ស្រួលតែពិបាកក្នុងការបែងចែក Gomen nasai និង Sumimasen

ថ្ងៃព្រហស្បតិ៍ 23/08/2018 | 13:04 ល្ងាច

នៅក្នុងអត្តបទមួយ Japo បានណែនាំទៅដល់លោកអ្នកនូវ វិធីសាស្រ្តនិយាយពាក្យសូមទោសដែលនិយមនៅក្នុងជីវភាពជនជាតិជប៉ុន (សូមមើលនៅទីនេះ)។ ហើយក្នុងចំណោមជាង ២០ វិធីនោះ Sumimasen និង Gomen nasai គឺជាវិធីនិយាយដែលនិយមបំផុត ដោយសារអ្នករៀនភាសាជប៉ុនគ្រប់កម្រិតសុទ្ធតែត្រូវរៀន។

រូបភាព : http://nihongo-box.com/243/

ការសម្តែងនូវអារម្មណ៍សោកស្តាយនៃអ្នកនិយាយទៅកាន់អ្នកដែលស្តាប់ប៉ុន្តែអ្វីជាចំនុចមូលដ្ឋានដែលខុសគ្នា? ហើយស្ថានភាពប្រើប្រាស់ចែកជាយ៉ាងណា?

នោះគឺជាសំណួរដែលមិនងាយស្រួល រហូតដល់ជនជាតិជប៉ុនជាច្រើនក៍មិនអាចបែងចែកបាន។

ហេតុនេះក្នុងកម្មវិធី TV មានឈ្មោះ “ចំនុចខុសគ្នាគឺអ្វី?” (ភាសាជប៉ុន) អ្នកភាសាវិទូម្នាក់បានដោះស្រាយយ៉ាងងាយស្រួល សំណួរនេះដោយវិធីវិភាគ Kanji។

រូបភាព : http://datenshiecd.blogspot.com

Gomen nasai

Go ៖ វិធីនិយាយដោយការគោរព

yurushinasai៖ លើកលែងអោយខ្ញុំ (អាចជាបញ្ជា)

អត្តន័យ៖ សូមទោសគឺជាការស្រេចដូច្នេះយើងអាចបញ្ចប់បាន

ករណីដែលប្រើ៖ នៅពេលដែលអ្នកចង់បញ្ចប់ការសន្ទនា ហើយអ្នកដែលត្រូវបានគេសូមទោសក៍មិនចាប់កំហុសអ្វីបន្ថែម។

ឧទាហរណ៍៖

អ្នកប្រញាប់ប្រញាល់រថទៅកន្លែងធ្វើការ ហើយចៃដន្យប៉ះចំអ្នកដែលដើរផ្លូវបញ្ជ្រាសជាមួយអ្នក។ អ្នកងាកមកវិញហើយសួរ៖

“បងស្រីមានកើតអីទេ?”

“ខ្ញុំមិនអីទេ” – អ្នកដែលត្រូវគេប៉ះឆ្លើយ

“ដូចនេះអ្នកអាចបញ្ចប់ដោយពាក្យសូមទោស” ៖ “Gomen nasai” ហើយបន្តធ្វើដំណើរ។

បន្ថែមពីនេះ Gomen គឺជាវិធីនិយាយកាត់របស់ Gomen nasai ភាពធ្ងន់ធ្ងរក៍មិនសូវជាមានប៉ុន្មានហេតុនេះគ្រាន់តែប្រើសម្រាប់មនុស្សដែលស្គាល់គ្នា ឬក៍អ្នកនៅក្នុងក្រុមគ្រួសារ។

រូបភាព : http://yossense.com/sumimasen/

Sumimasen (済みません)

済む(sumu) : បញ្ចប់

済みません＝終わりません(owarimasen) : មិនបញ្ចប់

អត្តន័យ៖ មិនអាចបញ្ចប់នៅទីនេះ បន្ទាប់មកនឹងបន្តសកម្មភាព

ករណីដែលប្រើ៖ ពេលអ្នកដែលមានកំហុសសម្តែងនូវអារម្មណ៍ ចង់ជួយ ឬក៍ផ្តល់សំណងទៅអោយអ្នកដែលរងគ្រោះ/អ្នកដែលបានសូមទោស។

ឧទាហរណ៍៖

អ្នកប្រញាប់ប្រញាល់រត់ទៅកន្លែងធ្វើការ ហើយចៃដន្យប៉ះចំអ្នកដែលដើរផ្លូវបញ្ជ្រាសជាមួយអ្នក។ អ្នកងាកមកវិញហើយសួរ៖

“បងស្រីមានកើតអីទេ?”

“គ្មានអ្វីទើបចម្លែក បែកពងមាន់អស់ហើយ” – អ្នកដែលត្រូវប៉ះបានឆ្លើយ។

ពេលនេះ ដោយសារតែមានការខូចខាតហេតុនេះអ្នកមិនអាច បញ្ចប់ការសន្ទនាហើយចាកចេញទៅប៉ុន្តែអ្នកត្រូវសួរពីលុយដែលត្រូវសង… នៅពេលនេះកុំភ្លេចពាក្យ “Sumimasen”។

កំណត់សម្គាល់៖

មនុស្សប្រុសថែមទាំងប្រើ “Suman” ជំនួសអោយ Sumimasen ពេលដែលជាមនុស្សស្គាល់គ្នា។
Suimasen គឺជាពាក្យរបស់ Sumimasen។
Sumimasen (Suimasen) គឺវាស្មើនឹង “Excuse me – សូមទោសអោយខ្ញុំសុំសួរ…” ដើម្បីចាប់ផ្តើការសន្ទនា។

រូបភាព : http://www.oishikerya.com/entry

ជាពិសេស ក្រៅពីវិធីនិយាយសូមទោសទាំងពីរខាងលើ។ នៅមានវិធីនិយាយសម្តែងអារម្មណ៍ដឹងពីកំហុសខ្លាំង។ នោះគឺ៖

Moushiwake arimasen (申し訳ありません)

申す(Mousu) ៖ និយាយ

申し訳ありません: ខ្ញុំមិនមានអ្វីត្រូវនិយាយ

អត្តន័យ៖ ទទួលស្គាល់កុំហុសគឺជារបស់ខ្លួន ប៉ុន្តែមិនមានវិធីណាដើម្បីដោះស្រាយបញ្ហានេះ។

ឧទាហរណ៍៖

“បងស្រីមានកើតអីទេ?”

ម្នាក់នោះមិននិយាយអ្វីតែបែរទៅមើលជំុវិញ។ តាមពិតគាត់កំពុងរកចិញ្ចៀនរៀបការ។

ក្នុងស្ថានភាពនេះចិញ្ចៀនរៀបការគឺជាវត្ថុដែលគ្មានអ្វីអាចជំនួសបាន។ កំហុសទាំងអស់ស្ថិតនៅលើអ្នក ហើយអ្នកក៍មិនដឹងថាត្រូវធ្វើយ៉ាងណាដើម្បីស្រោចស្រង់កំហុសក៍ដូចជាបកស្រាយដែរ។ អ្នកនិយាយ “Moushiwake arimasen”!

ក្រៅពីនេះ Moushiwake arimasen តែងតែត្រូវបានប្រើនៅក្នុង Email ឬក៍ទំនាក់ទំនងនៅក្នុងក្រុមហ៊ុន។