ប្រជាជនជប៉ុនត្រូវគេ​ក្លែង​បន្លំ​នៅ​បរទេស – ទាំង​​ដែល​ការ​ពិត​ត្រូវ​បង្កាច់​បង្ខូច

ប្រជាជន​ជប៉ុន​ត្រូវ​គេ​ក្លែង​បន្លំ​នៅ​បរទេស – ទាំង​ដែល​ការ​ពិត​ត្រូវ​បង្កាច់​បង្ខូច។

នៅសហរដ្ឋអាមេរិក អឺរ៉ុប ឬតំបន់មជ្ឈិមបូព៌ា នៅពេលខ្លះយើងឃើញព័ត៌មានដូចជា៖ “ជនជាតិជប៉ុនមានអាកប្បកិរិយាមិនសមរម្យ” ឬ “ភ្ញៀវទេសចរណ៍ជប៉ុនបង្កបញ្ហា” ។

ទោះជាយ៉ាងណា ក្រោយពេលប៉ូលីស ឬសហគមន៍អនឡាញស៊ើបអង្កេត មានករណីមិនតិចទេដែល​បង្ហាញ​ថាបុគ្គលបង្កហេតុមិនមែនជាជនជាតិជប៉ុន ប៉ុន្តែជាជនជាតិកូរ៉េ ឬជនជាតិចិនដែល​បន្លំ​ខ្លួន​ជា​ជន​ជាតិ​ជប៉ុន។

ចំណុចនេះបង្កផលវិបាកយ៉ាងធំធេង មិនត្រឹមតែសម្រាប់មុខមាត់ប្រទេសជាតិប៉ុណ្ណោះទេ ថែមទាំង​បង្កើត​ឲ្យ​មាន​ការ​រើស​អើង​មិនពិតចំពោះប្រជាជនស្លូតត្រង់ផងដែរ។

សកម្មភាពដ៏គួរឲ្យអាម៉ាស់មួយចំនួនដែលជនក្លែងបន្លំបានបង្កឡើងនៅក្រៅប្រទេស ដែលបង្ក​ផល​​ប៉ះ​​ពាល់​​ដល់​​ប្រជាជន​​ជប៉ុន។

ករណីមិនបង់ប្រាក់នៅភោជនីយដ្ឋានមជ្ឈិមបូព៌ា

កាលពីពេលថ្មីៗនេះ ភ្ញៀវទេសចរណ៍ស្រីម្នាក់ដែលអះអាងថាជាជនជាតិជប៉ុនបានបង្កឲ្យមានការភ្ញាក់ផ្អើល បន្ទាប់ពីបានបរិភោគអាហារដោយមិនបានបង់ប្រាក់នៅភោជនីយដ្ឋានលំដាប់ខ្ពស់មួយកន្លែងនៅមជ្ឈិមបូព៌ា។ ស្រ្តីម្នាក់នោះ​អង្គុយ​ចុះ​ពេល​កំពុង​ផ្សាយ​បន្តផ្ទាល់តាមបណ្តាញសង្គមដោយប្រើទូរស័ព្ទ។ នាងបានធ្វើពុតជាកុម្ម៉ង់ម្ហូប ប៉ុន្តែបរិភោគតែនំប៉័ងដែលឥតគិតថ្លៃប៉ុណ្ណោះ បន្ទាប់មកចាកចេញដោយមិនបានបង់ប្រាក់។

នាងមានចេតនានិយាយភាសាជប៉ុនប៉ុន្មានមាត់ជាមួយបុគ្គលិក ដើម្បីបង្ហាញថាខ្លួនជាជន​ជាតិ​ជប៉ុន ប៉ុន្តែ​តាម​ពិត​ទៅ នោះ​គ្រាន់​តែ​ជា​ពាក្យ​អរគុណ និងសួរសុខទុក្ខមូលដ្ឋានប៉ុណ្ណោះ ដែល​មនុស្ស​ជា​ច្រើន​អាចនិយាយបាន ទោះបីជាមិនចេះភាសាជប៉ុនក៏ដោយ។

ទោះបីជាមានចេតនាធ្វើបែបនេះក៏ដោយ នាងនៅតែត្រូវគេចាប់បាននៅពេលដែលកំពុងនិយាយភាសាចិនអំឡុងពេលផ្សាយបន្តផ្ទាល់។ គ្រាន់តែប្រទេសដែលនៅឆ្ងាយពីអាសុី មនុស្សជាច្រើននៅទីនោះពិបាកនឹងបែងចែកច្បាស់លាស់រវាងជនជាតិជប៉ុន ចិន ឬកូរ៉េ។

ករណីបង្រ្កាបបណ្តាញក្រុមពេស្យា​នៅ​អាមេរិក

កាលពីមុន នៅសហរដ្ឋអាមេរិកធ្លាប់មានព័ត៌មាននិយាយពីករណីបណ្តាញក្រុមពេស្យាដែលត្រូវបានផ្សព្វផ្សាយថា “គ្រប់គ្រងដោយជនជាតិជប៉ុន” ដែលទាក់ទាញអតិថិជនជាច្រើន ពីព្រោះពួកគេទទួលរងឥទ្ធិពលដោយសារភាពយន្ត។

ប៉ុន្តែនៅពេលដែលបណ្តាញនេះត្រូវបានបង្ក្រាប សមាជិកទាំងអស់មិនមែនជាជនជាតិជប៉ុននោះទេ ប៉ុន្តែជាជនជាតិកូរ៉េ។ ទោះបីជាការពិតត្រូវបានលាតត្រដាងក៏ដោយ ប៉ុន្តែរូបភាពអវិជ្ជមានត្រូវបានវាយតម្លៃទៅលើស្រ្តីជប៉ុនក្រោមក្រសែភ្នែករបស់ប្រជាជននៅទីនោះ។

មិនត្រឹមតែប៉ុណ្ណឹង ​នៅ​លើ​បណ្ដាញ​សង្គមថែមទាំងមានការណែនាំអំពី “របៀបក្លែងបន្លំធ្វើជា​ជន​ជាតិ​ជប៉ុន” 

នៅលើបណ្តាញសង្គមរបស់ប្រជាជនចិនធ្លាប់មានវិដេអូខ្លីៗដែលបង្រៀនពីរបៀបធ្វើត្រាប់តាម​ជន​ជាតិ​ជប៉ុន ដូច​ជា​ការ​និយាយ​ស្តី និង​ទម្លាប់​ជា​ដើម។

មិនត្រឹមតែខ្វះការគួរសមប៉ុណ្ណោះទេ ខ្ញុំគិតថា មនុស្សទាំងនេះខ្វះការគោរពចំពោះខ្លួនឯង និងមោទនភាព​ជាតិ​ផង​ដែរ។

ក្រៅពីរឿងរ៉ាវដែលបានរៀបរាប់ខាងលើ នៅមានរឿងរ៉ាវដ៏គួរឲ្យសោកស្តាយជាច្រើន ដែលនិយាយ​ពី​សកម្មភាព​ក្លែង​បន្លំ​ជា​ជន​ជាតិ​ជប៉ុន​នៅ​ទូទាំង​ពិភព​លោក។

មិនត្រឹមតែមនុស្សប៉ុណ្ណោះទេ សូម្បី​តែ​ផលិត​ផល​ក្លែង​​ក្លាយ​​ដែល​ត្រូវ​​បាន​​ដាក់​​ស្លាក​ថា “ផលិតនៅប្រទេស​ជប៉ុន” ក៏​កំពុង​កើន​ឡើង​ផង​ដែរ។

រូបភាពល្អរបស់ប្រជាជនជប៉ុនរហូតមកដល់ពេលនេះមិនមែនកើតឡើងដោយឯកឯងនោះទេ នោះជាលទ្ធផលដែលបង្កើតឡើងជាច្រើនជំនាន់មកហើយ។ ហើយផ្ទុយទៅវិញ កេរ្តិ៍ឈ្មោះអាក្រក់របស់ប្រទេសមួយ ក៏ជាលទ្ធផលដោយសារសកម្មភាពជាក់ស្តែងរបស់មនុស្សមួយចំនួនក្នុងប្រទេស​នោះ​ផង​ដែរ។

ប្រជាជនជប៉ុនក៏មានមនុស្សល្អ មនុស្សអាក្រក់ដែរ ចំណុចនេះមិនអាចបដិសេធបានឡើយ។ ប៉ុន្តែ​ការ​ដែល​ឆ្លៀត​​ឱកាស​​យក​កេរ្តិ៍​ឈ្មោះរបស់ប្រជាជនជប៉ុនទៅបោកប្រាស់ ឬធ្វើរឿងដែលខុសឆ្គង ពិតជាគួរឲ្យថ្កោលទោសខ្លាំងណាស់។ ក្នុងនាមជាជនជាតិជប៉ុនម្នាក់ ខ្ញុំមិនអាចទទួលយក ឬអត់ឱនចំពោះទង្វើខុសឆ្គងនេះបានទេ។

សង្ឃឹមថា មនុស្សគ្រប់គ្នានឹងមានការប្រុងប្រយ័ត្ននៅពេលដែលទទួលបានព័ត៌មាន និង​ជៀស​វាង​ព័ត៌មាន​មិន​ពិត។

Abe Kengo