សិស្ស​ជប៉ុន​មានអបិយ​ជំ​នឿជិះ​រថ​ភ្លើង​សំណាង​ ញ៉ាំ KitKat ដើម្បី​ប្រឡងជាប់

​ខែ​មករា និង​ខែ​កុម្ភៈជាពេល​វេលា​ដែល​សិស្ស​ជប៉ុន​កំ​ពុង​តែស្ថិ​ត​នៅ​ក្នុង​ការ​ប្រឡង​ជាច្រើន​។ សិស្ស​វិទ្យាល័យ​ត្រៀម​ខ្លួន​សម្រាប់​ការ​ប្រឡងឡើង​ថ្នាក់​បរិញ្ញាប័ត្រ ចំ​ណែក​និស្សិត​ត្រូវ​ប្រឈម​មុខ​នឹង​ការ​ប្រឡងបញ្ចប់​។

ក្នុង​រដូវ​ប្រឡង​​ពេញ​ទៅ​ដោយ​សម្ពាធ​នេះ ប្រាកដជា​ប្អូន​ៗ​ទាំង​អស់ត្រូវ​​ប្រឹង​ប្រែង ហើយ​​តាន​តឹង ហេតុ​នេះ​ហើយ​រថ​ភ្លើង​រីក​រាយ​​នេះ​ត្រូវ​បាន​បង្កើត​ឡើង។

រូបភាព https://fanfunfukuoka.com/travel/146953/​

ខាង​មុខ​នៃ​រថភ្លើង​មាន​អក្សរ​ 吉  (Cat) ក្នុង​បំ​ណង​ជូន​ពរ​អោយ​ការ​ប្រឡង​មាន​សំ​ណាង​ហើយ​ជោគ​ជ័យ ជាមួយ​នឹង​លទ្ធ​ផល​ដូចសេចក្តី​​ប្រាថ្នា​របស់​ប្អូន​ៗ។ គម្រោង​រថភ្លើង​នេះសហ​ការ​ជាមួយ​ក្រុម​ហ៊ុន​ផ្លូវ​ដែក​ JR និង​ហាង​ផលិត​ស្ករ​គ្រាប់​ដ៏​ល្បី​ KitKat។

KitKat (キットカット) នៅ​ក្នុង​ភាសាជប៉ុន​ត្រូវ​បញ្ចេញ​សម្លេង​ថា Kittokatto ស្រដៀង​ទៅ​នឹង “きっと勝つ” (Kittokatsu – ប្រាកដជាឈ្នះ)។ នេះ​ក៏​ជា​ការ​លេង​ពាក្យ​យ៉ាង​ពិសេស ធ្វើសម្រាប់យុទ្ធសាស្រ្ត Marketing កាន់​តែ​ពិសេស។ ទន្ទឹម​នឹង​នោះ​រថភ្លើង​ជិះ​ពី Kitto Line ដើម្បី​សម​ទៅ​នឹង​ការ​ប្រើ​ពាក្យនេះ។

គ្រាន់​តែ​ឡើង​រថភ្លើង​សំ​ណាង​ហើយ​ញ៉ាំ Kitkat អ្នក​អាច​នឹង​ឆ្លង​ផុត​ការ​ប្រឡង​ ប្រាកដជា​មាន​តែ​ប្រជាជន​ជប៉ុន​ទើប​មាន​វិធីសាស្រ្ត​កាត់​បន្ថយ​ stress ចម្លែក​យ៉ាង​នេះ។ ទោះ​បី​ជា​យ៉ាង​ណា​ក៏​ប្រជាជន​ជប៉ុន​ក៏​ជាជន​ជាតិ​ដែល​មាន​អបិយ​ជំ​នឿ។

ប៉ុន្តែ​នៅ​លើ​រថ​ភ្លើង​សំ​ណាង​មិន​ត្រឹម​តែ​មាន​ Kitkat ទេ​ ថែម​ទាំង​មាន​មុខ​ម្ហូប​គួរ​អោយ​ចាប់​អារម្មណ៍​ជា​ច្រើន​កំ​ពុង​តែ​រង់​ចាំ​អ្នក​ភ្លក់​នៅ​លើ​រថភ្លើង។ ប្រភេទ​នី​មួយៗ​សុទ្ធ​តែ​មាន​អត្ត​ន័យ​ផ្សេង​គ្នា។

Doutor coffee

រូបភាព https://allabout.co.jp/gm/gc/472866/

មាន​ការ​ប្រើ​ពាក្យ​មួយ​ផ្សេង​ទៀត ពាក្យ​ដែល​មាន​នៅ​លើ​កែវមាន​អត្ត​ន័យ​ឆ្លង​ផុត​ការ​ប្រឡង​ដោយ​ជោគជ័យ

KitKat មាន​ក្លិន​ “សំ​ណាង​”

រូបភាព https://allabout.co.jp/gm/gc/472866/

ញ៉ាំ​ហើយ​ភ្លាម​ មាន​អារម្មណ៍​ស្រស់​ស្រាយ​ដោយ​សារ​តែ​មាន​ទេវតា​សំ​ណាងឈរ​នៅ​ជិត​

Coconut Sable

រូបភាព https://allabout.co.jp/gm/gc/472866/

ធម្មតា​ហាង​នេះ​មាន​ឈ្មោះថា ココナッツサブレ (kokonatsu sebure) កម្មវិធី​លើក​ទឹក​ចិត្ត​ក្នុង​ការ​ប្រឡង​លើក​នេះប្តូរ​ផ្នែក​  ナッツ(natsu) ទៅ​ជា  勝つ (katsu) មានន័យ​ថាជ័យ​ជំ​នះ​។

Cheese almond

រូបភាព https://allabout.co.jp/gm/gc/472866/

ប្រើ​ Cheese ក្លាយ​ទៅ​ជា​ katsu បែបនេះដូចជា​ចម្លែក​បន្តិច។ 

តើ​សិស្ស​ជប៉ុន​ជឿរឿង​​អបិយ​ជំនឿដល់​ថ្នាក់​ហ្នឹង? មិន​ត្រឹម​តែ​សិស្ស​ប៉ុណ្ណោះ​ទេ នាយករដ្ឋមន្ត្រី Shinzo Abe ក៏​ជា​អ្នក​អបិយ​ជំ​នឿដែរ។ គេបាន​ដឹង​ថា ​មុន​ពេល​បោះ​ឆ្នោត​​សំ​ខាន់ គាត់​តែង​តែ​ញ៉ាំ​ការី katsu (ការី​សាច់​ជ្រូក​ចៀន​) ដោយ​សារ​ពាក្យ katsu (សាច់​ជ្រូក​ចៀន) ស្រដៀង​សម្លេង​ katsu (ជ័យ​ជំនះ)។

តើ​អ្នក​គិត​ថា​រថភ្លើង​នេះ​ត្រូវ​បាន​ផលិត​ដើម្បី​អោយ​មាន​សំ​ណាង​ឬ​​? វា​មិន​ងាយ​ស្រួល​បែប​នេះ​ទេ នេះ​គឺ​ជា​ល្បិច​ពាណិជ្ជកម្ម​របស់​ហាង​នំ​ស្ករ​ជប៉ុនក្នុង​រឿង​​អបិយ​ជំនឿរបស់​ប្រជាជន​តែ​ប៉ុណ្ណោះ។

ប៉ុន្តែ​ទោះ​បីជា​យ៉ាង​ណា​នំ​ស្ករ​ពិសេសទាំង​នេះក៏​សក្តិសម​សម្រាប់ធ្វើ​ជា​កាដូ​អនុស្សាវរីយ៍ដែរ។

អត្ថបទ៖ Kengo Abe

មើលបន្ថែម: