Hello Kitty – ការរួមបញ្ចូលដ៏ល្អឥតខ្ចោះ

Hello Kitty – ការរួមបញ្ចូលដ៏ល្អឥតខ្ចោះ។

ខ្ញុំជឿថា ប្រិយមិត្តអ្នកអានទាំងអស់គ្នា ជាពិសេសមិត្តនារីដែលនៅក្មេងប្រាកដជាចូលចិត្តតុក្កតា Hello Kitty មែន​ទេ?

ស្រដៀងនឹងតួអង្គក្នុងពិភព Disney ផ្សេងទៀតដែរ Hello Kitty គឺជាតួអង្គប្រឌិតដែលទទួលបានការស្រលាញ់ចូលចិត្តនៅទូទាំងពិភពលោក។ ប៉ុន្តែមានចំណុចមួយបង្ហាញថាតួអង្គនេះខុស​ពី​តួអង្គ​ផ្សេង​ទៀត នោះ​គឺ Hello Kitty អាច​រួម​បញ្ចូល​ជា​មួយនឹង​​តួអង្គ​​ទាំង​អស់។​

រហូតមកដល់ពេលនេះ តួអង្គ Hello Kitty ធ្លាប់មានការរួមបញ្ចូលដ៏ពិសេស ក្នុងនោះមានករណីមួយ​ចំនួន​ធ្វើឲ្យអ្នក​គាំទ្រ​មាន​ការ​ភ្ញាក់​ផ្អើល។ អ្វីដែលពិសេស គម្រោងសហការទាំងអស់សុទ្ធតែជាគម្រោងដែលត្រូវបានអនុញ្ញាតជាផ្លូវការ។

ចូរយើងក្រឡេកមកមើលការសហការដ៏គួរឲ្យចាប់អារម្មណ៍របស់តួអង្គ Hello Kitty ជាមួយនឹង JAPO តាម​រយៈ​ខ្លឹម​សារ​អត្តបទ​ខាង​ក្រោម។

ការរួមបញ្ចូលគ្នាជាមួយនឹង Gundam

ជាការសហការដែលមិនអាចនឹកស្មានជាមួយនឹង Gundam – ក៏ជាតំណាងដ៏លេចធ្លោរបស់ប្រទេស​ជប៉ុន​ផង​ដែរ។

តួអង្គមនុស្សយន្ត និង​កូន​ឆ្មា​ដ៏​គួរ​ឲ្យស្រលាញ់ តើ​តួអង្គ​ទាំង​ពីរ​អាច​នឹង​សហការគ្នា​ប្រយុទ្ធ​ដែរទេ?

ការរួមបញ្ចូលគ្នាជាមួយនឹង X JAPAN

ការសហការជាមួយក្រុមតន្រ្តីចម្រៀងរ៉ុកជប៉ុនដ៏ល្បីល្បាញ។

តួអង្គ Hello Kitty ស្ទីលបទចម្រៀងរ៉ុក? ប្រៀបដូចជារឿងកំប្លែង។

ការរួមបញ្ចូលគ្នាជាមួយនឹង Hatsune Miku

តារា​ចម្រៀង​និម្មិត​រូប​នេះល្បីឈ្មោះខ្លាំងណាស់ អ្នកអាចនឹងមើល​ឃើញ​ការ cosplay របស់​នាងនៅ​គ្រប់​ទី​កន្លែង។

ហើយឥឡូវនេះ Hello Kitty ក៏កំពុង “ច្រៀង” ជាមួយ Miku ផងដែរ។

តើតួអង្គ Hello Kitty ក្លាយជាតាចាស់ យាយចាស់ហើយមែនទេ?

ទម្រង់ Hello Kitty មើលទៅចាស់ជ្រីវជ្រួញដែលមិននឹកស្មានដល់។

ការរួមបញ្ចូលគ្នាជាមួយនឹង EVANGELION

គឺជារឿងគំនូរជីវចលដែលស្ទើរតែគ្រប់គ្នាសុទ្ធតែស្គាល់។

Hello Kitty ចូលទៅកាន់ពិភពដ៏ងងឹតនៃ Evangelion – មើល​ទៅ​ក៏​សម​ម្យ៉ាង​ដែរ។

ការរួមបញ្ចូលគ្នាជាមួយនឹង Marimo

Marimo គឺជាសារាយរាងមូលនៅក្នុងបឹងមួយចំនួននៅកោះ Hokkaido ។

ជាមួយនឹងទម្រង់តួអង្គ Hello Kitty… មុខពណ៌បៃតងដូចជា​ខ្មោច​មែន​ទេ?

ប្រហែលជាមានតែតួអង្គ Kitty ប៉ុណ្ណោះ ដែលលេងដល់កម្រិតនេះ។

អាចនិយាយបានថា ក្នុងចំណោមតួអង្គទាំងអស់របស់ Disney តួអង្គ Hello Kitty ជាតួអង្គដែលកម្រ​រក​បាន។

ជាមួយនឹងការរួមបញ្ចូល “ដ៏អស្ចារ្យ” មិនកំណត់តាមស្តង់ដារអ្វីទាំងអស់ Hello Kitty បង្ហាញឲ្យឃើញ​ពី​ភាព​ទាក់​ទាញ​យ៉ាង​ពិសេស។

ដោយផ្អែកលើស្មារតីសហការរបស់ក្រុមហ៊ុន Sanrio ជាម្ចាស់របស់ Hello Kitty ទើបតួអង្គនេះអាច​ឈាន​ដល់​កម្រិត​បែប​នេះ ហើយ​បង្កើន​ផល​ចំណេញ​អាជីវកម្ម។

ក្រៅពីនេះ នៅមានចំណុចដ៏គួរឲ្យចាប់អារម្មណ៍មួយទៀតត្រង់ថា Hello Kitty មិនមានមាត់ទេ។

ចំណុចនេះមិនមែនដោយសារតែគេភ្លេចបន្ថែមមាត់ក្នុងការរចនានោះទេ ប៉ុន្តែបង្កប់អត្តន័យពិសេស​នោះ​គឺ៖

“និយាយនរណាក៏និយាយបាន អ្វីដែលសំខាន់គឺសកម្មភាព។”

ក្រៅពី Hello Kitty ក្នុងពិភពរបស់ Sanrio នៅមានតួអង្គជាច្រើនផ្សេងទៀត ដែលពោរពេញទៅដោយក្តីស្រលាញ់ និងចំណុច​ល្អៗ។ JAPO នឹង​​បន្ត​​ចែក​​រំលែក​ប្រាប់​​អ្នក​​ទាំង​​អស់​​គ្នា​​ក្នុង​អត្តបទ​លើក​​ក្រោយ។

Abe Kengo