ការយល់ច្រឡំទាំង​ ៥ របស់ជនជាតិជប៉ុនលើ​ជនបរទេស

យើ​ង​ទាំង​អស់​គ្នា​ងាយ​ស្រួល​ក្នុង​ការ​យល់​ច្រឡំ​គ្នា​ ក្នុងនាមជាជនបរទេស ពួ​ក​យើង​តែង​តែ​គិត​ថា​ជន​ជាតិ​ជប៉ុន​គ្រប់​រូបសុទ្ធតែគួរសម ច្បាប់​ទម្លាប់ ម៉ឺង​ម៉ាត់…ដូច្នេះអ្នកធ្លាប់សួរសំណួរផ្ទុយមក​វិញ​ ដោយ​សារ​ជន​ជាតិ​ជប៉ុន​ក៏​អាច​យល់​ច្រឡំដូច​ទៅ​នឹង​ជនបរទេសដែរ។

ខាង​ក្រោម​នេះ​គឺ​ជា​ការ​យល់​ច្រឡំ​ទាំង​ ៥ ដែល​ជន​ជាតិ​ជប៉ុន​ជាច្រើនតែងតែគិតបែបនេះ៖

១. មាន​តែ​ប្រទេសជប៉ុនទេ ទើប​មាន​បួន​រដូវ​

រូបភាព​សិក្សា​នៅ​ប្រទេសជប៉ុន​

មិនមាន​ស្ថិតិ​បង្ហាញថាជនជាតិ​ជប៉ុ​ន​យល់​ច្រឡំពី​បញ្ហា​នេះទេ។ តែទោះ​បី​ជា​យ៉ាង​ណា​ក៏ដោយ ជន​បរទេសរស់​នៅ​ជប៉ុន​ជា​រឿយៗ​ត្រូវ​ជន​ជាតិ​ជប៉ុន​លើក​សំ​ណួរ​ដូចជា៖ “ប្រទេសរបស់​អ្នក​មាន​គ្រប់​បួន​រដូវឬទេ​?” ដោយ​សារ​ហេតុ​នេះធ្វើ​អោយ​ជន​បរទេសជាច្រើន​យល់​ថា ​ជនជាតិ​ជប៉ុន​គិតថា​មាន​តែ​ប្រទេស​គេទើប​មាន​បួន​រដូវ​ គឺ និទាឃរដូវ​ រដូវ​ក្តៅ រដូវ​ស្លឹក​ឈើ​ជ្រុះ និងរដូវ​រងា(រំហើយ)។

២. ជន​ជាតិ​បរទេស​មិន​និយាយ​ភាសាជប៉ុន​នោះឡើយ

រូបភាព https://bobsfrog.wordpress.com

អ្វី​ទាំង​នេះ​អ្នក​អាច​ផ្ទៀងផ្ទាត់ទាំងស្រុងនៅពេលដែលកំពុងរស់នៅប្រទេសជប៉ុន។ ទោះ​បីអ្នក​រស់​នៅ​ប្រទេសជប៉ុន​រយៈពេល​យូរ​ ហើយ​និយាយ​ភាសា​ជប៉ុន​ច្បាស់​យ៉ាង​ណា ប្រសិន​បើជន​ជាតិ​ជប៉ុន​ដឹងថាអ្នក​ជា​ជន​បរទេស ពួក​គេ​នៅ​តែ​ព្យាយាម​និយាយ​ភាសាអង់​គ្លេសជាមួយ​អ្នក​។

ជាពិសេស​ពេល​អ្នក​មើល​ទៅរូបរាងខាង​ក្រៅ​មិន​ដូចជនជាតិតំបន់អាស៊ីបន្តិចសោះ នោះជន​ជាតិ​ជប៉ុន​នឹង​កំ​ណត់​ក្នុងខួរ​ក្បាលថា​អ្នក​មិន​អាច​និយាយ​ភាសាជប៉ុនបានទេ។

អ្នកត្រូវ​យកយល់​អោយ​ជន​ជាតិ​ជប៉ុន​ មិន​មែន​គេ​វា​យ​តម្លៃ​ទាបថាភាសាជប៉ុន​របស់​អ្នកខ្សោយនោះ​ទេ តាម​ការពិត​គេ​គ្រាន់​តែគួរ​សម​ពេក​តែប៉ុណ្ណោះ។

៣. មនុស្ស​ភាគ​ខាង​លិច​ គឺភាគច្រើនជាជនជាតិអាមេរិក

នេះ​ប្រហែល​ជា​ការ​ជះ​ឥទ្ធិពល​ខ្លាំងនៃ​ខ្សែ​ភាព​យន្ត​អាមេរិក​ ក៏​ដូច​ជា​ខ្សែ​ភាព​យន្ត Hollywood។

បើយោងតាមអ្នកនិពន្ធ ជន​ជាតិ​ជប៉ុន​ធ្លាប់​រស់​នៅ​បារាំងបាន​និយាយ មាន​មិត្ត​ភក្តិ​បារាំង​ជាច្រើន​របស់​អ្នក​និពន្ធ​ពេល​ទៅ​ជប៉ុន​សុទ្ធ​តែត្រូវ​សួរ​ថា “អ្នក​ជាជន​ជាតិ​អាមេរិក​មែន​ទេ?” មិន​ត្រឹម​តែ​​បែបហ្នឹងទេ​ ជន​ជាតិ​ជប៉ុន​តែង​តែ​និយាយ​ភាសាអង់គ្លេសជាមួយ​ជន​ភាគ​ខាង​លិច​ ខណៈពេល​មាន​ជន​ជាតិ​ភាគ​ខាង​លិចជាច្រើន​មក​ពី​ប្រទេសផ្សេងៗ(បារាំង, អាល្លឺម៉ង់, អេស្ប៉ាញ…)មិនប្រាកដថា​និយាយ​ភាសាអង់​គ្លេសឡើយ។

៤. ផលិត​ផល​ជប៉ុន​មិន​អាច​ទិញបាន​​ពេល​នៅ​ក្រៅ​ប្រទេសឡើយ

រូបភាព http://blog.shipsltd.co.jp

ទោះ​បី​មិន​មែន​របស់​គ្រប់​យ៉ាង​ប៉ុន្តែ​មាន​ជន​ជាតិ​ជប៉ុន​ជាច្រើន​គិត​ថារស់​នៅ​ក្រៅ​ប្រទេសមាន​ន័យ​ថា​ត្រូវ​លា​របស់​ Made in Japan និង​ម្ហូប​អាហារជប៉ុន។ ពី​មុនត្រឹម​ត្រូវមែន ​គឺថា​ទំ​និញជប៉ុន​ពិបាកទៅ​ដល់​ប្រទេសផ្សេងៗណាស់ ប៉ុន្តែ​ថ្មីៗ​នេះមាន​មនុស្ស​ជាច្រើនយក​ទំ​និញជប៉ុនទៅ​លក់​នៅ​ប្រទេសខ្លួន​។ ហេតុ​នេះ​កុំ​ភ្ញាក់​ផ្អើលពេល​ឃើញ​របស់​ Made in Japan ទំ​និញ​ពិតលក់​នៅ​ក្រៅ​ប្រទេស! ហើយប្រាកដ​ណាស់​តម្លៃនឹង​ថ្លៃ​ជាងធម្មតា។

៥. ជន​បរទេសពិត​ជា​គ្រោះ​ថ្នាក់​

រូបភាព http://blog.livedoor.jp

ការយល់ច្រឡំនេះមកពីរបាយការណ៍ព័ត៌មានជាច្រើនលើទូរទស្សន៍ ទាក់ទងទៅនឹងប្រភពដើមនៃការដឹកជញ្ជូនគ្រឿងញៀនចូល​ប្រទេសជប៉ុន។ មាន​ជន​ជាតិ​ជប៉ុន​យល់​ថាភាគ​ច្រើន​ថ្នាំ​ញៀន​​នាំ​ចូល​ប្រទេសជប៉ុនមក​ពី​ក្រៅ​ប្រទេស។ ហេតុ​នេះជន​ជាតិ​ជប៉ុន​មួយ​ចំ​នួនមាន​ការ​គិត​មិន​ល្អជាមួយ​នឹង​ជនបរទេស។ មួយ​ចំ​នួន​ថែម​ទាំង​ជៀសចេញពេល​ឃើញ​ជន​បរទេស​តាម​ផ្លូវ​។

វប្បធម៌​ខុស​គ្នា​ សញ្ជាតិ អ្នក​នៅ​ក្នុង​ស្រុក​ជា​មួយ​គ្នា​នៅ​តែ​មាន​ការ​យល់​ច្រឡំ​គ្នា​។ រឿង​យល់​ច្រឡំ ការ​កំណត់យល់​ថា​នរណា​ក៏​បែប​នេះប្រហែល​ជា​ជម្ងឺ​រួម​របស់​មនុស្ស​ហើយ។ ប៉ុន្តែ​ការ​យល់​ច្រឡំ​ទាំង​នេះសុទ្ធ​តែ​អាច​ដោះ​ស្រាយផ្អែក​លើ​ការ​សហការ​អន្តរជាតិ​ និង​ផ្លាស់​ប្តូរ​វប្បធម៌។

បន្ថែម​ MADAMERIRI

M.E.O