Senpai ពាក្យ​ដែល​អ្នក​គួ​រតែ​ដឹង​ – ហេតុ​អ្វី​ទំនាក់​ទំនងរវាង​ពាក្យ Senpai-Kouhai ពិសេស​បែបនេះ?

ប្រសិន​បើ​អ្នក​ធ្លាប់​មើល​រឿង Anime – Manga អ្នក​ប្រាកដជា​មិន​ចម្លែកជាមួយ​ទំនាក់​ទំនងរវាងពាក្យ Senpai-Kouhai (សិស្ស​ច្បង​ និង​សិស្ស​ប្អូន​) នៅ​ក្នុង​សង្គម​ជប៉ុន។ នេះជាផ្នែកមួយនៃសង្គមដែលបែង​ចែក​ឋានៈរបស់ប្រទេសជប៉ុន ទោះជាយ៉ាងណានៅតែមានការយល់ច្រឡំជាច្រើនជុំវិញគំនិតនេះ។

Kouhai ជា​សិស្ស​ប្អូន មិនមានកាតព្វកិច្ចធ្វើអ្វីដែល Senpai ចង់បាន​ទេ។ តាមការពិតមានច្បាប់មិនផ្លូវ​ការ​ដើម្បីជៀសវាងការគំរាមកំហែងរបស់​ Senpai ទៅ​លើ Kouhai។ ដោយសារតែតួ​នាទី​របស់ Senpai គឺបង្ហាត់​បង្រៀន​ ណែនាំ Kouhai ទាំងនៅ​សាលា និង​កន្លែង​ធ្វើ​ការ -ល-ជំនួស​អោយ Sensei (គ្រូ) ឬ​ថ្នាក់​លើ។

Senpai មិន​មែន​ជា​ថ្នាក់​លើ។

រឿងមួយចំនួន Senpai បង្រៀន​អ្នក​គួរ​តែ​ស្តាប់តាម​ ប៉ុន្តែ​ពេល​ខ្លះវា​ផ្ទុយ​ទៅនឹង​បំ​ណង​របស់​ថ្នាក់​លើ។ ដូច្នេះនេះជាពេលដែលអ្នកត្រូវប្រុង​ប្រយ័ត្នគួរ​ស្តាប់​តាម​ Senpai របស់​ខ្លួន​ដែរឬទេ? និយាយ​ម្យ៉ាង​ទៀតអ្នក​គោរព​​ទទួល​យក​អ្វីដែល Senpai បង្រៀន​អ្នក​ ប៉ុន្តែ​ត្រូ​វ​មាន​គោល​ជំហររបស់​ខ្លួន ហើយគិត​ថាវាជាដំបូន្មានប្រសើរជាងជា​បញ្ជា។ ពី​ព្រោះ​ការ​ផ្តល់​ដំបូន្មាន​អាច​ស្តាប់​តាម​ឬមិន​ស្តាប់​តាម ចំណែកការ​បញ្ជា​ត្រូវ​ធ្វើ​តាម​ទោះ​បី​ចង់​ឬមិន​ចង់។

Senpai និង Kouhai

ជា​រឿង​ធម្ម​តាពេល Senpai ចេញ​លុយ​រាល់​ពេល​ណាត់​ជួប ស៊ីផឹក​ជាមួយ Kouhai។ ពេល​អ្នក​ធ្វើ​ការ​រយៈពេល​យូរ អ្នកនឹងទទួលបានប្រាក់ខែ​​ច្រើ​នជាង ជាការពិតណាស់អ្នកត្រូវតែជាអ្នក​ចេញលុយនៅក្នុង​ពិធី​ជប់​លៀងដែល​មាន​ថ្នាក់​ក្រោម​ចូល​រួម។ ប៉ុន្តែ​សម្រាប់ Kouhai មាន​អ្នក​សង​លុយ​ជំនួស​ ថែម​ទាំង​ទទួ​លបាន​ដំ​បូ​ន្មាន​ដែល​មាន​ប្រយោជន៍ នេះ​ប្រហែល​ជាទម្លាប់​​ធ្វើ​អោយ​អ្នក​ស្រឡាំងកាំង​។ ដូច្នេះក្នុង​ឱកាស​នេះញញឹម​អោយស្រស់ហើយ​ឆ្លើយទៅ​វិញថា “អរគុណ​សម្រាប់​ពិធី​ជប់​លៀង។ លើក​ក្រោយ​ខ្ញុំ​សូម​អនុញ្ញាត​ចេញ​ប្រាក់​ម្តង”។

ករណី Kouhai អាយុ​ច្រើន​ជាង Senpai

ប្រជាជនជប៉ុនតែងតែគោរពអ្នកដទៃផ្អែកលើអាយុ និងបទ​ពិសោធជីវិត ប៉ុន្តែ​នៅ​ក្នុង​ករណីបទ​ពិសោធ​ការងារ និង​អាយុមិន​ស្រប​គ្នា​តើ​នឹង​ធ្វើ​យ៉ាងណា?

ករណី​ Kouhai អាយុ​ច្រើន​ជាងមិន​កម្រទេ​នៅ​ប្រទេសជប៉ុនទេ។ តួ​នាទីរបស់ Senpai គឺណែនាំ Kouhai នេះគឺជាគោលការណ៍ “មិន​ផ្លាស់​ប្តូរ” ប៉ុន្តែ​ត្រូវ​ប្រើ Keigo (កិត្តិយស) នៅ​ក្នុង​ដំណាក់​កាល​ផ្ទេរបទ​ពិសោធ ណែនាំអោយ Kouhai ដែល​អាយុច្រើន​ជាង។

ក្នុងពេលជាមួយគ្នាក្នុងករណីនេះពាក្យ Senpai ត្រូវ​ប្រើ​អោយ​​សមរម្យ​។ ចង់​អោយ​ Kouhai ធ្វើ​អ្វី​ម្យ៉ាង​ អ្នក​អា​ច​ប្រើ​របៀប​និយាយ​ថា “ប្រសិនបើធ្វើដូចនេះនឹងមានលទ្ធផលល្អជាង​” បង្កើត​បរិយាកាស​ការងារ​ចុះ​សម្រុង​គ្នា​ជាការ​ចាំបាច់របស់ Senpai ដែរ។

ម្យ៉ាង​ទៀត Senpai ជាមនុស្ស​មាន​បទពិសោធ ជំនាញ ប៉ុន្តែ​មិន​មែន​ជា​ចៅ​ហ្វាយ​ទេ។ ពួកគេ​គ្មាន​អំណាច​ធ្វើ​អោយ​បុគ្គលិក​ថ្មី​ខ្លាច​ដូចជា​ចៅ​ហ្វាយ​ ដូច្នេះពួកគេមានតួនាទីផ្សារភ្ជាប់ បណ្តុះ​បណ្តាល និងធ្វើអោយបុគ្គលិកថ្មីមានអារម្មណ៍ល្អ​ជាមួយបរិយាកាសការងារ។

ដោយ​សារតែ​ទំនាក់​ទំនង​មាន​ទាំង​ការ​គោរព និង​ភាព​ស្និត​ស្នាលរវាង Senpai និង Kouhai ធ្វើ​អោយ​មាន​អារម្មណ៍​ថា​រ៉ូ​ម៉ែន​ទិចជា​ប្រភព​នៃ​​គំនិត​និពន្ធ​រឿង​ Manga, Anime។

មាន​អ្វី​ល្អ​ជាង​សម្រាប់​នារី​ម្នាក់ពេល​ចូលធ្វើ​ការ​លើក​ដំ​បូង​ក្នុង​ក្រុម​ហ៊ុនជួប​បុរស Senpai សង្ហា និង​ចិត្ត​ល្អ។ ប៉ុន្តែ​គួរ​អោយ​សោក​ស្តាយ​មិនត្រឹម​តែ​នាង​ បុរស​ម្នាក់​នេះ​មាន​រាប់​រយ​ Kouhai កំពុង​រង់​ចាំសម្រាប់​ណែនាំ។

ធ្វើយ៉ាង​​អោយ Senpai ចាប់​អារម្មណ៍ ខាង​ក្រោម​នេះ​ជា​គន្លឹះ​សម្រាប់​អ្នក​៖

១. ប្រាប់​ពី​ការ​លំ​បាក​ដោយ​ស្មោះ​ត្រង់

​គោលការណ៍ទីមួយ៖ កុំលាក់ភាពល្ងង់ខ្លៅ។ ទោះ​បី​នៅ​ក្នុង​សាលា​រៀន​ ឬ​ពេល​ទៅ​ធ្វើ​ការ កុំ​ភ្លេច​ថា Senpai នៅ​ទី​នោះ​ដើម្បី​ជួយ​អ្នក​។ ជជែកគ្នា​គឺជាវិធីលឿនបំផុតដើម្បីធ្វើ​អោយ​គេ​ចាប់​អារម្មណ៍។ មាន​ Kouhai ជាច្រើន​ខ្លាច​ Senpai មិន​ហ៊ាន​និយាយ​ជាមួយ​គេ។ ភាព​ទើស​ទាល់មិន​ល្អ​ចំពោះ​ទំនាក់​ទំនង​របស់អ្នកទេ​។

២. គោរពប្រតិបត្តិ និងស្តាប់បង្គាប់

រូបភាព Know your Meme

ទោះ​បី​ទំនាក់​ទំនង​នេះ​ស្និត​ស្នាល ជួយគ្នាទៅ​វិញ​ទៅ​មក ​ប៉ុន្តែអ្នកនៅតែដាក់ខ្លួនឯងនៅក្នុងស្ថាន​ភាពជា​មនុស្សដែលអ្នកកំពុងរៀនអ្វី​ដែល​ថ្មី ហេតុនេះត្រូវ​សម្តែង​ការ​គោរព។ Senpai តែងតែព្យាយាមបង្រៀនចំណេះដឹង បទ​ពិសោធសម្រាប់​អ្នក​ ហើយផ្ទុយទៅវិញអ្នក​គួរ​តែ​សហការ និង​ស្តាប់​តាម។

កុំ​បង្ហាញ​ថា “ខ្លួន​ចេះ​គ្រប់យ៉ាង” ទាស់​ចិត្ត​គេ ទោះ​បី​អ្នក​ដឹង​មុន​អ្វី​ដែល​គេ​បង្រៀន​​។ រយៈពេល​បណ្តុះ​បណ្តាល​រៀន​សូត្រមិន​មែន​ត្រឹមតែជាសមត្ថភាព​​ទទួល​យកប៉ុន្តែក៏ឆ្លុះបញ្ចាំងតាមរយៈឥរិយាបថដែរ។

៣. ក្លាយទៅ​ជាជំនួយការ​​ល្អរបស់​ Senpai

ប្រសិន​បើ​អ្នក​ស្និត​ស្នាល​ជាមួយ Senpai មិន​ត្រឹម​តែ​ស្តាប់​អ្វី​ដែល Senpai បង្ហាត់​បង្រៀន។ ជម្រុញអោយ Senpai និយាយចេញសេចក្តីប្រាថ្នារបស់ពួកគេ។

​ពេល​នោះប្រសិនបើអ្នកអាចជួយ Senpai សម្រេច​អ្វី​ដែល​គេ​ចង់​បាន ​វា​ជាវិធី​ល្អ​បង្កើត​ការ​ចាប់​អារម្មណ៍ជាមួយ Senpai ​និងបណ្តុះបណ្តាលខ្លួនផងដែរ។

សង្ឃឹមថាដំបូន្មានទាំង​នេះអាច​បង្កើនទំនាក់ទំនងល្អ​រវាង Senpai-Kouhai របស់​អ្នក​នៅ​ក្នុង​សង្គម​ជាក់​ស្តែង​។

Sachiko

មើលបន្ថែម: