ផ្ទាំងគំនូរស្អាតៗ កាលពីរដូវស្លឹកឈើជ្រុះ

ថ្ងៃអាទិត្យ 09/12/2018 | 18:51 ល្ងាច

ផ្ទាំងគំនូរដែលស្អាតត្រូវការពណ៌ ជាការពិតណាស់ការផាត់ពណ៌តម្រូវអោយចេះជ្រើសរើសពណ៌ដែលសក្តិសម។ ហើយមិនមែននរណាក៏អាចធ្វើរឿងនេះបានទេ ដូចជាការស្លៀកពាក់ខោអាវម៉ាកថ្លៃប៉ុន្តែប្រសិនមិនដឹងពីការតុបតែង ក៏ធ្វើឲ្យសម្លៀកបំពាក់នោះមើលទៅមិនទំនងដែរ។

ចុះវិធីដែលល្អបំផុតសម្រាប់ផ្ទាំងគំនូរមួយមើលទៅស្អាតធម្មជាតិជាអ្វី?

ចម្លើយពិតជាងាយស្រួលអ្នកគ្រាន់តែទុកអោយរដូវស្លឹកឈើជ្រុះផាត់ពណ៌អោយអ្នក។

នេះក៏ជាវិធីដែលវិចិត្រករ Kotetsu ប្រើជាមួយផ្ទាំងគំនូរ Kimono របស់ខ្លួន។ ស្នាដៃសិល្បៈដែលស្អាតមានរួមផ្សំរវាងរូបភាព រូបថត និងសិល្បៈ Kirie របស់ជប៉ុន។

រូបភាព /kotetsu_of

អ្នកអាចមិនទាន់ដឹង សម្លៀកបំពាក់ Kimono ភាគច្រើនប្រើលំនាំទៅតាមរដូវ ហេតុនេះនៅរដូវស្លឹកឈើជ្រុះទើបវិចិត្រករបានប្រើវាក្នុងស្នាដៃរបស់ខ្លួន។ មិនត្រឹមតែរក្សាសម្រាប់ខ្លួន គាត់បានថតរូប និងចែករំលេកស្នាដៃលើគេហទំព័រផ្ទាល់ខ្លួន។

កន្លែង Kotetsu បានថតនារី Kimono គឺនៅឧទ្យាន Showa នៅ Tokyo។

រូបភាព /kotetsu_of

ជំនួសអោយការប្រើប៊ិចឬខ្មៅដៃលើសម្លៀកបំពាក់រូបភាព វិចិត្រករ Kotetsu បំបាត់កន្លែងពណ៌សលើក្រណាត់ ហើយដាក់ពណ៌នៃរដូវស្លឹកឈើជ្រុះរបស់ជប៉ុន។

នេះមិនមែនជារូបភាពបង្ហាញធម្មតាប៉ុន្តែជាឧទាហរណ៍យ៉ាងច្នៃប្រឌិតរបស់ Kirie (“រូបភាពដែលកាត់”)។ សិល្បៈករ Kirie តែងប្រើក្រដាសដែលមានពណ៌ហើយកាត់ចោលពណ៌ដែលគេមិនចង់ផាត់សម្រាប់រូបភាព។