ហេតុអ្វីបានជាជនជាតិជប៉ុនប្រកាន់ផ្លូវខាងឆ្វេង គឺដោយសារ Samurai សម្រេចឬយ៉ាងណា?

ថ្ងៃសុក្រ 09/11/2018 | 16:00 ល្ងាច

ប្រទេសជប៉ុនគឺ ១ ក្នុងចំណោម ៧៦ ប្រទេស ហើយជាតំបន់ទឹកដីដែលមានលក្ខណៈធ្វើចរាចរណ៍ប្រកាន់ខាងឆ្វេង។ ផ្ទុយជាមួយនឹង ១៦៣ ប្រទេសដែលធ្វើដំណើរប្រកាន់ស្តាំ។

ក្នុងខណៈពេលដែលចរាចរណ៍សរុបប្រកាន់ស្តាំនៅលើពិភពលោកដល់ទៅ ៩០%។

ត្រូវណាស់ ភាគច្រើនប្រទេសដែលអភិវឌ្ឍស្មើ ឬលើសប្រទេសជប៉ុនសុទ្ធតែធ្វើចរាចរណ៍ប្រកាន់ខាងស្តាំ។

ពេលសំដៅលើ “មហាសេដ្ឋីសេដ្ឋកិច្ច” លេខ ១ នៅលើពិភពលោក-សហរដ្ឋអាមេរិកក៏ជាប្រទេសដែលធ្វើអោយមានឥទ្ធិពលវប្បធម៌បើកបរឡានដល់ប្រទេសជប៉ុន ប៉ុន្តែចុះហេតុអ្វីជនជាតិជប៉ុនមិនយកតម្រាប់តាមទាំងស្រុងបែរជារើសយកការធ្វើចរាចរណ៍ប្រកាន់ឆ្វេង។

ពត៌មានជាច្រើនបានអោយដឹងថា មូលហេតុមិនតិចគឺមកពីទម្លាប់របស់ Samurai សម័យបុរាណ។

ហើយចំនុចមួយទៀតនោះគឺភាពប្រសប់ដៃខាងណាជាងក៏ជាមូលហេតុធ្វើចរាចរណ៍ប្រកាន់ឆ្វេងដែរ។

ខ្ញុំជាអ្នកដែលប្រសប់ដៃខាងឆ្វេងហេតុនេះភាគច្រើនសកម្មភាពប្រចាំថ្ងៃសុទ្ធតែប្រើដៃខាងឆ្វេង។ ដូច្នេះពេលដែលធ្វើសកម្មភាព ខ្ញុំតែងតែទុកចន្លោះសម្រាប់ដៃឆ្វេង ហើយផ្ទុយមកវិញមិនសូវប្រើដៃខាងស្តាំហេតុនេះតែងតែទុកចន្លោះតិចឬមិនមានក៏បាន។ សូមសង្កេតមើលទៅការធ្វើដំណើរតាមផ្លូវក៏ដូចគ្នា។

រូបភាព https://mag.japaaan.com/archives/83470

រាល់ Samurai ក៏មានបទបញ្ញត្តិតឹងរឹងនៃការប្រើប្រាស់ដៃ។ ទោះបីក្នុងស្ថានភាពបែបណាក៏ដោយ ខាងឆ្វេងត្រូវតែកាន់ដាវ ខាងស្តាំគឺសម្រាប់ដកដាវ។

កាលពីសម័យបុរាណ ការធ្វើដំណើរកម្សាន្តមិនងាយស្រួលដូចជាបច្ចុប្បន្ន។ នៅតាមផ្លូវអាចនឹងជួបប្រទះអ្នកដែលចង់បង្ករឿង ចោរប្លន់ ចោរប្លន់តាមផ្លូវ ហេតុនេះ Samurai សុទ្ធតែត្រូវត្រៀមខ្លួនដកដាវគ្រប់ពេលវេលា។

ហេតុនេះមានតែដើរទៅខាងឆ្វេងទើបសាកសមបំផុតដើម្បីអោយដៃខាងស្តាំមានចន្លោះច្រើនហើយដកដាវ។

តាមពិតនៅសម័យបុរាណក៏មានអ្នកធ្លាប់និយាយ “ផ្លូវរបស់មនុស្សលោកគឺផ្លូវនៅខាងឆ្វេង”។

រូបភាព https://mag.japaaan.com/archives/83470/2

នោះគឺជាជនជាតិរ៉ូមសម័យបុរាណបានរកឃើញស្នាមដែលនៅសេសសល់នៃផ្លូវផ្នែកខាងឆ្វេង។ សូម្បីតែអេហ្ស៊ីព និងក្រិចក៏ដូចគ្នា។

ហេតុនេះជាបឋមអាចនិយាយបានថាមនុស្សសម័យមុនតែងតែធ្វើដំណើរប្រកាន់ឆ្វេង។

ប៉ុន្តែប្រសិនបើតាមដំណើរអភិវឌ្ឍបែបនេះចុះហេតុអ្វីបច្ចុប្បន្នមានរហូតដល់ទៅ ៩០% ផ្លូវនៅលើពិភពលោកជាផ្លូវដែលធ្វើចរាចរណ៍ ប្រកាន់ស្តាំ។

រឿងរ៉ាវចាប់ផ្តើមដោយព្រះរាជក្រឹត្យដែលអធិរាជបារាំង Napoleon Bonaparte ផ្សព្វផ្សាយដល់គ្រប់តំបន់នៅឆ្នាំ ១៧៩២។ ចាប់ពីពេលនោះប្រជាជនក៏ដូចជាចរាចរណ៍នៃទឹកដីទាំងអស់ផ្លាស់ប្តូរ។