សុន្ទរកថា​ដ៏​មាន​អត្ថន័យ​របស់​នាយករដ្ឋមន្ត្រី Takaichi ក្នុង​​ដំណើរ​​ទស្សន​កិច្ច​​ទៅ​​កាន់​​ប្រទេស​​វៀត​ណាម

សុន្ទរកថា​ដ៏​មាន​អត្ថន័យ​របស់​នាយករដ្ឋមន្ត្រី Takaichi ក្នុង​ដំណើរ​ទស្សនកិច្ច​ទៅ​កាន់​ប្រទេស​វៀតណាម។

ថ្មីៗនេះ ដូចដែលបានចុះផ្សាយយ៉ាងទូលំទូលាយនៅលើប្រព័ន្ធផ្សព្វផ្សាយ នាយករដ្ឋមន្ត្រីជប៉ុន Takaichi Sanae បានទៅបំពេញទស្សនកិច្ចនៅប្រទេសវៀតណាមនៅដើមខែឧសភា ឆ្នាំ២០២៦ ។ នៅ​ទី​នោះ លោក​ស្រីបានថ្លែង​សុន្ទរកថា​ដ៏​គួរ​ឲ្យ​ចាប់​អារម្មណ៍​មួយ។

សេចក្តីថ្លែងការណ៍របស់លោកស្រី រួមទាំងការបារម្ភ និងការគោរពចំពោះភាគីវៀតណាម ដែលបង្ហាញថា ទំនាក់ទំនងទ្វេភាគីនឹងកាន់តែស៊ីជម្រៅបន្ថែមទៀតនាពេលអនាគត។

ទោះជាយ៉ាងណា នៅពីក្រោយរឿងនោះ បង្កប់យុទ្ធសាស្ត្រដ៏គួរឲ្យកត់សម្គាល់របស់ជប៉ុន។

នៅក្នុងសុន្ទរកថានៅសាកលវិទ្យាល័យជាតិហាណូយ លោកស្រី Takaichi បានលើកឡើងដូចខាងក្រោម៖

• “កាសឥតខ្សែដែលកំពុងបង្កព្យុះភ្លៀងនៅលើពិភពលោក ឬម៉ាសុីនលេងហ្គេមដែលពេញនិយម​យ៉ាង​ខ្លាំង។ តើអ្នកទាំងអស់គ្នាដឹងទេថាវាត្រូវបានផលិតនៅកន្លែងណាដែរទេ?

ចម្លើយគឺប្រទេសវៀតណាម។

ទោះជាយ៉ាងណា បច្ចេកវិទ្យាផលិតគ្រឿងបន្លាស់ដែលសំខាន់ៗទាំងនោះមានតែប្រទេសជប៉ុនប៉ុណ្ណោះ​ទើប​មាន។

អាចនិយាយបានថា នៅពេល​ដែល​សមត្ថភាព​ផលិតកម្ម​របស់​វៀតណាម​រួម​បញ្ចូល​ជាមួយ​នឹង​កម្លាំង​​បច្ចេកវិទ្យា​​ដ៏​​ខ្លាំង​​របស់​​ជប៉ុន យើង​​កំពុង​​គ្រប់​គ្រង​​ខ្សែ​សង្វាក់​​ផ្គត់​ផ្គង់​ជា​សកល។

ទោះបីជាការវិនិយោគរបស់អាជីវកម្មជប៉ុនមិនបង្ហាញឲ្យឃើញដូចជាអាជីវកម្មមកពីប្រទេសផ្សេងទៀតក៏ដោយ ប៉ុន្តែ​មាន​ជាង ២០០០ អាជីវកម្មដំណើរការនៅប្រទេសវៀតណាម។ យើងបានបង្កើត​ទំនាក់​ទំនង​សហប្រតិបត្តិការ​រីកចម្រើនជាមួយគ្នា រួមទាំងវិស័យ​អភិវឌ្ឍន៍​អវកាស​ផង​ដែរ។”

លោកស្រីបានបង្ហាញពីទំនាក់ទំនងសុីជម្រៅរវាងវៀតណាម – ជប៉ុនទៅកាន់សិស្សានុសិស្ស ហើយបានបញ្ចប់សុន្ទរកថាដោយប្រើប្រយោគដ៏ល្បីមួយក្នុងរឿង anime Uchuu Kyodai (បងប្អូនអវកាស​យានិក) ៖

“ប្រសិនបើមានការសង្ស័យ សូមជ្រើសយកផ្លូវដែលរីករាយបំផុត!” 

ក្នុងបរិបទដែលប្រទេសចិន និងកូរ៉េខាងត្បូងប្រឈមមុខនឹងការលំបាកផ្នែកសេដ្ឋកិច្ច រួមជា​មួយ​នឹងការពង្រឹងគោលនយោបាយ​ប្រឆាំង​ជប៉ុន រដ្ឋាភិបាល​ជប៉ុន​កំពុង​រក្សា​គម្លាត​ជា​មួយពួក​​គេ។

ក្នុងវិស័យផលិតផលិតផលពាក់កណ្តាលចម្លង ទោះបីជាប្រទេសទាំងពីរមានសមត្ថភាពផលិតក៏​ដោយ ប៉ុន្តែដំណើរការផលិតត្រូវតែមានបច្ចេកវិទ្យា ម៉ាសុីន និងសម្ភារៈពីប្រទេសជប៉ុន ដូច្នេះស្ថាន​ភាព​​លំបាក​របស់​ពួក​គេ​កាន់​តែ​មើល​ឃើញ​យ៉ាង​ច្បាស់។

ទោះជាយ៉ាងណា ដើម្បីរក្សាតុល្យភាពនៃសេដ្ឋកិច្ចពិភពលោក ការបង្កើនសមត្ថភាពផលិតកម្មពិត​ជា​សំខាន់​ណាស់ ប៉ុន្តែប្រទេសជប៉ុនតែម្នាក់ឯងមិនមានកម្លាំងគ្រប់គ្រាន់នោះទេ។

ប្រសិនបើវៀតណាម និងជប៉ុនសហការគ្នា អាចបង្កើតក្រុមដែលខ្លាំងបំផុត។

នោះជាអ្វីដែលនាយករដ្ឋមន្ត្រី Takaichi ចង់​បង្ហាញ។

ក្នុងពិធីជប់លៀងពេលយប់ លោកស្រីនាយករដ្ឋមន្ត្រី Takaichi ជាមួយនឹងថ្នាក់ដឹកនាំជាន់ខ្ពស់របស់​វៀតណាម​បានលើកកែវអបអរសាទរ។ បន្ទាប់ពីលើកកែវ លោកស្រីមិនបានផឹកភ្លាមៗនោះទេ ប៉ុន្តែ​បាន​រង់ចាំនាយករដ្ឋមន្ត្រី Le Minh Hung បញ្ចប់ការលើកកែវអបអរសាទរជាមួយថ្នាក់ដឹកនាំ​ផ្សេង​ទៀត​ដែល​នៅ​ក្បែរ​នោះ។

សកម្មភាពនេះបង្ហាញពីការគោរពចំពោះភាគី និងឲ្យតម្លៃចំពោះទំនាក់ទំនងស្មើភាពគ្នា។

ក្រៅពីនេះ ក្នុងជំនួបជាមួយនាយករដ្ឋមន្ត្រី Le Minh Hung ភាគីទាំងពីរបានឯកភាពគ្នាជាប់លាប់ក្នុងការពង្រឹងកិច្ចសហប្រតិបត្តិការលើគ្រប់វិស័យដូចជាថាមពល រ៉ែសំខាន់ៗ បញ្ញាសិប្បនិម្មិត (AI) សារធាតុពាក់កណ្តាលចម្លង អវកាស និងកសិកម្ម។

ជាពិសេស សម្រាប់គម្រោងដំបូងនៃគំនិតផ្តួចផ្តើម “ដៃគូ​បង្កើន​សមត្ថភាព​ផ្គត់ផ្គង់​ថាមពល និង​ធនធាន​អាស៊ី (Power Asia)” ភាគីទាំង​ពីរ​បាន​សម្រេច​ចិត្ត​គាំទ្រ​ការ​ផ្គត់ផ្គង់ប្រេងឆៅដល់​រោង​ចក្រ​ចម្រាញ់​ប្រេង Nghi Son – ជាកន្លែង​ដែល​អាជីវកម្ម​ជប៉ុន Idemitsu មាន​ភាគ​ហ៊ុន។

ក្រៅពីនេះ ភាគីជប៉ុនក៏បានលើកឡើងពីបញ្ហាជាច្រើនជាមួយវៀតណាមផងដែរ ដូចជាការបញ្ជាក់​ឲ្យច្បាស់អំពីយន្តការវិនិយោគ និងកិច្ចសហប្រតិបត្តិការសេដ្ឋកិច្ច ក៏ដូចជាការពង្រឹងការគ្រប់​គ្រង និងរឹតបន្តឹងគេហទំព័រដែលថតចម្លងសៀវភៅរឿងគំនូរជីវចលជប៉ុនដោយខុសច្បាប់។

ដើម្បីជម្រុញបន្ថែមនូវទំនាក់ទំនងសហប្រតិបត្តិការ ជប៉ុនក៏បានបង្ហាញពីគោលបំណងចង់ឲ្យលោក To Lam ដែលជាអគ្គលេខាធិការបក្ស និង​ជា​ប្រធាន​រដ្ឋ​បំពេញ​ទស្សន​កិច្ច​នៅ​ប្រទេស​ជប៉ុន​​ក្នុង​​ឆ្នាំ​នេះ។

បើប្រៀបធៀបទៅនឹងកាលពីមុន នៅពេលដែលប្រទេសជប៉ុនតែងតែរក្សាអាកប្បកិរិយាប្រុងប្រយ័ត្នចំពោះទំនាក់ទំនងនឹងបណ្តាប្រទេសធំក្នុងតំបន់ លើកនេះវិធីសាស្រ្តត្រូវបានចាត់ទុកថាច្បាស់​លាស់ និង​ដោយ​ផ្ទាល់​ជាង​មុន។

ក្នុងបរិបទនៃការប្រកួតប្រជែងសកលកាន់តែខ្លាំងឡើង ទាំងវៀតណាម និងជប៉ុនសុទ្ធតែយល់ឃើញ​ថា ពិបាកនឹងរីកចម្រើនតែម្នាក់ឯង។ ទោះ​ជា​យ៉ាង​ណា ប្រសិន​បើ​អាច​ជួយ​គ្នា​ទៅ​វិញទៅ​មក ប្រទេសទាំង​ពីរ​ពិត​ជា​អាច​បង្កើត​ទំនាក់​ទំនង​សហប្រតិបត្តិការ​ប្រកប​ដោយ​ចីរភាព និងមាន​ឥទ្ធិពល។

ដូច្នេះ អនាគតនៃទំនាក់ទំនងរវាងវៀតណាម – ជប៉ុនត្រូវបានគេរំពឹងថានឹងឈានចូលណាក់កាលអភិវឌ្ឍន៍ថ្មីមួយដែលកាន់តែស៊ីជម្រៅ និងជាក់ស្តែងជាងមុន។

Abe Kengo