យុទ្ធសាស្ត្រ​ថ្មី​របស់​ជប៉ុន – ឆ្ពោះ​ទៅ​រក​យុគសម័យ​ថ្មី

យុទ្ធសាស្ត្រ​ថ្មី​របស់​ជប៉ុន – ឆ្ពោះ​ទៅ​រក​យុគសម័យ​ថ្មី។

នៅឆ្នាំ ២០២៥ មានព្រឹត្តិការណ៍សំខាន់មួយបានកើតឡើងក្នុងពិភពនយោបាយជប៉ុន។

លោកស្រី Sanae Takaichi (高市早苗) បានក្លាយជានាយករដ្ឋមន្ត្រី ហើយនេះជានាយករដ្ឋមន្ត្រីស្រី​ដំបូង​គេ​ក្នុង​​ប្រវត្តិ​សាស្ត្រ​​ជប៉ុន។

ដូច្នេះតើនឹងមានអ្វីផ្លាស់ប្តូរចាប់តាំងពីពេលដែលព្រឹត្តិការណ៍ប្រវត្តិសាស្ត្រនេះកើតឡើង? ចូរយើង​ស្វែង​យល់​លម្អិត​ព្រឹត្តិ​ការណ៍​ដែល​ពាក់​ព័ន្ធ​តាម​រយៈ​ខ្លឹម​សារ​អត្តបទ​ខាង​ក្រោម។

យុទ្ធសាស្ត្រការទូតដែលមានលក្ខណៈពិសេសរបស់លោកស្រី Takaichi ។

ជាដំបូងគឺយុទ្ធសាស្ត្រការទូតដ៏ពិសេស មិនត្រឹមតែដោយសារតែលោកស្រីជាស្រ្តីប៉ុណ្ណោះទេ ប៉ុន្តែដោយ​សារ​តែ​នោះ​ជាបុគ្គលិកលក្ខណៈដោយឡែករបស់លោកស្រី Takaichi ។

នៅពេលដែលរំលឹកដល់ការទូត មនុស្សជាច្រើនតែងតែគិតដល់កិច្ចប្រជុំ និងមានទម្រង់ជាផ្លូវការ។ ជា​ការ​ពិត​ណាស់ កិច្ចពិភាក្សាទាំងនេះតែងតែមានភាពម៉ឺងម៉ាត់ ពីព្រោះវាពាក់ព័ន្ធដោយផ្ទាល់​ទៅនឹងផលប្រយោជន៍ជាតិ។ ប៉ុន្តែ​យ៉ាងណាមិញ ថ្នាក់ដឹកនាំក៏ជាមនុស្សដែរ ដូច្នេះការបង្កើត​ទំនាក់ទំនងមិត្តភាពក៏មានសារៈសំខាន់ណាស់ដែរ។

លោកស្រី Takaichi បានចូលរួមសកម្មភាពការទូតដោយភាពរួសរាយរាក់ទាក់បំផុត។ ជាពិសេស លោកស្រីបានមើលកីឡាបេស្បលលើទូរទស្សន៍ជាមួយប្រធានាធិបតីអាមេរិក Trump លេងស្គរជា​មួយ​ប្រធានាធិបតី​កូរ៉េ​ខាង​ត្បូង នៅពេលដែលនាយករដ្ឋមន្ត្រីអុីតាលីបានទៅទស្សនកិច្ចនៅជប៉ុន​ក្នុង​ថ្ងៃ​ខួប​កំណើត លោក​​ស្រី​​បាន​​រៀប​​ចំ​ពិធី​​ខួប​​កំណើត។

នៅក្នុងសន្និសីទអន្តរជាតិ លោកស្រីថែមទាំងបានឱបប្រមុខរដ្ឋផ្សេងទៀតផងដែរ ជាអ្វីដែលនាយករដ្ឋមន្ត្រី​មុនៗ​មិន​ធ្លាប់​ធ្វើ។

អ្វីដែលគួរឲ្យចាប់អារម្មណ៍បំផុតនោះគឺថាប្រធានាធិបតីកូរ៉េខាងត្បូង ជាមនុស្សដែលតែងតែបង្ហាញខ្លួនជាមួយនឹង​ទឹក​មុខ​ម៉ឺង​ម៉ាត់​ដោយ​សារ​តែ​ទំនាក់​ទំនង​រវាងជប៉ុន – កូរ៉េខាងត្បូងមិន​ល្អ បែរជាញញឹមយ៉ាងស្រស់នៅពេលដែលកំពុងលេងស្គរជាមួយលោកស្រី Takaichi ។

ឥរិយាបថសុភាពរាបសារ ប៉ុន្តែមិនចុះញ៉មនោះទេ។

ទោះបីជាតែងតែញញឹមក៏ដោយ លោកស្រី Takaichi ដាច់ខាតមិនមានអាកប្បកិរិយាទន់ខ្សោយនោះ​ទេ។ មិនដូចជានាយករដ្ឋមន្ត្រីជប៉ុនមុនៗនោះទេ លោកស្រីមិនដែលសម្របតាម ឬធ្វើសកម្មភាព​មិនច្បាស់លាស់ក្នុងការចរចាជាមួយបរទេសឡើយ។

ទោះបីជាគោលជំហរម៉ឺងម៉ាត់របស់លោកស្រីបានធ្វើឲ្យប្រទេសចិនមានការខឹងសម្បារយ៉ាងខ្លាំងក៏​ដោយ ប៉ុន្តែយុទ្ធសាស្ត្រនេះទទួលបានការវាយតម្លៃខ្ពស់ទាំងក្នុងស្រុក និងអន្តរជាតិ ព្រោះច្បាស់ណាស់​វា​ល្អ​ជាង​វិធីសាស្រ្ត​ស្រពេច​ស្រពិល​ពី​មុន។ 

កំណែទម្រង់ក្នុងស្រុកក៏ត្រូវបានពន្លឿនផងដែរ។

មិនត្រឹមតែមិនធ្វេសប្រហែសប៉ុណ្ណោះទេ ផ្ទុយទៅវិញ ការអភិវឌ្ឍក្នុងស្រុកក៏ត្រូវបានលោកស្រីអនុវត្ត​យ៉ាង​ពេញ​លេញ​ផង​ដែរ។

តាំងពីយូរណាស់មកហើយ មតិសាធារណៈជប៉ុនមានការយល់ឃើញថា មន្ត្រី និងមន្ត្រីរាជការធ្វើការ​​តាម​អំពើ​ចិត្ត​របស់​ខ្លួន។ លោក​ស្រី Takaichi កំពុង​​ខិត​ខំប្រឹង​ប្រែង​​យ៉ាង​​ខ្លាំង​​ដើម្បី​លុបបំបាត់​រូបភាព​​អវិជ្ជមាន​​នោះ និង​បង្កើត​ទំនុក​ចិត្ត​ក្នុង​ចិត្ត​របស់​ប្រជាជន​ឡើង​វិញ។

បន្ទាប់ពីវិបត្តិសេដ្ឋកិច្ចអូសបន្លាយរយៈពេល ៣០ ឆ្នាំ ប្រហែលជាជប៉ុន – ជាប្រទេសដែល “ដេកលក់” អស់​រយៈ​ពេល​យូរ​ណាស់​មក​ហើយ – នៅ​ទី​បំផុត​ដល់​ពេល​ដែល​ត្រូវ​ភ្ញាក់​ហើយ។

ចូរយើងតាមដានជំហានបន្ទាប់របស់ជប៉ុននាពេលខាងមុខ។

Abe Kengo