ប្រជាជនជប៉ុនជាមនុស្សដែលគោរពពេលវេលា

ថ្ងៃសៅរ៍ 16/03/2019 | 13:03 ល្ងាច

ជនជាតិជប៉ុនជាមនុស្សដែលគោរពពេលវេលា មិនចូលចិត្តទៅយឺត។ ប្រសិនបើអ្នកកំពុងធ្វើការនៅក្នុងក្រុមហ៊ុនជប៉ុន ឬធ្វើការក្នុងក្រុមហ៊ុនជប៉ុននៅកម្ពុជា សូមគោរពពេលវេលា។

ការដែលទុកឲ្យនរណាម្នាក់រង់ចាំអ្នកពិតជាមិនល្អនោះទេ ជាពិសេសចំពោះថ្នាក់លើ និងអតិថិជនរបស់អ្នកដាច់ខាតមិនអាចយឺតពេលបានទេ។

តើត្រូវធ្វើយ៉ាងណាដើម្បីកុំអោយយឺតពេល? រៀបចំកាលវិភាគធ្វើយ៉ាងណាអោយខ្លួនអាចទៅដល់កន្លែងណាត់ជួបមុនម៉ោង។ អំឡុងពេលដែលសមស្របសម្រាប់វប្បធម៌ជប៉ុនគឺមុន ៥ នាទី។

ពីកន្លែងចេញដំណើរទៅដល់កន្លែងណាត់ជួប ធ្វើដំណើរដោយរថភ្លើងចំណាយរយៈពេល ២០ នាទី ឧទាហរណ៍ណាត់ជួបនៅម៉ោង ៩ៈ៣០ នាទីព្រឹក នោះប្រជាជនជប៉ុននឹងចាប់ផ្តើមចេញដំណើរម៉ោង ៩ៈ០០ ដើម្បីជៀសវាងមានករណីណាមួយកើតឡើងតាមផ្លូវ។ នេះជាគំនិតរបស់ប្រជាជនជប៉ុន។

ប៉ុន្តែប្រសិនបើមកមុនម៉ោងនឹងទៅជាយ៉ាងណា?

តាមការពិតប្រសិនអ្នកទៅដល់មុន ១៥ នាទី ហើយអ្នកចូលទៅការិយាល័យរង់ចាំធ្វើអោយមានការរំខានទាំងសងខាង។

ដោយសារភាគីណាត់ជួបរវល់ធ្វើការ ហេតុនេះគេមិនអាចជួបអ្នកមុនម៉ោងនោះទេ។

ហេតុដូច្នេះអ្នកមិនគួរទៅមុនម៉ោងបែបនេះទេ។

ពេលវេលាសាកសមសម្រាប់អ្នកចូលការិយាល័យដែលណាត់គឺមុន ៥ នាទី។

រថភ្លើងនៅប្រទេសជប៉ុនធ្វើដំណើរត្រឹមត្រូវតាមពេលវេលាណាស់។ ប្រសិនបើអ្នកជិះរថភ្លើងទៅជួបដៃគូរសហការយឺតគឺមិនអាចយកលេះបានទេ។

ប៉ុន្តែបើអ្នកបើកបរដោយរថយន្តផ្ទាល់ខ្លួនទៅជួបអតិថិជនសូមគិតអំពីពេលវេលាអោយបានច្បាស់លាស់។

ហើយបើសិនជាអ្នកទៅយឺតអគួរតែទូរស័ព្ទប្រាប់មុន ប្រាប់អ្នកណាត់ជួបថាយឺតរយៈពេលប៉ុន្មាននាទីដើម្បីអោយគេទុកចិត្ត។ នេះជាសកម្មភាពដែលជនជាតិជប៉ុនពិតជាចូលចិត្ត។