ពាក្យជប៉ុនមួយចំនួនដែលគួរតែចៀសវាងក្នុងការប្រើ

ថ្ងៃព្រហស្បតិ៍ 24/04/2025 | 20:13 ល្ងាច

ពាក្យជប៉ុនមួយចំនួនដែលគួរតែចៀសវាងក្នុងការប្រើ។

ខ្លឹមសារអត្តបទថ្ងៃនេះខ្ញុំសូមផ្ញើជូនជាពិសេសសម្រាប់ប្រិយមិត្តដែលស្រលាញ់ចូលចិត្ត និងកំពុងរៀនភាសាជប៉ុន។

សម្រាប់អ្នកដែលស្រលាញ់ចូលចិត្តភាសាជប៉ុន យើងទាំងអស់គ្នាប្រាកដជាធ្លាប់គិតថា ខ្លួននឹងរៀនពាក្យថ្មីៗបន្ថែមទៀត ហើយប្រើប្រាស់ពាក្យទាំងនោះឲ្យបានល្អបំផុត ដោយមិនត្រឹមតែក្រេបយកចំណេះដឹងដែលយើងបានរៀននៅសាលាប៉ុណ្ណោះទេ។

ក្នុងអត្តបទនេះ ខ្ញុំនឹងលើកយកពាក្យមួយចំនួនដែលជាក់ស្តែងស្តាប់ទៅមិនពីរោះនោះទេពេលប្រើ ចូរយើងតាមដានទាំងអស់គ្នា។

នៅប្រទេសជប៉ុន ជំនាញនីមួយៗសុទ្ធតែមានពាក្យបច្ចេកទេសដោយឡែក។

នេះជារបៀបប្រើដែលពេញនិយម ជាពិសេសក្នុងវិស័យឧស្សាហកម្មចាស់ ពិតជាល្អណាស់ ប្រសិនបើយើងអាចប្រើពាក្យទាំងនោះបានយ៉ាងស្ទាត់ជំនាញមែនទេ?

យ៉ាងណាមិញ គ្រាន់តែខុសត្រឹមចំណុចតូចមួយនៅពេលដែលប្រើប្រាស់ពាក្យទាំងនោះ ក៏អាចនឹងធ្វើឲ្យការប្រាស្រ័យទាក់ទងរបស់យើងស្តាប់ទៅឆ្គងដែរ ដូច្នេះសូមប្រយ័ត្ន។

លើកនេះយើងនឹងក្រឡេកមើលពី “របៀបប្រើពាក្យបច្ចេកទេសដែលមិនសូវល្អ” ក្រោមទស្សនៈរបស់បុគ្គលិកភោជនីយដ្ឋានស៊ូស៊ី។

ម្យ៉ាងវិញទៀត ប្រជាជនជប៉ុនជាច្រើនក៏ប្រើពាក្យទាំងនេះមិនត្រឹមត្រូវដែរ ដូច្នេះហើយ អ្នកទាំងអស់គ្នាអាចសើចក្នុងចិត្តបន្តិចនៅពេលដែលស្តាប់ឮពាក្យទាំងនោះ។

あがり

នៅភោជនីយដ្ឋានស៊ូស៊ី មានមនុស្សមួយចំនួនហៅតែថា “あがり” ។

តាមពិតទៅ ពាក្យនេះពិតជាសំដៅលើតែពិតមែន ប៉ុន្តែប្រើសម្រាប់សំដៅលើប្រភេទតែដែលផឹកនៅពេលបរិភោគហើយប៉ុណ្ណោះ។

ប្រសិនបើទើបតែដើរចូលហាង អង្គុយចុះ ហើយស្រាប់តែប្រញាប់ប្រញាល់ហៅ “あがり、ください!” គឺមិនស័ក្តិសមនោះទេ ហើយខ្ញុំខ្លាចថា បុគ្គលិកដែលបម្រើការក្នុងហាងកំពុងសើចក្នុងចិត្ត។

ដូច្នេះប្រសិនបើអ្នកចង់ហៅតែមួយពែង អ្នកទាំងអស់គ្នាគ្រាន់តែហៅថា “お茶をください！” ។

おあいそ

មានមនុស្សមួយចំនួនប្រើប្រយោគ “おあいそ、おねがいします！” នៅពេលដែលទូទាត់ ហើយចាកចេញ។

ប៉ុន្តែតាមពិតទៅរបៀបប្រើនេះពិតជាចម្លែកខ្លាំងណាស់។

ដើមឡើយ នេះជាពាក្យបច្ចេកទេសដែលភាគីហាងប្រើប្រៀបដូចជាការណែនាំដោយមានន័យថា៖

“ភ្ញៀវដើរចេញ សូមបង្ហាញពីភាពរាក់ទាក់” ។

ដូច្នេះហើយ ប្រសិនបើភ្ញៀវដើរចេញបែរជាប្រើពាក្យនេះប្រៀបដូចជាកំពុងប្រាប់បុគ្គលិកក្នុងហាងថា “សូមរួសរាយរាក់ទាក់ និងស្វាគមន៍ភ្ញៀវ” ដោយប្រៀបដូចជាចង់និយាយថា នេះជាហាងដែលមិនមានភាពរាក់ទាក់ មិនស្វាគមន៍ភ្ញៀវ។

ទោះជាយ៉ាងណា ស្តាប់ទៅមិនល្អនោះទេ ដូច្នេះសូមអ្នកទាំងអស់គ្នាឈប់ប្រើរបៀបនិយាយដូចនេះទៅ។

ដើម្បីរំលឹកដល់បុគ្គលិកឲ្យបង្ហាញពីអារម្មណ៍អរគុណចំពោះភ្ញៀវ យើងអាចប្រើរបៀបនិយាយថា “お感情、お願いします！” ។

បន្ទាប់មកទៀត ខ្ញុំនឹងណែនាំអ្នកទាំងអស់គ្នាពាក្យល្អៗ និងទាន់សម័យមួយចំនួន។

むらさき

នេះជាពាក្យដែលប្រើពេលនិយាយពីទឹកស៊ីអុីវ។

ជាទូទៅទឹកសុីអុីវត្រូវបានគេចាត់ទុកថាមានពណ៌ខ្មៅ ប៉ុន្តែបើសិនជាទឹកសុីអុីវស្រស់ឆ្ងាញ់មានពណ៌ស្វាយចាស់។

ចំណុចនេះផ្តើមចេញពីពណ៌ស្វាយត្រូវបានគេចាត់ទុកជាពណ៌ដែលថ្លៃថ្នូក្នុងវប្បធម៌ចិន។

ぎょく

ប្រើសម្រាប់និយាយពីស៊ុត។

ពិតជាពិសេសណាស់ ប្រសិនបើអ្នកហៅមុខម្ហូបស៊ុតដោយប្រើរបៀបនិយាយថា “ぎょく、１つ!” ។

なみだ

ប្រើសម្រាប់និយាយពី wasabi ។