ចំណាត់ថ្នាក់សាម៉ូរ៉ៃដែលសង្ហាបំផុតនៅចុងសម័យ Edo

ថ្ងៃព្រហស្បតិ៍ 28/02/2019 | 15:45 ល្ងាច

ធម្មតារូបថតរបស់តួអង្គល្បីក្នុងប្រវត្តិសាស្រ្តមានក្នុងសៀវភៅសិក្សាសុទ្ធតែមានពណ៌ខ្មៅស ឥរិយាបទម៉ឺងម៉ាត់ និងមិនបញ្ចេញទឹកមុខនៅលើផ្ទៃមុខទេ។

ជាមួយនឹងគេហទំព័រ Bakumatsu Gaido ជំនាញណែនាំផ្ទាល់នៅសម័យ Bakumatsu ចុងសម័យ Edo (១៨៥៣-១៨៦៧)។ បានកែពណ៌រូបភាពសាមូរ៉ៃនៅសម័យបុរាណ ធ្វើអោយពណ៌ស្រស់ជាងមុន។ ហេតុនេះហើយអ្នកនឹងមានឳកាសមើលរូបភាពតួអង្គសាមូរ៉ៃទាំង ១០ ដែលសង្ហាសម័យជប៉ុនបុរាណ។

ក្នុងភាសាជប៉ុនពាក្យ “ikemen” ចេញមកពី “ikeru” ឬ “ieketeru” មានន័យថាមិនច្រឡោត “men” ជាផ្ទៃមុខ។ ដូច្នេះ “ikemen” មានន័យថាមនុស្សប្រុសមានទឹកមុខមិនច្រឡោត ហើយសង្ហា។ សូមមើលរូបតួអង្គទាំង ១០ “Ikemen Samurai” សម័យឆ្នាំ ១៨៥៣-១៨៦៧ មាននរណាខ្លះ។

១០. Tokugawa Mochinaga

ស្ថិតនៅចំណាត់ថ្នាក់លេខ ១០ គឺជាម្ចាស់សក្ដិភូមិមានឥទ្ធិពលដែលកំពុងអង្គុយសញ្ចឹងគិត ជាមួយនឹងសម្លៀកបំពាក់ពណ៌ត្នោត។

ប្អូនប្រុសរបស់គាត់ឈ្មោះថា Matsudaira Katamori ក្នុងចំណោមសមាជិកដែលមានអំណាច Takasu ក៏មានឥរិយាបទកំពុងអង្គុយសញ្ចឹងគិតដូចជាបងប្រុសគាត់ដែរ។

Matsudaira Katamori ជាប់ចំណាត់ថ្នាក់លេខ ១៣ ក្រោយបងរបស់ខ្លួន

៩. Okudaira Masayuki

Okudaira ជាតួអង្គដែលល្បីឈ្មោះជាមួយនឹងម្រាមដៃស្អាត។ នៅក្នុងរូបថតនេះហាក់ដូចជាដៃ និងជើងរបស់គាត់ធំបន្តិច។ ទោះយ៉ាងណារូបភាពតំណាងអោយបច្ចេកទេសនៃការកែពណ៌ដើម្បីបង្កើតភាពស្រស់ស្អាត និងសម្រស់របស់មនុស្សសម័យបុរាណ។

៨. Ogata Jojiro

ឪពុករបស់ Jojiro ជាអ្នកបានប្រើចំណេះដឹងខាងវេជ្ជសាស្ត្រនៃប្រទេសភាគខាងលិចក្នុងប្រទេសជប៉ុននៅប៉ុន្មានឆ្នាំដែលជប៉ុនបិទទំនាក់ទំនងជាមួយប្រទេសលើពិភពលោក។

៧. Yamanouchi Sakuzaemon

បុរសផ្សងព្រេងម្នាក់នេះធ្លាប់រៀននៅប្រទេសរុស្ស៊ី ហេតុនេះយើងអាចមើលឃើញស្នាមញញឹមនៅលើមុខរបស់គាត់។

៦. Earnest Satow

ជាជនបរទេសតែមួយគត់ដែលស្ថិតនៅក្នុងចំណាត់ថ្នាក់នេះ។ Satow គឺជាអ្នកការទូត អ្នកបកប្រែភាសាអង់គ្លេស។ គាត់ជាមនុស្សសំខាន់បំផុតនៅក្នុងទំនាក់ទំនងអង់គ្លេស-ជប៉ុនសម័យ Bakumatsu (ចុងសម័យ Edo)។ ទោះបីមិនមែនជាសាមូរ៉ៃ ប៉ុន្តែគាត់ពិតជាល្បីឈ្មោះនៅប្រទេសជប៉ុន។

៥. Yamaoka Tesshu

នៅចុងសម័យ Edo (អាចហៅថាសម័យ Tokugawa) ភាគច្រើនសាមូរ៉ៃគឺជាមនុស្សសំខាន់ និងជិតដិតជាងអ្នកចម្បាំង។ ប៉ុន្តែ Tesshu បានបើកសាលាបង្រៀនក្បាច់គុន Kendo នៅក្នុងសម័យទំនើប ហើយល្បីឈ្មោះជាអ្នកចេះផឹកពូកែ។

៤. Mizuno Tadanori

Mizuno ជាមនុស្សមានក្រសែភ្នែកហាក់ដូចជាមើលធ្លុះរបស់អ្វីម្យ៉ាង។ ម៉ូតសក់ធ្វើអោយគាត់កាន់តែសង្ហាបន្ថែម។

៣. Oda Nobuyoshi

ភាពជាក់ស្តែងតួអង្គនេះដូចជាពេទ្យធ្មេញជាងសាមូរ៉ៃ រូបថតនេះថតពីសម័យ Meiji (ក្រោយសម័យ Edo)។ រូបរាងរបស់ Oda Nobuyoshi មើលទៅមានភាពរឹងមាំ និងសាមញ្ញ។

២. Shibusawa Heikuro

Heikuro គឺជាកូនរបស់ Shibusawa Eiichi ជាអ្នកបង្កើតមូលបត្រជួញដូរ Tokyo។ ហាក់ដូចជាចុងសម័យទំនើបគេចាប់ផ្តើមចេះថតរូបហើយ។

១. Yokoyama Tsunenori

នៅចំណាត់ថ្នាក់ដំបូងគឺ Yokoyama មនុស្សម្នាក់មានភាពមឺុងម៉ាត់ និងគួរអោយទុកចិត្ត។ គាត់បានស្លាប់ពេលគាត់នៅក្មេង ចំណាត់ថ្នាក់ដំបូងមិនត្រឹមតែជាការជ្រើសរើសដោយសារមុខសង្ហារបស់គាត់ទេ ប៉ុន្តែក៏ជាការលះបង់ដ៏អស្ចារ្យរបស់ Yokoyama Tsunenori ផងដែរ។

ខាងលើនេះជាសាមូរ៉ៃអាចហៅថាជា “ikemen” នៅចុងសម័យ Edo។ តើអ្នកជ្រើសរើសយកនរណា?

អត្ថបទបន្ថែម cosplayhouseblog

ដោយ៖ TZ