ភ្ញាក់ផ្អើលជាមួយនឹងរូបរាងខាងក្រៅនៃស្ថានីយ៍រថភ្លើងរបស់ជប៉ុន

ថ្ងៃសៅរ៍ 19/01/2019 | 16:58 ល្ងាច

ប្រទេសជប៉ុនល្បីក្នុងភ្នែកជនបរទេស មិនត្រឹមតែមកពីវប្បធម៌ ឬភាពជឿនលឿន ប៉ុន្តែក៏ដោយសារតែភាពចម្លែកខុសគេរបស់ប្រទេសជប៉ុនផងដែរ។

ប្រហែលអ្នកធ្លាប់បានឃើញនូវស្នាដៃចម្លែកជាច្រើនក្នុងនោះមានផ្ទះ ទោះបីជាយ៉ាងណាអ្នកធ្លាប់បានឃើញស្ថានីយ៍រថភ្លើង មានរូបសត្វដែរទេ?

រូបភាព http://nlab.itmedia.co.jp/

ស្ថានីយ៍ Kamenoko ដូចរូបខាងក្រោម ស្ថិតនៅ Misaki ខេត្ត Okayama។ ស្ថានីយ៍នេះមានឈ្មោះថាស្នូកអណ្តើក ជាការរចនាដែលត្រូវបានស្ថាបត្យករបង្កើតឡើងដោយវិធីរួមផ្សំក្បាលមួយធំដាក់នៅចំហៀងម្ខាងដំបូលផ្ទះធ្វើអោយក្លាយទៅជាសត្វអណ្តើកយក្យមួយ។

រូបភាព fukusyou777

ដំបូលខាងលើផ្ទះគឺជាស្នូកអណ្តើក ចំណែកនាឡិការាងមូលប្រើធ្វើជាភ្នែករបស់វា។

រូបភាព https://www.instagram.com/

ជាពិសេសនៅពេលយប់កែវភ្នែកអាចបញ្ចេញពន្លឺធ្វើអោយសត្វអណ្តើកកាន់តែលេចធ្លោ។

ក្បាលរបស់សត្វអណ្តើកក្នុងឆ្នាំ ១៩៩៥ មានពណ៌លឿងលាយត្នោតប៉ុន្តែរហូតដល់ឆ្នាំ ២០១២ គេបានលាបពណ៌ភ្លឺជាងនេះដើម្បីទាក់ទាញភ្ញៀវទេសចរណ៍មកទស្សនាជាច្រើន។

រូបភាព anata_shidai

មិនត្រឹមតែឈ្មោះរបស់ស្ថានីយ៍ប៉ុណ្ណោះទេដែលទទួលបានការចាប់អារម្មណ៍ ស្ថានីយ៍រថភ្លើងក៏មានចិញ្ចឹមអណ្តើក។

រូបភាព INY_S

រហូតដល់តុដែលនៅខាងក្នុង ក៏ត្រូវបានរចនាដូចជាស្នូកអណ្តើកដែរ។

រូបភាព twitter.com

ស្ថានីយ៍អណ្តើកដែលមានរូបអណ្តើកនៃទីក្រុង Misaki ថែមទាំងល្បីជាមួយនឹងម្ហូបអាហារ Tamago keke gohan ជាមុខម្ហូបដែលសាមញ្ញរបស់ជប៉ុនរួមមានពងមាន់ឆៅ និងបាយសក្តៅ។ ប្រសិនបើអ្នកកំពុងតែមានគម្រោងមកលេង តំបន់នេះអាចស្វែងរកហាងម្ហូបនៅជិតនោះដោយសារតែហាងទាំងអស់លក់នូវរបស់សម្រាប់ញ៉ាំ Tamago keke gohan រួមទាំងស៊ុប Miso និងបន្លែ។

នៅភោជនីយដ្ឋានតូចមួយមានឈ្មោះ Shokudo Kamecchi ត្រឹមតែ ៣៥០យេន អ្នកនឹងមានឈុតម្ហូបដូចក្នុងរូប។

រូបភាព evolution_x0205

ស្រុក Okayama បានរងការខូចខាតធ្ងន់ធ្ងរដោយសារតែភ្ញៀងធ្លាក់ខ្លាំងភាគខាងលិចប្រទេសជប៉ុនកើតឡើងនៅក្នុងខែកក្កដា ឆ្នាំ២០១៨ បច្ចុប្បន្នកំពុងតែមានគំនិតជាច្រើនដើម្បីស្តារឡើងវិញ។ “ភ្ញៀវទេសចរណ៍ដែលមកទស្សនា Okayama នឹងជាជំនួយសម្រាប់ការស្តារឡើងវិញ” ហេតុនេះប្រសិនបើមានឱកាសអាចទៅទស្សនាកន្លែងជាច្រើនដូចជា “ស្ថានីយ៍ Kameko” និង “Shokudo Kamechichi”។