​ការណ៍​សំ​ខាន់​នេះ ឪពុកម្តាយរបស់ខ្ញុំបាន​សម្រេចចិត្ត​ដាក់​ឈ្មោះ​របស់​ខ្ញុំគឺ Nasa”។

រូបភាព https://edit-marks.jp/special/howtouse/nasafunahara/

ស្នាដៃ​សិល្បៈធ្វើ​ពី​ស្គុត​របស់​ Nasa

ប្រសិន​បើ​អ្នក​ឆ្ងល់​ពី​របៀប​នៃ​ការ​អនុវត្ត​អាច​មើល​ Clip ខាង​ក្រោម។ ជាការ​ពិត​ណាស់​កម្រិត​នៃ​ស្នាដៃ​របស់​នាង​ ស្ថិត​ក្នុង​កម្រិត​ផ្សេ​ង​ប៉ុន្តែ​អ្នក​ក៏​អាច​សាក​ល្បង​ធ្វើ​ផ្ទាំង​គំនូរដោយ​ប្រើ​ស្គុត​ ប្រសិន​អ្នក​មាន​ចំ​ណាប់​អារម្មណ៍ និង​ភាព​អត់​ធ្មត់។

Sacchan

មើលបន្ថែម: