ទំព័រដើម
បែបជប៉ុន
ចែករំលែក
គន្លឹះដាក់ពាក្យសុំ Visa ទេសចរណ៍ទៅប្រទេសជប៉ុនដើម្បីទាន់រដូវកាលស្អាតបំផុត

គន្លឹះដាក់ពាក្យសុំ Visa ទេសចរណ៍ទៅប្រទេសជប៉ុនដើម្បីទាន់រដូវកាលស្អាតបំផុត

ថ្ងៃអង្គារ 06/11/2018 | 20:37 ល្ងាច

ធ្វើពាក្យសុំ Visa ដើម្បីទៅកម្សាន្តនៅប្រទេសជប៉ុនខ្លួនឯងដោយវិធីនេះនឹងជួយអោយអ្នកមានឱកាសទទួលបាន Visa យ៉ាងឆាប់រហ័ស ភាគរយបរាជ័យតិចបំផុត។

អាចទៅដល់ប្រទេសជប៉ុននោះគឺជាបំណងប្រាថ្នារបស់យុវជនជាច្រើន ហើយខ្លួនខ្ញុំផ្ទាល់ក៏សង្ឃឹមថាអាចទៅដល់ប្រទេសជប៉ុនតាំងពីតូច។ ហេតុនេះហើយពេលដែលគ្រប់ថវិកា និងមានពេលវេលា ខ្ញុំបានឡើងគម្រោងការដើម្បីទៅកម្សាន្តនៅទឹកដីក្នុងក្តីស្រមៃនេះ។ ប៉ុន្តែខ្លួនខ្ញុំផ្ទាល់ចង់ស្វែងយល់ប្រទេសជប៉ុនតាមបែបផ្សេងពីការទៅកម្សាន្តលក្ខណៈ Tour ហេតុនេះហើយខ្ញុំត្រូវសុំ Visa ខ្លួនឯង និងត្រៀមនូវឯកសារដែលទាក់ទង។

ភាពជាក់ស្តែងនោះគឺមិនមែនអោយតែអ្នកមានថវិកា នោះអ្នកអាចសុំបាន Visa ដើម្បីទៅកម្សាន្តដោយខ្លួនឯងនៅប្រទេសជប៉ុនទេ ដោយសារតែគោលនយោបាយផ្តល់ Visa របស់ប្រទេសនេះពិតជាតឹងរឹង។

ពេលដែលសម្រេចចិត្តសុំ Visa ដោយខ្លួនឯង ខ្ញុំធ្លាប់បានគិតដល់ការធ្វើ Visa ទៅកម្សាន្តជាមួយនឹងតម្លៃប្រហែល ២២០ដុល្លា។ ប៉ុន្តែគួរអោយសោកស្តាយគឺក្រោយពេលអ្នកដែលសួរពត៌មានផ្ទាល់ខ្លួនរបស់ខ្ញុំសុទ្ធតែបដិសេធទទួលធ្វើដោយសារតែខ្ញុំស្ថិតនៅក្នុងករណីពិបាកធ្វើ Visa ខ្លាំងណាស់ដូចខាងក្រោម៖

+ អាយុតិច (ខ្ញុំទាយប្រហែល ១៨ ដល់ ៣០ ឆ្នាំ)

+ មិនទាន់មានគ្រួសារ

+ ធ្វើការនៅក្រុមហ៊ុន ឯកជនមិនមែនជាក្រុមហ៊ុនរដ្ឋ

+ ទើបតែបានទៅកម្សាន្តនៅប្រទេសដែលកំពុងអភិវឌ្ឍ

+ មិនធ្លាប់ទៅកម្សាន្តនៅប្រទេសជប៉ុន

ទោះបីជាអ្នកមានក្នុងគណនីធនាគាររាប់រយលានក៏ភាគរយមិនទទួលបាន Visa ច្រើនដែរ។ ដូចជាខ្លួនខ្ញុំផ្ទាល់ អ្នកដែលទទួលសេវាកម្មធ្វើ Visa សុទ្ធតែបដិសេធហើយបាននិយាយថាភាគរយទទួលបាន Visa របស់ខ្ញុំគឺ ១%។

ក្រោយពេលវាយតម្លៃនូវឯកសារដែលមាន ស្ថានភាពដោយខ្លួនឯង និងយោបល់មិត្តភក្តិធ្លាប់ទទួលបាន Visa ទៅប្រទេសជប៉ុន ខ្ញុំបានសម្រេចចិត្តមិនពឹងទៅលើអ្នកទទួលបម្រើសេវាធ្វើ Visa ទៀតទេ ប៉ុន្តែបានដាក់ពាក្យសុំ Visa ដោយខ្លួនឯង។

រើសអ្នកដែលរួមដំណើរ និងធ្វើក្រដាសស្នាម បន្ទាប់ពីបានស្វែងយល់នូវដំណាក់កាលធ្វើ នោះខ្ញុំបានដឹងថាប្រទេសជប៉ុនមានការត្រួតពិនិត្យតឹងរឹងដោយសារមានមនុស្សមួយចំនួនបានលួចស្នាក់នៅប្រទេសជប៉ុនបន្តដើម្បីធ្វើការ។ ប្រសិនបើអ្នកសុំ Visa ពិតជាងាយស្រួលអោយគេយល់ច្រឡំស្ថិតក្នុងចំណោមនោះ ហេតុនេះអ្នកគួរតែស្វែងរកបន្ថែម “មិនរួមដំណើរ” ដើម្បីសុំ Visa ។

ប្រសិនអ្នកធ្វើការនៅក្រុមហ៊ុនឯកជននោះម្នាក់ដែលរួមដំណើរជាមួយអ្នកគួរតែស្ថិតក្នុងកិច្ចសន្យាការងារជាមួយរដ្ឋ។ ក្រៅពីនេះ អ្នកដែលសុំ Visa ជាមួយអ្នក ជាអ្នកដែលធ្លាប់ទៅប្រទេសជប៉ុនកាន់តែល្អ នោះភាគរយដែលទទួលបាន Visa អាចបានដល់ ៥០%ហើយ។

ឯកសារសម្រាប់ធ្វើ Visa រួមមាន៖

១. ពាក្យសុំ Visa (ស្វែងរកនៅលើគេហទំព័រ)

២. លិខិតឆ្លងដែន (ច្បាប់ដើម + ច្បាប់ថតចម្លងដែលមានត្រា)

៣. រូបថត (4.5×4.5) ផ្ទៃរូបថតពណ៌ស ប្រសិនបើសក់វែងសូមវេកសក់អោយឃើញត្រជាក់

៤. បញ្ជាក់ពីថវិកា

មានទឹកប្រាក់ក្នុងគណនីធនាគារ (រូបថត + ច្បាប់ដើមសម្រាប់ត្រួតពិនិត្យនៅស្ថានទូត មើលហើយគេនឹងសងយើងវិញ)
ការបញ្ជាក់ពីសមតុល្យគណនីសន្សំប្រាក់ថ្មី (ទៅធ្វើនៅធនាគារមុនប៉ុន្មានថ្ងៃមុនពេលដាក់ពាក្យសុំ Visa កុំធ្វើទុកមុន)
កិច្ចសន្យាផ្ទះ ប្លង់ផ្ទះ និងភ័ស្តុតាងបញ្ជាក់ពីទ្រព្យសម្បត្តិផ្សេងទៀត (ប្រសិនជាមាន)

៥. ឯកសារការងារ៖

កិច្ចសន្យាការងារ (ច្បាប់ដើម + ច្បាប់ចម្លងដែលមានត្រារបស់ក្រុមហ៊ុន)
ពាក្យសុំសម្រាកមានការបញ្ជាក់របស់ក្រុមហ៊ុន
ក្រដាសបញ្ជាក់មុខងារ (មានហត្ថលេខា និងត្រារបស់ក្រុមហ៊ុន)
ក្រដាសបង្ហាញពីប្រាក់ខែបីខែមុន (ប្រសិនបើទទួលប្រាក់ខែជាប្រាក់នោះថតចម្លងបីច្បាប់មានត្រារបស់ក្រុមហ៊ុន បើមិនដូច្នេះអាចប្រើការបញ្ជាក់តាមរយៈធនាគារគឺស្រួលជាង។

៦. ក្រដាសអញ្ចើញពីមិត្តភក្តិដែលកំពុងតែនៅជប៉ុន៖

ក្រដាសអញ្ចើញតាមគំរូរបស់ស្ថានទូត (ច្បាប់ដើមដោយអ្នកអញ្ចើញជាអ្នកសរសេរ និងហត្ថលេខា)
កាលវិភាគតាមគំរូរបស់ស្ថានទូត (ច្បាប់ដើមដោយអ្នកអញ្ចើញជាអ្នកសរសេរ និងហត្ថលេខា)
រូបថតជាមួយអ្នកដែលបានអញ្ចើញ
ថតចម្លងទំព័រដំបូងនៃលិខិតឆ្លងដែន និងប័ណ្ណស្នាក់នៅដែលមានសុពលភាព ( Visa រយៈពេលវែង) របស់អ្នកដែលអញ្ចើញ

៧. ឯកសារសម្រាប់ដំណើរកម្សាន្ត

Booking សំបុត្រយន្តហោះ (អាច book សងក្រោយដើម្បីមាន email eticket អ្នកថតចម្លងហើយភ្ជាប់ជាមួយឯកសារជាការស្រេច)
Booking សណ្ឋាគារសុីសងតាមស្ថានភាពលើកាលវិភាគ និងសំបុត្រអញ្ចើញ។

សូមធ្វើការចាប់អារម្មណ៍ អ្វីដែលសំខាន់បំផុតនៅក្នុងឯកសារ គឺជាក្រដាសអញ្ចើញពីមិត្តភក្តិដែលកំពុងតែរស់នៅប្រទេសជប៉ុន។ ប្រសិនបើអ្នកធ្វើ Visa ទៅកម្សាន្ត ភាគច្រើនចំណាយទៅលើលិខិតអញ្ចើញ-នោះគឺជាសំបុត្រធានាអ្នកទៅប្រទេសជប៉ុនដើម្បីទៅកម្សាន្ត សួរសុខទុក្ខមិត្តភក្តិ។

ប្រសិនបើមានមិត្តភក្តិនៅជប៉ុនអ្នកអាចពឹងពួកគេអោយផ្ញើសំបុត្រអញ្ចើញ ធ្វើកាលវិភាគតាមគំរូរបស់ស្ថានទូត មានទាំងជាភាសាជប៉ុន និងភាសានៃប្រទេសរបស់ខ្លួន បន្ទាប់មកផ្ញើអោយអ្នកដើម្បីភ្ជាប់ជាមួយឯកសារ។ ប្រសិនបើមិនមានរូបថតជាមួយអ្នកអញ្ចើញ នោះអ្នកអាចផ្ញើសារជាមួយមិត្តភក្តិតាមរយៈ Facebook ឬ Email ផ្ញើសំបុត្រសរសេរដៃទៅស្ថានទូតដើម្បីបញ្ចាក់អំពីទំនាក់ទំនងទាំងសងខាង។ ចំណែកលិខិតឆ្លងដែន និងប័ណ្ណស្នាក់នៅរបស់អ្នកអញ្ចើញ អ្នកអាចពឹងមិត្តផ្ញើតាមរយៈ Email ហើយទៅថតចម្លងចេញក៏បាន។

បន្ទាប់ពីរៀបចំសំបុត្រអញ្ចើញរួច កិច្ចសន្យា ពាក្យសុំសម្រាកការងារ និងសំបុត្រយន្តហោះ កន្លែងឈប់សម្រាក អ្នកគួរតែរៀបចំដល់ដំណាក់កាលបញ្ជាក់ថវិកា។

ប្រសិនបើអ្នកមានទ្រព្យសម្បិត្តណាដូចជាម៉ូតូ ដីធ្លី ផ្ទះនោះអាចធ្វើការថតចម្លងឯកសារម្ចាស់កម្មសិទ្ធិដើម្បីភ្ជាប់មកជាមួយ។ ប៉ុន្តែប្រសិនបើមិនមាន អ្នកគួរតែទំនាក់ទំនងក្រុមហ៊ុនដំណើរកម្សាន្ត ដើម្បីប្រើប្រាស់សេវាកម្មបញ្ជាក់ហិរញ្ញវត្ថុពីកន្លែងពួកគេ។ កន្លែងដែរធ្វើអាចត្រូវការអត្តសញ្ញាណប័ណ្ណថតចម្លង និងច្បាប់ថតចម្លងសៀវភៅគ្រួសារដើម្បីធ្វើគណនីសន្សំប្រាក់ បន្ទាប់ពីធ្វើហើយ កន្លែងនោះនឹងរក្សាសៀវភៅគណនីដើម ហើយគ្រាន់តែអោយអ្នកនូវក្រដាសបញ្ជាក់ពីធនាគារប៉ុណ្ណោះ។ សូមចងចាំគ្រាន់តែថតចម្លងក្រដាសបញ្ជាក់នេះមុនថ្ងៃដាក់ Visa តែមួយថ្ងៃបានហើយ ប្រសិនបើចំថ្ងៃទៅដាក់ Visa កាន់តែល្អ។

ប្រភេទ Visa នេះដែលខ្ញុំបានណែនាំអ្នកអស់គ្នាគឺកម្សាន្តរយៈពេលខ្លី មានរយៈពេលបីខែចាប់ពីថ្ងៃដែលមាន Visa ។ ហេតុនេះសូមមើលអោយបានច្បាស់នូវកាលវិភាគនូវដំណើរកម្សាន្តរបស់ខ្លួន ដើម្បីសុំ Visa ត្រូវពេល។ គួរតែសុំ Visa មុនពេលទៅប្រហែលមួយខែទៅពីរខែ មិនគួរសុំ Visa គាកថ្ងៃទៅពេក។ ក្រៅពីនេះ អ្នកគួរតែជៀសវាងការសុំ Visa ពេលមានអ្នកសុំច្រើន នឹងពិបាកសុំ។ ឧទាហរណ៍ដូចជាសុំទៅក្នុងរដូវនិទាឃរដូវ ឬរដូវស្លឹកឈើជ្រុះ ពិបាកសុំជាងរដូវក្តៅ និងរដូវរងា។

ជារួមប្រទេសជប៉ុនគឺជាប្រទេសដែលអភិវឌ្ឍ ហេតុនេះប្រជាជននៅប្រទេសដែលកំពុងអភិវឌ្ឍសុំទៅនឹងមានការលំបាក។ តាមបទពិសោធន៍របស់ខ្ញុំ ពេលដែលធ្វើឯកសារដាក់អោយស្ថានទូត អ្នកគួរតែអោយគេដឹងថាអ្នកមានការងារនៅប្រទេសរបស់អ្នក មានការងារច្បាស់លាស់ ហើយមិនមានបំណងលួចនៅប្រទេសជប៉ុនពេលដែលទៅកម្សាន្តទេ។

ប៉ុន្តែទោះបីជាយ៉ាងណា ការសុំ Visa នៅប្រទេសជប៉ុន នៅតែត្រូវគេវាយតម្លៃថាពិបាក និងមានលក្ខណៈសំណាងល្អឬអាក្រក់។ ធ្វើតាមវិធីរបស់ខ្ញុំគ្រាន់តែធ្វើអោយឱកាសជាប់ Visa ច្រើន មិនមែនប្រាកដ ១០០% នោះទេ។ ប៉ុន្តែកុំដោយសារហេតុនេះហើយមិនសាកល្បងណា ជូនពរអោយអ្នកជោគជ័យ។

តាមរយៈគេហទំព័រពត៌មាន