កុំ​ភ្ញាក់​ផ្អើល​ពេល​ដែល​ត្រូវ​ផ្លាក​ចរាចរណ៍​នៅ​ Kumamoto បញ្ឈឺ

គេ​តែង​តែ​ប្រទះឃើញផ្លាក​អក្សរ​ពេល​ដែល​ធ្វើ​ដំ​ណើរ​នៅជប៉ុន។ ផ្លាក​ទាំង​នេះមាន​ភារៈកិច្ចបកស្រាយ​ស្ថានភាព​ចរាចរណ៍ដោយ​សារ​គ្រោះ​ថ្នាក់ ការដ្ឋាន​ ឬក៏​ប្រកាស​ពេល​ទៅ​ដល់​ផ្លូវ​បត់។

មិន​ដឹង​ថា​នៅ​ប្រទេសកម្ពុជាមាន​​ផ្លាក​ប្រភេទ​នេះ​ដែរឬទេ?

ជាការពិត​ណាស់ ការដាក់​ផ្លាក​ពាសពេញ​ផ្លូវមិន​មាន​ន័យ​ថាបាន​ប្រជាជន​ចាប់​អារម្ម​ណ៍ទេ។ នៅ​ជប៉ុនមាន​មនុស្សជាច្រើន​មិន​មើលផ្លាក​សញ្ញា​ជា​អក្សរ ដែលធ្វើ​អោយមាន​ការ​កកស្ទះកាន់​តែ​ច្រើន​ឡើងឬក៏​គ្រោះ​ថ្នាក់​កើត​មាន។

ដើម្បី​ទាក់​ទាញ​ការ​ចាប់​អារម្ម​ណ៍​របស់​អ្នក​ទាំង​អស់​គ្នា ប៉ូលីស​ចរាចរណ៍​ខេត្ត Kumamoto មាន​គំ​និត​មួយដែល​គួរ​អោយ​​ភ្ញាក់​ផ្អើល។

មិន​ប្រើ​ផ្លាកចរាចរណ៍ប្រកាស តែគេ​បង្កើត​ជា​ផ្លាកអក្សរ​​ ដែលអត្ថន័យអក្សរទាំងនោះ ហាក់បីដូចជាការបញ្ឈឺអីចឹង។

រូបភាព http://blog.esuteru.com/archives/9237637.html

“បើក​បរ ចូរ​កុំ​ធ្វើ​ដូចជា​គ្មា​ន​អារម្ម​ណ៍​ក្នុង​ខ្លួន​បែបនេះ”។

… ចាអូន​សុំ​ទោសណា!

រូបភាព http://blog.esuteru.com/archives/9237637.html

“ណែ ហេតុ​អ្វី​សញ្ញា​យឺត​ម្ល៉េះ?”

… នេះប្រាកដជា​មក​ពីភ្លើង​បត់​ឆ្វេង​ និង​ភ្លើង​បត់​ស្តាំងាក​ចេញ​ពី​គ្នា​ហើយ …

អាន​ផ្លាក​ទាំង​នេះហើយ អាចមា​ន​ករណី​ពីរ​កើត​ឡើង​។ សម្រាប់មនុស្ស​ស្លូត គឺ​នឹង​មាន​អារម្មណ៍​ថា “ខ្មាស” ពេល​ដែល​ល្មើស​ច្បាប់​ចរាចរណ៍ ចំ​ណែក​អ្នក​ដែល​មានចរិកកាច​បន្តិច គឺអាច​នឹងខឹងភ្លាម​។

ប៉ុន្តែ​ក្នុង​ស្ថាន​ភាព​ទាំង​ពីរ ផ្លាក​អក្សរបញ្ឈឺ​សុទ្ធតែជោគ​ជ័យក្នុង​ការ​ធ្វើ​អោយ​ទាក់​ទាញជាមួយ​អ្នក​ចូល​រួម​ធ្វើចរាចរណ៍។ ដោយ​ហេតុ​នេះអ្នក​ដែល​ធ្វើ​ដំ​ណើរ​មើល​ការ​ណែនាំ​ចរាចរណ៍​ច្បាស់ និង​គោរព​ច្បាប់​ចរាចរណ៍​យ៉ាង​ម៉ឺង​ម៉ាត់។ មើល​ទៅ​គំ​និត​នេះ​ដូចជា​ល្អ​។

មិន​ដឹង​ថា​គំនិត​ប្រភេទនេះ អាច​ជោគ​ជ័យឬទេ បើយកមកអនុវត្ត​ក្នុង​ប្រទេសដែល​មាន​ប្រជាជនតែង​តែគេចច្បាប់?

Kengo Abe

មើលបន្ថែម: