ស្ថានភាពតានតឹង​រវាងប្រទេស​ជប៉ុន និង​​ចិន

ស្ថានភាពតានតឹង​រវាងប្រទេស​ជប៉ុន និង​ចិន។

បច្ចុប្បន្ននេះ អាចនិយាយបានថា ទំនាក់ទំនងរវាងប្រទេសជប៉ុន និងចិនកំពុងតែអាក្រក់ទៅៗ។ តើមូលហេតុអ្វីដែលបណ្តាលឲ្យកើត​មាន​ស្ថាន​ភាព​តាន​តឹង​រវាង​ប្រទេស​ទាំង​ពីរ? ហើយស្ថាន​ភាព​បច្ចុប្បន្ន​កំពុង​តែ​តាន​តឹង​ដល់​កម្រិត​ណា? ចូរយើងតាមដានខ្លឹមសារអត្តបទខាងក្រោម​ទាំង​អស់​គ្នា។

បញ្ហាទាំងអស់បានចាប់ផ្តើមជាមួយនឹងការពិភាក្សានៅក្នុងសភាជប៉ុន។ ដើមឡើយ នេះជាកិច្ចប្រជុំ​មួយដែលពិភាក្សា​អំពី​ថវិកា ប៉ុន្តែបែរជាមានសំណួរមួយដែលមិនទាក់ទងនឹងថវិកាត្រូវបានលើក​ឡើង​ដោយ​ភាគី​ចិន​ថា៖

• “ប្រសិនបើចិនវាយប្រហារតៃវ៉ាន់ តើជប៉ុននឹងធ្វើអ្វី?”

ឆ្លើយតបទៅនឹងសំណួរនេះ លោកស្រី Takaichi Sanae ដែលជានាយករដ្ឋមន្ត្រីស្រីដំបូងគេរបស់ជប៉ុន បានឆ្លើយយ៉ាងប្រុងប្រយ័ត្នថា៖

• “អាស្រ័យលើស្ថានភាពជាក់ស្តែងនីមួយៗ ការឆ្លើយតបនឹងខុសគ្នា ប៉ុន្តែក្នុងករណីមួយចំនួន ប្រទេស​ជប៉ុន​អាច​ប្រឈម​មុខ​នឹង​គ្រោះ​ថ្នាក់។”

ប្រសិនបើប្រទេសជប៉ុនធ្លាក់ក្នុងស្ថានភាពគ្រោះថ្នាក់ ដែលមានន័យថាកងកម្លាំងស្វ័យការពារជប៉ុនអាចនឹងត្រូវដាក់ពង្រាយកងទ័ពដើម្បីការពារប្រទេស។

ចំពោះសេចក្តីថ្លែងការណ៍​នេះ ភាគីប្រទេសចិនមានប្រតិកម្មយ៉ាងខ្លាំង។ ប្រទេសចិនបានទាម​ទារ​ឲ្យ​ជប៉ុន​សុំ​ទោស និង​បញ្ជាក់​ឡើង​វិញ ប៉ុន្តែ​ប្រទេស​ជប៉ុន​មិន​បាន​ឆ្លើយ​តប​ឡើយ។

បន្ទាប់មក ភាគីប្រទេសចិនបន្តបង្កើនភាពតានតឹង។ ឯកអគ្គរដ្ឋទូតចិនប្រចាំទីក្រុង Osaka បានប្រកាសនៅលើបណ្តាញសង្គមថា៖

• “ក្បាលរត់ចូលដោយខ្លួនឯងមានតែកាត់ប៉ុណ្ណោះ។”
  ប្រយោគនេះអាចនឹងយល់បានថាជាការគំរាមកំហែងធ្វើឃាតនាយករដ្ឋមន្ត្រីជប៉ុន។

មិនត្រឹមតែប៉ុណ្ណឹង រដ្ឋាភិបាលចិនថែមទាំងបានណែនាំឲ្យប្រជាជនកាត់បន្ថយការធ្វើដំណើរទៅកាន់ប្រទេសជប៉ុន ដែលបណ្តាលឲ្យជើងហោះហើរជាបន្តបន្ទាប់រវាងប្រទេសទាំងពីរត្រូវ​លុប​ចោល។

ហាក់បីដូចជាពួកគេកំពុងព្យាយាមបង្កការខូចខាតដល់ប្រទេសជប៉ុន ប៉ុន្តែជាក់ស្តែងបែរជាមិន​មាន​ប្រសិទ្ធភាព​ដូចដែលពួកគេគិតនោះទេ។

មូលហេតុដោយសារតែនៅពេលដែលជនជាតិចិនទៅកាន់ប្រទេសជប៉ុន ពួកគេតែងតែប្រើប្រាស់​ក្រុម​ហ៊ុន​អាកាស​ចរណ៍​ចិន ជួល​មគ្គុទ្ទេសក៍ទេស​ចរណ៍​ចិន​នៅ​ប្រទេស​ជប៉ុន ស្នាក់នៅសណ្ឋាគារ​ចិន និងទិញទំនិញនៅតាមហាងដែលគ្រប់គ្រងដោយជនជាតិចិន។

នៅទីបំផុត ភាគីប្រទេសចិន និងប្រជាជនចិនដែលរស់នៅក្នុងប្រទេសជប៉ុនទើបជាអ្នកដែល​ជួប​នឹង​បញ្ហា​ច្រើន​បំផុត។

បន្ទាប់មកទៀត ប្រទេសចិនបានប្រើប្រាស់បញ្ហាវិទ្យុសកម្មជាលេសដើម្បីហាមឃាត់ការនាំចូលអាហារសមុទ្ររបស់ជប៉ុន។ ប៉ុន្តែវិធានការនេះក៏មិនសូវជាមានប្រសិទ្ធភាពនោះដែរ។

ដោយសារតែបន្ទាប់ពីគ្រោះថ្នាក់រោងចក្រថាមពលនុយក្លេអ៊ែរ Fukushima ពីមុន ប្រទេសចិនធ្លាប់មានប្រតិកម្មយ៉ាងខ្លាំង ហើយបដិសេធការនាំចូល ដែលបណ្តាលឲ្យជប៉ុនជម្រុញការនាំចេញ​ទៅ​កាន់​សហរដ្ឋអាមេរិក វៀតណាម និងតំបន់ជាច្រើនទៀត។ ដូច្នេះហើយ ការហាមឃាត់នេះស្ទើរ​តែ​មិនមាន​ផល​ប៉ះ​ពាល់​នោះ​ទេ។

ក្រោយមក ប្រទេសចិននៅតែបន្តដាក់ចេញវិធានការថ្មី ពោលគឺបញ្ឈប់ការសម្តែងទាំងអស់របស់​តារា​ជប៉ុន​នៅ​ក្នុង​ប្រទេស​ចិន។

ទោះជាយ៉ាងណា សកម្មភាពនេះបែរជាបណ្តាលឲ្យកើតមានប្រតិកម្មផ្ទុយមកវិញ ហើយការរិះគន់បានចាប់ផ្តើមលេចឡើងពីប្រជាជននៅក្នុងប្រទេស។

តារាចម្រៀងស្រីជនជាតិជប៉ុន Hamasaki Ayumi ត្រូវបានស្នើឲ្យលុបចោលការសម្តែងមុនមួយថ្ងៃ​ប៉ុណ្ណោះ។ ទោះជាយ៉ាងណា ព្រោះតែចង់អរគុណចំពោះក្រុមរៀបចំនៅប្រទេសជប៉ុន និងចិន នាង​បាន​សម្រេច​ចិត្តសម្តែងដោយគ្មានទស្សនិកជន ហើយបន្ទាប់មកត្រឡប់ទៅប្រទេសជប៉ុនវិញ។

សកម្មភាពរបស់នាងទទួលបានការសរសើរជាច្រើន។

នៅពេលនោះ បណ្តាប្រទេសផ្សេងទៀតក៏ចាប់ផ្តើមលើកឡើងផងដែរ។

ប្រធានាធិបតីអាមេរិកលោក Donald Trump បានប្រកាសថានឹងទម្លាក់គ្រាប់បែកទៅលើទីក្រុង​ប៉េកាំង ប្រសិនបើចិនវាយប្រហារប្រទេសជប៉ុន។ ឯកអគ្គរដ្ឋទូតអាមេរិកប្រចាំប្រទេស​ជប៉ុន​ក៏​បាន​សង្កត់ធ្ងន់ផងដែរថា សហរដ្ឋអាមេរិកបានប្តេជ្ញាចិត្តការពារប្រទេសជប៉ុន។

ប្រឈមនឹងការហាមឃាត់នាំចូលរបស់ប្រទេសចិន រដ្ឋាភិបាលតៃវ៉ាន់បានចែករំលែករូបថតមុខម្ហូបស៊ូស៊ីជប៉ុននៅលើប្រព័ន្ធផ្សព្វផ្សាយសង្គម​ដោយ​សរសេរ​ថា៖

• “ប្រសិនបើចិនធ្វើដូច្នេះ ចូរយើងទាំងអស់គ្នាទៅកាន់ប្រទេសជប៉ុន ហើយបរិភោគអាហារសមុទ្រ​​របស់​ជប៉ុន​​ឲ្យ​​បាន​​ច្រើន!”
  កាលពីមុន នៅពេលដែលប្រទេសចិនស្រាប់តែហាមឃាត់ការនាំចូលម្នាស់តៃវ៉ាន់ ជប៉ុនជាប្រទេសដែលបានទិញយ៉ាងច្រើនដើម្បីគាំទ្រ ហើយនេះជាវិធីសាស្រ្តដែលពួកគេតបស្នងគុណ​ទាំង​នោះ។

ទន្ទឹមនឹងនោះ ប្រទេសចិនមិនអាចបញ្ជាក់ពីសេចក្តីថ្លែងការណ៍របស់ខ្លួនឡើយ។

ជាដំបូង ពួកគេបានទាក់ទងទៅកាន់សហរដ្ឋអាមេរិក ប៉ុន្តែស្ថានភាពមិនផ្លាស់ប្តូរនោះទេ។

នៅពេលដែលទាក់ទងទៅកាន់នាយករដ្ឋមន្ត្រីអង់គ្លេស ភាគីអង់គ្លេសបានឆ្លើយតបថានឹងស្តាប់ ប៉ុន្តែ​​មិន​អាច​យល់​ស្រប​​នឹង​​គោល​នយោបាយ​ដែល​ប្រទេស​ចិន​បាន​ដាក់​ចេញ​នោះ​ទេ។

នៅលើបណ្តាញសង្គម ប្រទេសចិននៅតែបន្តបង្ហោះខ្លឹមសាររិះគន់ប្រទេសជប៉ុន។ ជាការឆ្លើយ​តប ជប៉ុនបានប្រកាសផ្អាកការទិញមូលបត្រ​រដ្ឋាភិបាល​ចិន​ដោយ​គ្មាន​កំណត់ ដែលខ្លួនបាន​ទិញ​ក្នុង​បរិមាណ​​ច្រើន​ជា​រៀង​រាល់​ឆ្នាំ។

អ្នកប្រើប្រាសអុីនធឺណេតនៅជប៉ុនថែមទាំងបានកែរូបភាព និងអត្តបទវាយប្រហាររបស់ចិនទៅជាខ្លឹមសារបែបកំប្លែង ហើយចែករំលែកលើបណ្តាញសង្គមផងដែរ។ 

ប្រទេសចិនបានទាមទារឲ្យជប៉ុនបញ្ឈប់សកម្មភាពទាំងនេះ ប៉ុន្តែប្រទេសជប៉ុនបានបដិសេធដោយ​​ផ្អែក​​លើ​​ហេតុ​ផល​​ថា ពលរដ្ឋ​ជប៉ុន​មាន​សេរីភាព​ក្នុង​ការ​បញ្ចេញមតិ។

ហាក់បីដូចជាប្រទេសចិនកំពុងធ្លាក់ក្នុងស្ថានភាពកាន់តែមិនអំណោយផល។ តើស្ថានការណ៍បន្ទាប់​នឹង​ទៅ​ជា​យ៉ាង​ណា?

ច្បាប់របស់រដ្ឋាភិបាលជប៉ុនមិនអនុញ្ញាតឲ្យជប៉ុនចាប់ផ្តើមសង្គ្រាមនោះទេ ហើយបច្ចុប្បន្នប្រទេស​នេះ​ក៏​មិន​មាន​បំណង​ធ្វើ​សង្គ្រាម​នោះ​ដែរ។

យើងគ្រាន់តែអាចសង្ឃឹមថា ប្រទេសចិននឹងមិនធ្វើសកម្មភាពដោយមិនគិតទុកមុន ហើយបន្តតាម​ដាន​ស្ថាន​ការណ៍​នៅ​ពេល​ខាង​មុខ។

Abe Kengo