ទោះបីជាសម្លៀកបំពាក់ប្រពៃណី Yukata ក៍ត្រូវចេះ Update ដើម្បីតាមទាន់សម័យកាលបែបនេះដែរ…
រដូវក្តៅបានមកដល់ហើយ!!! សូមផ្អាកនូវភាពក្តៅហែងក៍ដូចជា ការងារសាលាដែលលោកគ្រូអ្នកគ្រូបានដាក់អោយ សូមចូលរួមទាំងអស់គ្នាក្នុងពិធីបុណ្យនៃប្រទេសជប៉ុនដែលមានផ្កាសាគឺរា។ រដូវក្តៅគឺជារដូវនៃម៉ូតសម្លៀកបំពាក់ Yukata ដែលត្រូវបាន ពាក់នៅលើខ្លួនរបស់នារីជប៉ុនយ៉ាងស្រស់ស្អាតហើយប្រកៀកស្មាជាមួយមិត្តប្រុសទៅមើលកាំជ្រួច។ ពិតជារ៉ូមែនទិចណាស់មែនទេ!
រូបភាព global.rakuten.com
ដោយសារ Yukata គឺជាសម្លៀកបំពាក់ប្រពៃណីនៃប្រទេស ជប៉ុន ពិតប្រាកដណាស់គ្មានអ្វីស្អាតជាងម៉ូតរចនាក្បាច់ផ្កាដែលធ្វើ អោយយើងឃើញពីភាពបុរាណធ្វើអោយលេចធ្លោនូវភាពទន់ភ្លន់ល្អរបស់នារី។ ប៉ុន្តែក្នុងសង្គមបច្ចុប្បន្នស្របជាមួយភាពទន់ភ្លន់នារីជប៉ុនក៍ ចង់បង្ហាញនូវភាពសកម្មគួរអោយស្រលាញ់របស់ពួកគេ។
នេះជាពេលដែលម៉ូតរចនាផ្កានៅលើ Yukata ត្រូវបានឆ្នៃប្រឌិត ការរៀបចំធ្វើយ៉ាងណាដើម្បីអោយសាកសមទៅនឹងសេចក្តីត្រូវការ ការចូលចិត្តរបស់មិត្តនារី។ ជាមួយនឹងក្បាច់រចនាផ្កា Yukata ក៍ត្រូវ បានតុបតែងដោយម៉ូតផ្កាយ៉ាងពិសេសដូចជារូបម្ហូបអាហារ សត្វ… និងអារម្មណ៍របស់ខ្លួន។
ខាងក្រោមនេះ JAPO និងណែនាំអោយអ្នកទាំងអស់គ្នានូវក្បាច់ រចនាមួយចំនួនមិនត្រឹមតែស្អាតថែមទាំងពិសេសដើម្បីអោយអ្នកមានភាពជឿជាក់បង្ហាញនូវចរិកលក្ខណៈរបស់ខ្លួនក្នុងរដូវក្តៅនេះ។
១. ក្បាច់រចនា Gyoza (នំកៀវ)
ចាប់ពីពេលនារីម្នាក់ Seiyuu (អ្នកបញ្ចូលសម្លេង) Izumi Kitta បង្ហាញខ្លួនយ៉ាងជឿជាក់ជាមួយសម្លៀកបំពាក់ Yukata មានបោះពុម្ភ ក្បាច់រចនា Gyoza (នំកៀវជប៉ុន) ការពេញនិយមនេះបានទាក់ទាញ មនុស្សជាច្រើន។ Izumi Kitta ត្រូវបានជ្រើសរើសជាអ្នកតំណាង អោយស្លាកសញ្ញា Utsunomiya Gyoza ហេតុនេះនាងបានសំដែងនូវ សេចក្តីស្រលាញ់ទៅលើមុខម្ហូបនំកៀវរបស់ខ្លួនតាមរយៈការបោះពុម្ភនំ Gyoza គួរអោយស្រលាញ់ពីលើសម្លៀកបំពាក់ Yukata របស់នាង។
អ្នកដែលចូលចិត្តញ៉ាំនំកៀវនេះតើចង់មានសម្លៀកបំពាក់ Yukata មួយសម្រាប់ដូចនេះដើម្បីទៅដើរលេងពិធីណាដែរទេ?
២. ក្បាច់រចនាស្ករគ្រាប់
រូបភាព Instagrammer News
ពេលរំលឹកដល់រដូវក្តៅនៅប្រទេសជប៉ុនតើអ្នកចូលចិត្តនូវមុខម្ហូបណាទេ? នៅពិធីបុណ្យនៃរដូវក្តៅគឺមិនអាចរំលង Ringo Ame (ស្ករផ្លែប៉ោម) មុខម្ហូបដែលត្រូវបានមិត្តនារីជាច្រើនចូលចិត្តញ៉ាំ។
រូបភាព http://wear.jp/rina1226/12764066/
ស្លាកសញ្ញាម៉ូតសម្លៀកបំពាក់ E Hyphen World gallery BonBon បានផ្គួបផ្សំជាមួយតារាបង្ហាញមូ៉តដែលល្បីឈ្មោះ Natsume Mito ដើម្បីបង្កើតបានជាការរចនានេះរួមផ្សំ Ringo Ame ជាមួយនិង រូបភាព Gingham check (ការូ៉) មានព័ណ៌រូបស្ករផ្អែមធ្វើអោយលេច ធ្លោនូវភាពស្រស់ស្អាតរបស់មិត្តនារីដូចជាស្ករគ្រាប់ផ្អែមដែលនរណាក៍ចង់បាន។
៣. ក្បាច់រចនារូបទា
រូបភាព ZOZOTOWN
រូបទា និង Yukata… ស្តាប់ទៅហាក់ដូចជាគ្មានអ្វីទាក់ទងគ្នាទេ មែនទេ? ប៉ុន្តែ Furifu ជាហាងរចនាម៉ូតសម្លៀកបំពាក់ជំនាញខាង ផ្នែក Kimono ប្រពៃណីបានឆ្នៃនូវម៉ូតសម្លៀកបំពាក់យ៉ាងចម្លែកនេះ បន្ថែមក្បាច់រចនារូបទាលើសម្លៀកបំពាក់ Yukata។ ការរចនាដំបូងធ្វើ អោយយើងមានអារម្មណ៍នឹកឃើញទេសភាពខៀវត្រជាក់នៃសមុទ្រ នាំមកនូវរដូវក្តៅពេញលេញ។
ប៉ុន្តែចំនុចដែលគួរអោយចាប់អារម្មណ៍គឺជាក្បាច់រចនារូបទាព័ណ៌សពាក់អាវវាលមានឆ្នូត និងគ្មានជើងមាននៅលើផ្ទៃក្រណាត់ខៀវ របស់ឈុត Yukata ហើយថែមទាំងជាប់នៅលើ Obi (មានបូររុំចង្កេះ) ទៀត។ មិនដឹងថាគួរហៅថា “Kawaii” (គួរអោយស្រលាញ់) ឬក៍ “Hen” (លើស) ទេ?
៤. ក្បាច់រចនាពីអារម្មណ៍
រូបភាព Tokyo Girls Update
ហាងរចនាម៉ូតសម្លៀកបំពាក់ Tsukikage បានជំរុញនូវការឆ្នៃ ប្រឌិតឡើងកម្រិតថ្មីមួយដែលតែងតែបង្កើតនូវម៉ូតដែល “ចម្លែក” រាល់ឆ្នាំ។ ស្លាកសញ្ញានេះទទួលបានការរចនាច្រើនពីកំនិតឆ្នៃប្រឌិត ដ៍អស្ចារ្យនេះក្នុងចំណោមការរចនា Yukata រូប Kaomoji (តំណាងម៉ូតនៃអារម្មណ៍របស់ជប៉ុន)។
មិត្តនារីជប៉ុនមិនសូវជានិយាយស្តីប្រសិនបើមិនចង់សម្តែងនូវអារម្មណ៍ផ្ទាល់របស់ខ្លួនជាមួយមិត្តប្រុសតែចង់អោយមានការយល់ចិត្តសូមស្លៀកឈុត Yukata នេះនៅក្នុងយប់មានបាញ់កាំជ្រួចបន្ទាប់មក ចង្អុលបង្ហាញមិត្តប្រុសដឹងពីអារម្មណ៍ដែលត្រូវជាមួយអ្នកជាងគេបំផុតណា។
៥. ក្បាច់រចនារូបឆ្មា
ជនជាតិជប៉ុនចូលចិត្តឆ្មាហេតុនេះគ្មានអ្វីប្លែកពេលដែលគេបោះពុម្ភរូបឆ្មាធ្វើជាក្បាច់រចនាតុបតែងសម្រាប់ Yukata ទេ។ ប៉ុន្តែអ្វីដែលប្លែកនៅទីនេះគឺឈុត Yukata នេះបានរចនាដោយ Chisato Tsumori – អ្នករចនាម៉ូតស្រ្តីម្នាក់បច្ចុប្បន្នអាយុ ៦៣ឆ្នាំ។ អ្វីដែលគាត់ចង់បង្ហាញនោះគឺអាយុមិនជាបញ្ហាស្រ្តីជប៉ុនទាំងអស់សុទ្ធតែសាកសមជាមួយរចនាមូ៉តដែលមានភាពផ្អែម និងគួរអោយចាប់អារម្មណ៍របស់ម៉ូត Yukata ពិសេសនេះ។
ប្រសិនបើអ្នកនៅតែមិនទាន់ពេញចិត្តជាមួយម៉ូតរចនារបស់ Yukata បានរៀបរាប់ខាងលើ ហេតុអ្វីមិនសាកល្បងជំហានបន្ទាប់ (បន្ថែមកម្រិត) ឈុត Yukata របស់អ្នកដោយ Tips តូចមួយចំនួន។ ដោយការរុំ Obi តាមបែបប្រពៃណីសូមសាកល្បងរបៀបចងយ៉ាង ពិសេសដែលមិត្តនារីជប៉ុនបានរកឃើញហើយចែករំលេកខាងក្រោម។
ក៍ដូចជាជនជាតិខ្មែរតែងតែមានការរចនាថ្មីសម្រាប់សម្លៀកបំពាក់ប្រពៃណីកម្ពុជាធ្វើយ៉ាងណាអោយស្របតាមសម័យកាល ភាពស្រស់ស្អាតនេះនូវតែត្រូវបានរក្សា ជនជាតិជប៉ុនក៍មិនសូវផ្តោត សំខាន់ពេកនូវប្រពៃណីបែបបុរាណដែរ។ អ្នកទទួលបាននូវមូ៉តរចនា ដែលសមនឹងខ្លួនឬនៅ? អ្នកនឹងរចនាឈុត Yukata ឬក៍នូវតែទុកតាម បែបប្រពៃណី? ទោះបីជាយ៉ាងណាសង្ឃឹមថាអ្នកមានរយៈសប្បាយ រីករាយកុំអោយពេលវេលាកន្លងទៅដោយឥតប្រយោជន៍។
ព័ត៌មានបន្ថែម tokyogirlsupdate
Sacchan
-
Kimono ពីសម្លៀកបំពាក់ប្រពៃណីជនជាតិជប៉ុនត្រូវបានរចនា សមស្របទៅនិងម៉ូតនាសម័យថ្មី -
តើអ្នកអាចបែងចែកស្បែកជើងប្រពៃណីបែបជប៉ុនទាំងបួននេះដែរទេ? -
Maybelline និង Furifu សហការដាក់បង្ហាញ Yukata តាមបែបបុរាណ និងទំនើប -
ឈុតសម្លៀកបំពាក់ “រចនាបែបពិសេស” ដែលបានបំផុសគំនិត ចេញពី Anime -
ស្ព្រាយបាញ់ការពារជ្រាបទឹក – អាចប្រើបាញ់នៅលើស្បែកជើង សម្លៀកបំពាក់ -
បន្ទះបិទការពារសត្វល្អិតមាន ៧២ សន្លឹក
-
រឿងប្លែកៗភេសជ្ជៈដែលបង្កការយល់ច្រឡំច្រើនបំផុតរបស់ជប៉ុន -
រថយន្តហោះដំបូងគេនៅជប៉ុនបើកការបញ្ជាទិញក្នុងតម្លៃ ១,៥ លានដុល្លារ -
Rakuten ផលិតផលលក់ដាច់លេខ ១ នៅប្រទេសជប៉ុន – ម៉ាសជួយអោយមុខស្រលូន -
ជប៉ុនដាក់បញ្ចូល Anime ខាងផ្នែកគ្រឿងចក្រសំណង់ -
ឆ្នាំ ២០១៦ មានគ្រោះថ្នាក់លើរថភ្លើងបានកើតឡើaងជាង ៦០០ ករណី -
ទៅលេងជប៉ុនអាចទិញទុកជាវត្ថុអនុស្សាវរីយ៍បានកាបូបស្ពាយមានរូបតំណាងតំបន់នីមួយៗនៅជប៉ុន