វិធីប្រកបអក្សរ Katakana ដើម្បីអោយងាយអាន

ថ្ងៃព្រហស្បតិ៍ 28/02/2019 | 13:03 ល្ងាច

ប្រជាជនជប៉ុនមិនសូវពូកែភាសាបរទេសនោះទេ ដោយសារពេលដែលទម្លាប់នឹងការបញ្ចេញសម្លេងភាសាជប៉ុន ពិតជាពិបាកបញ្ចេញសម្លេងភាសាផ្សេងទៀតណាស់។ នេះជាមូលហេតុដែលគេប្រើអក្សរ Katakana ដើម្បីប្រកបអក្សរកម្ចីបរទេស។ ទោះជាយ៉ាងណា គោលបំណងនៃការប្រកបអក្សរដើម្បីអោយងាយអាន ប៉ុន្តែពេលខ្លះមានពាក្យមួយចំនួន ក្រោយពេលប្រកប ប្រសិននិយាយតាមន័យភាសាជប៉ុនអាចចេញជាន័យផ្សេង។

Erromango ជាឈ្មោះកោះមួយនៃប្រទេស Vanuatu ។ តាមការប្រកបភាសាជប៉ុនក្លាយជា エロマンガ (eromanga)។ Ero-manga គឺជាប្រភេទរឿងមនុស្សធំនៅប្រទេសជប៉ុន ហេតុនេះហើយមានសិស្សជាច្រើនភ្ញាក់ផ្អើលពេលដែលឃើញឈ្មោះកោះនេះនៅក្នុងសៀវភៅភូមិសាស្រ្ត។

រូបភាព http://blog.seganaleqa.com/vanuatu4/

Scheveningen

រូបភាព https://ankyo.net/chinmei/scheve/2010/scheve2010.html

នេះជាឈ្មោះខេត្តមួយជិតឆ្នេរសមុទ្ររបស់ប្រទេសហូឡង់។ Scheveningen ត្រូវបានប្រកបជាភាសាជប៉ុនក្លាយជា スケベニンゲン (sukebeningen) ឬ sukebe-ningen មានន័យថាមនុស្សទន់ភ្លន់ម្នាក់។

Kintamani

រូបភាព https://www.travelbook.co.jp/topic/34962

ប្រសិនបើអ្នកចូលចិត្តធ្វើដំណើរកម្សាន្តទៅដល់កន្លែងថ្មី ហើយចង់ផ្សងព្រេង ប្រាកដជាមិនចម្លែកជាមួយនឹងឈ្មោះ Kintamani កន្លែងមានបន្ទុះភ្នំភ្លើងនៅ Bali, Indonesia នោះទេ។

ប៉ុន្តែនៅពេលដែលប្រកបទៅជា Katakana ឈ្មោះនេះស្តាប់ទៅកាន់តែចម្លែកគឺ キンタマーニ (kintamaani) មានន័យថា ដែនដីមាស ឬន័យផ្សេងមួយទៀតគឺពងស្វាសរបស់បុរស។

Ahoyanen

រូបភាព https://www.travelbook.co.jp/topic/34962

នេះជាឈ្មោះរបស់ជនជាតិហ្វាំងឡង់ម្នាក់។ តាមសម្លេង Kansai, Ahoyanen មានន័យថាអាល្ងង់។

ហាក់ដូចជានៅប្រទេសហ្វាំងឡង់មិនមែនមានតែមនុស្សម្នាក់មានឈ្មោះនេះទេ។ មានគ្រួសារមួយមានត្រកូល Aho។

រូបភាព https://matome.naver.jp/odai/2138567846732626901

ពិតជាពិបាកសម្រាប់ជនជាតិជប៉ុនពេលដែលអានឈ្មោះរបស់ជនជាតិហ្វាំងឡង់ ហើយមិនសើចណាស់។ ជាមួយនឹងត្រកូល Aho នូវមានអ្នកមានឈ្មោះ Amine Ashikainen (បកជាភាសាជប៉ុនគឺជើងរបស់បងរមាស់ទេ?)