ទំព័រដើម
Japo- ថ្ងៃនេះ
ជំងឺមហារីកអាចព្យាបាលបាន ប្រសិនបើរកឃើញ និងព្យាបាលទាន់ពេលវេលា រាងកាយមានសុខភាពល្អជាមួយនឹង SQOL KANAZAWA

ជំងឺមហារីកអាចព្យាបាលបាន ប្រសិនបើរកឃើញ និងព្យាបាលទាន់ពេលវេលា រាងកាយមានសុខភាពល្អជាមួយនឹង SQOL KANAZAWA

ថ្ងៃសុក្រ 07/11/2025 | 19:15 ល្ងាច

ជំងឺមហារីកអាចព្យាបាលបាន ប្រសិនបើរកឃើញ និងព្យាបាលទាន់ពេលវេលា

រាងកាយមានសុខភាពល្អជាមួយនឹង SQOL KANAZAWA ។

តើអ្នកទាំងអស់គ្នាកំពុងតែមានសុខភាពល្អទាំងផ្លូវកាយ និងផ្លូវចិត្តមែនដែរទេ?

សព្វថ្ងៃនេះ មិនត្រឹមតែជំងឺមហារីកប៉ុណ្ណោះទេ នៅមានជំងឺជាច្រើនផ្សេងទៀតធ្វើឲ្យយើងទាំងអស់គ្នាមានការព្រួយបារម្ភ។ ចំពោះជំងឺទាំងអស់នេះ ការរកឃើញ និងព្យាបាលទាន់ពេលវេលាជាកត្តាដែលសំខាន់ខ្លាំងណាស់។

ដើម្បីធ្វើដូច្នេះបាន ត្រូវតែត្រួតពិនិត្យសុខភាពជាប្រចាំដោយប្រើឧបករណ៍វេជ្ជសាស្ត្រដែលមានភាពជាក់លាក់ខ្ពស់ ដើម្បីរកឃើញជំងឺមុនពេលវាក្លាយជាបញ្ហាធ្ងន់ធ្ងរ។

នៅប្រទេសជប៉ុន មានមន្ទីរពេទ្យមួយមានជំនាញខាងផ្នែកពិនិត្យសុខភាពដោយប្រើបច្ចេកវិទ្យាទំនើបបំផុត នោះគឺមន្ទីរពេទ្យ SQOL KANAZAWA ។

ដោយមានជំនាញខាងផ្នែកត្រួតពិនិត្យសុខភាព ដូច្នេះមន្ទីរពេទ្យអាចផ្តោតទៅលើការពិនិត្យ និងការធ្វើតេស្ត ដោយមិនមានការរំខានព្រោះតែករណីសង្គ្រោះបន្ទាន់ ឬកាលវិភាគព្យាបាលផ្សេងទៀតឡើយ។

នៅគ្លីនិក អ្នកនឹងទទួលបានការពិនិត្យរាងកាយយ៉ាងហ្មត់ចត់។ ប្រសិនបើរកឃើញថាចាំបាច់ត្រូវព្យាបាល យើងខ្ញុំនឹងណែនាំលោកអ្នកទៅកាន់មន្ទីរពេទ្យដែលមានកេរ្តិ៍ឈ្មោះល្អនៅប្រទេសជប៉ុន ដូច្នេះអ្នកទាំងអស់គ្នាអាចទុកចិត្តបាន។

ក្រៅពីសុខភាពផ្លូវកាយ សុខភាពផ្លូវចិត្តក៏ជាកត្តាសំខាន់មួយផងដែរ។

មិនថាយើងជានរណា ធ្វើការងារអ្វី ឬរស់នៅទីណាក៏ដោយ សម្ពាធ និងភាពតានតឹងក្នុងជីវិតជារឿងដែលមិនអាចជៀសផុតនៅក្នុងសង្គមសព្វថ្ងៃនេះ។

ភាពតានតឹងគឺជាឫសគល់នៃជំងឺជាច្រើន ដូច្នេះហើយ សុវត្ថិភាពផ្លូវចិត្តដើរតួនាទីយ៉ាងសំខាន់ចំពោះការថែរក្សាសុខភាពទូទៅ។

SQOL KANAZAWA មានទីតាំងស្ថិតនៅទីក្រុង Kanazawa ខេត្ត Ishikawa ។

ប្រសិនបើអ្នកទាំងអស់គ្នាធ្លាប់ទៅកាន់ប្រទេសជប៉ុន តើអ្នកទាំងអស់គ្នាធ្លាប់ទៅលេង Kanazawa ដែរទេ?

ក្នុងរដូវកាលនេះ Kanazawa ល្បីនឹងមុខម្ហូបក្តាមស្រស់ឆ្ងាញ់ ហើយនៅពេលដែលរដូវរងាមកដល់ នៅទីនេះត្រូវបានគ្របដណ្តប់ទៅដោយព្រិលគ្រប់ទីកន្លែង។

មិនមានមនុស្សច្រើនដូចជាទីក្រុងតូក្យូនោះទេ Kanazawa មានលក្ខណៈបុរាណ និងស្ងប់ស្ងាត់ ដែលប្រាកដជាធ្វើឲ្យអ្នកទាំងអស់គ្នាអាចបន្ធូរអារម្មណ៍។

ក្នុងខ្លឹមសារអត្តបទថ្ងៃនេះ យើងខ្ញុំសូមណែនាំដល់ប្រិយមិត្តទាំងអស់គ្នាកន្លែងដ៏ល្បីមួយនៅ Kanazawa – តំបន់ Higashi Chaya ។

ទីនេះជាកន្លែងមួយដែលនៅតែរក្សាបាននូវទេសភាពបុរាណរបស់ Kanazawa ។ នៅទីក្រុងបុរាណនេះ អ្នកទាំងអស់គ្នាអាចសាកល្បងស្លៀកឈុត kimono ដើរលេងតាមដងផ្លូវដែលក្រាលដោយថ្ម រីករាយជាមួយមុខម្ហូបក្នុងតំបន់ និងទិញឥវ៉ាន់សិប្បកម្មប្រពៃណី។

ក្រៅពីនេះ ថែមទាំងទទួលបានបទពិសោធន៍នៃស្លឹកមាស ពិធីតែ បន្ធូរអារម្មណ៍ និងបទពិសោធន៍យ៉ាងពេញលេញនៃវប្បធម៌ជប៉ុន។