វប្បធម៌ “Kawaii” របស់ជប៉ុននៅតែបន្តអភិវឌ្ឍជានិច្ច

ថ្ងៃពុធ 12/11/2025 | 17:27 ល្ងាច

វប្បធម៌ “Kawaii” របស់ជប៉ុននៅតែបន្តអភិវឌ្ឍជានិច្ច។

តើអ្នកដឹងទេថាពាក្យ “Kawaii” ត្រូវបានដាក់បញ្ចូលក្នុងវចនានុក្រមអង់គ្លេសដែរទេ?

ត្រូវហើយ “Kawaii” គឺជាពាក្យដែលមានប្រភពមកពីប្រទេសជប៉ុន និងកំពុងក្លាយជាភាសាទូទៅរបស់ពិភពលោក។

នៅប្រទេសជប៉ុន គេអាចធ្វើឲ្យគ្រប់យ៉ាងប្រែជាគួរឲ្យស្រលាញ់។ ដែលមានដូចជាសម្ភារៈប្រើប្រាស់ គ្រឿងលម្អ និងសូម្បីតែម្ហូបអាហារផងដែរ។ ប៉ុន្តែខុសពីអ្វីដែលអ្នកទាំងអស់គ្នាគិត វត្ថុទាំងនោះមិនមែនធ្វើដោយដៃនោះទេ ប៉ុន្តែជាផលិតផលដែលផលិតបរិមាណច្រើន ហើយដាក់លក់នៅលើទីផ្សារ។

វត្ថុទាំងនោះគួរឲ្យស្រលាញ់រហូតដល់ថ្នាក់ យើងមិននឹកស្មានថាត្រូវបានផលិតក្នុងបរិមាណច្រើននោះទេ។ ចូរយើងមកស្វែងយល់អំពីវប្បធម៌ Kawaii និងស្វែងយល់បន្ថែមតាមរយៈខ្លឹមសារអត្តបទខាងក្រោម។

នេះជារូបភាពនំដូណាត់ដែលមានរាងដូច Hello Kitty ដែលជាតួអង្គប្រឌិតដ៏ល្បីរបស់ Sanrio ។

គួរឲ្យស្រលាញ់រហូតដល់ថ្នាក់… មិនដឹងថាត្រូវខាំកន្លែងណានោះទេ។

ប្រសិនបើយកទៅផ្ទះប្រាកដជាបារម្ភថានំអាចនឹងខូចទ្រង់ទ្រាយ។

ហើយនេះគឺជា wagashi (នំប្រពៃណីជប៉ុន) ។

របស់ដ៏គួរឲ្យស្រលាញ់ដែលអ្នកកំពុងមើលឃើញសុទ្ធតែជានំដែលអាចបរិភោគបាន។

Wagashi ជាប្រភេទនំប្រពៃណីដែលមានជាយូរមកហើយ ដូច្នេះមិនសូវជាទាក់ទាញយុវវ័យនោះទេ ប៉ុន្តែជាមួយនឹងរូបរាងបែបនេះ យុវវ័យអាចនឹងនាំគ្នាទិញជាមិនខាន។

ហើយនេះជានំដូណាត់ដែលត្រូវបានបំផុសគំនិតដោយ Shima enaga – ជាប្រភេទសត្វចាបកន្ទុយវែងដ៏គួរឲ្យស្រលាញ់នៅ Hokkaido ។ Shima enaga ថែមទាំងត្រូវបានគេហៅថា “ទេពអប្សរព្រិល” ដោយសារតែរូបរាងដ៏គួរឲ្យស្រលាញ់ និងរោមពណ៌សដូចជាព្រិល។ មនុស្សជាច្រើនប្រាកដជាស្រលាញ់ចូលចិត្តរូបរាងដ៏គួរឲ្យស្រលាញ់នេះ ជាពិសេសមនុស្សស្រី។

រូបភាពនៅខាងឆ្វេងគឺជាសត្វស្លាបពិត ចំណែកឯរូបភាពនៅខាងស្តាំគឺជានំដូណាត់។

សូមរំលឹកម្តងទៀតថា៖ នៅខាងឆ្វេងមិនមែនជាអាហារនោះទេ។