អាកប្បកិរិយាឆ្លាតវៃរបស់ជនជាតិជប៉ុន នៅពេលដែលថ្នាក់លើ(ប្រធាន)ខឹង

ថ្ងៃអង្គារ 10/07/2018 | 11:53 ព្រឹក

ភាពលេចធ្លោមកពីចំនេះដឹងទូលំទូលាយ និងឥរិយាបទល្អ

សូមជំរាបសួរយុវនារីខ្មែរ នេះគឺ Series ‘Careeco’ ចែក រំលែកពីរបៀបដែលត្រូវបានសំយោគពីស្រ្តីមានអ្នកចូលចិត្ត និងត្រូវបានវាយតម្លៃខ្ពស់ដោយបរុសជនជាតិជប៉ុន។

សូមរួមគ្នាក្នុងការផ្លាស់ប្តូរ និងដើម្បីកសាងរូបភាពនារីការិយាល័យដ៏ស្រស់ស្អាត ផ្នែកទី ៧

ចំណងជើង៖ គោលការណ៍នៃការធ្វើការជាមួយមេដឹកនាំជប៉ុន អាកប្បកិរិយានៅពេលដែលថ្នាក់លើខឹង

រូបភាព nikkei.com

នៅពេលដែលថ្នាក់លើបន្លឺសំលេងខ្លាំង វាពិតជាលំបាកសម្រាប់អ្នកដោះស្រាយបញ្ហាដោយប្រាជ្ញា។ ប៉ុន្តែប្រសិនបើតបទៅវិញដោយភាពខឹងក្រោយពេលដែលថ្នាក់លើស្តីអោយ អ្នកអាចបាត់បង់នូវការ ងាររបស់អ្នក។ សូមព្យាយាមស្ងប់ស្ងៀមដើម្បីគ្រប់គ្រងនូវបញ្ហាមុន ពេលនិយាយ និងសម្រេចចិត្ត។ ពេលខ្លះមូលហេតុដែលថ្នាក់លើខឹង ដោយសារអ្នកធ្វើខ្វះព័ត៌មានដែលសំខាន់នៅក្នុងឯកសារធ្វើអោយ អតិថិជនត្អូញត្អែរ ឬក៏អ្នកភ្លេចរាយការណ៍ទូរស័ព្ទដ៏សំខាន់មួយរបស់ អតិថិជន។ នោះអ្នកនិងស្តាយក្រោយដោយសារពាក្យសំដីខ្វះការ ពិចារណារបស់ខ្លួនទៅលើថ្នាក់លើមុននោះ។

ថ្ងៃនេះ Japo និងណែនាំដល់អ្នកវិធីទាំង ៥ដំបូងបង្អស់ដើម្បីបន្ថយកំហឹងរបស់ថ្នាក់លើនៅពេលដែលយើងធ្វើខុស។ មិនត្រឹមតែជាវិធីសាស្រ្តដែលត្រូវបានចែករំលេកនៅលើទំព័រអិុនធឺណេតប៉ុន្តែ វិធីរបស់ Japo ជិតនិងបង្ហាញខាងក្រោមមនេះក៏ជាវប្បធម៌ក្នុងអាកប្បកិរិយាគួរតែចងចាំសម្រាប់នរណាដែលធ្វើការនៅក្នុងក្រុមហ៊ុនជប៉ុន។

១. ពាក្យដំបូងតែងតែជា “ពាក្យសុំទោស”

នៅពេលមនុស្សម្នាក់កំពុងតែខឹង ពួកគេនិងមិនចង់ស្តាប់អ្វីក្រៅ ពីការសុំទោសនោះឡើយ។ ទោះបីជាអ្នកខុសឬត្រូវមេដឹកនាំនៅតែ ជាថ្នាក់លើរបស់អ្នកហើយការដែលឈ្លោះជាមួយនិងមនុស្សកំពុងតែខឹងក៏មិនត្រូវបានវាយតម្លៃថាជាសកម្មភាពវាងវៃដែរ។

ហេតុនេះហើយវិធីដំបូងដែលអ្នកត្រូវធ្វើគឺរំសាយកំហឹងរបស់ ថ្នាក់លើដោយពាក្យសុំទោសនិងជួយដល់អ្នកមួយផ្នែក។ គ្រាន់តែ មួយផ្នែកទេណា។ សុំទោសមិនមែនអាចដោះស្រាយនូវបញ្ហានោះទេ គ្រាន់តែជាអាកប្បកិរិយារបស់បុគ្គលិកឆ្លាតម្នាក់សម្រាប់ថ្នាក់លើរបស់អ្នកតែប៉ុណ្ណោះ។

រូបភាព gahag.net

២. ការស្តាប់ដោយចិត្តស្មោះ

ទាំងនេះពិតជាពិបាក ពិសេសនៅពេលដែលថ្នាក់លើកំពុងតែស្រែកដាក់អ្នកដែលមិនអាចនិងទទួលយកបាន។ ភាគច្រើនបុគ្គលិក និងតបទៅវិញហើយការពារខ្លួនឯងប៉ុន្តែជម្រើសដែលប្រសើរជាងគេ នោះគឺខំប្រឹងស្តាប់និងរងចាំថ្នាក់លើបន្ថយនូវកំហឹងរបស់គាត់។

សូមអោយថ្នាក់លើបានឃើញភាពអត់ធ្មត់របស់អ្នកដោយអ្នកគោរពគាត់ និងមិនក្លាចការស្តាប់។ បន្ទាប់ពីកំហឹងបានផុតទៅហើយ ពួកយើងអាចអង្គុយដើម្បីវិភាគខុសត្រូវ។

ប្រភព news.mynavi.jp

៣. បកស្រាយឬទទួលយក

បន្ទាប់ពីសុំទោស និងការស្តាប់ដោយចិត្តស្មោះ សូមមើលនៅ អាកប្បកិរិយារបស់ថ្នាក់លើ ប្រសិនបើកំហឹងរបស់គាត់បានកាត់ បន្ថយ អ្នកអាចចាប់ផ្តើមបញ្ចេញនូវយោបល់របស់ខ្លួន។ សូមធ្វើ អោយថ្នាក់លើឃើញថាអ្នកដឹងគាត់កំពុងតែខឹង។ សូមពិពណ៌នា សកម្មភាពរបស់ថ្នាក់លើដូចជាការក្តាប់ដៃ ឬក៏មុខក្រហម។ ឧទាហរណ៍ខ្ញុំដឹងថាបងកំពុងតែខឹង មុខរបស់បងក្រហមឡើង ហើយ។ ទាំងនេះអាចជួយរំលឹកដល់ថ្នាក់លើបានដឹងថាគាត់មាន អាកប្បកិរិយាមិនសម។

ក្រោយមកសូមជ្រើសរើសពាក្យសំដីសមរម្យបំផុតដើម្បីលើកឡើងនូវយោបល់របស់ខ្លួនឬក៏ទទួលយកកំហុសប្រសិនបើអ្នកបានធ្វើខុស។ សូមលើកឡើងនូវមូលហេតុសមរម្យចំពោះកំហុសរបស់អ្នក ប្រសិនជាអត់សូមលើកឡើងថាដោយសារតែការមិនប្រុងប្រយ័ត្នរបស់អ្នក។ សូមចងចាំថាមិនត្រូវទម្លាក់កំហុសខុសទេរឿងនេះអាចធ្វើអោយថ្នាក់លើកាន់តែខឹង។

ប្រសិនបើអ្នកមិនខុស សូមនិយាយសុំទោសដោយសារអ្នកមិន បានបញ្ឈប់បញ្ហា។ ពាក្យសុំទោសទោះបីជាកំហុសរបស់អ្នកឬមិន មែនក៏វាអាចផ្អាកនូវកំហឹងរបស់ថ្នាក់លើបានដែរ។

ចំនុចទី៤ និង៥សម្រាប់ករណីដែលធ្វើខុស

៤. បញ្ចេញនូវដំណោះស្រាយ និងធានាថាមិនធ្វើខុស

សូមមកជិតនិងសួរថ្នាក់លើតើអ្នកត្រូវធ្វើអ្វីដើម្បីកែប្រែស្ថានភាព បាន។ ប្រសិនបើថ្នាក់លើនិយាយថាអត់សូមបញ្ចេញនូវយោបល់ របស់អ្នកដើម្បីដោះស្រាយបញ្ហា។ ថ្នាក់លើដែលកំពុងតែខឹងនៅ ពេលនោះមិនអាចនិងមានដំណោះស្រាយភ្លាមទេ។ ដូចនេះហើយ អ្នកអាចនិងសាងគុណសម្បតិ្តលុបលាងកំហុស ការបញ្ចេញនូវ យោបល់អាចជួយអោយកាត់បន្ថយកំហឹងរបស់ថ្នាក់លើបាន។

ឧទាហរណ៍ដើម្បីកុំអោយទៅធ្វើការយឺតដោយសារស្ទះចរា ចរណ៍គឺព្យាយាមទៅធ្វើការមុន១០នាទី។

ដើម្បីជៀសវាងការខ្វះខាតព៍ត៌មានឯកសារនោះត្រូវតែត្រួត ពិនិត្យឡើងវិញយ៉ាងតិច២ដង ឬក៏ពឹងនូវបុគ្គលិកផ្សេងជួយត្រួត ពិនិត្យឡើងមុនពេលរាយការណ៍ទៅថ្នាក់លើ។ ត្រូវតែនិយាយពាក្យសំដីយ៉ាងមឺុងម៉ាត់ដើម្បីបញ្ចុះបញ្ចូលថ្នាក់លើអ្នកមិនបង្កកំហុសនេះឡើងវិញនិងសន្យាយ៉ាងប្រាកដជាអនុវត្តតាម។

រូបភាព yomiuri.co.jp

៥. ឆ្លងនូវឧបសគ្គ

បន្ទាប់ពីបញ្ហាទាំងអស់ត្រូវបានដោះស្រាយ ថ្នាក់លើបានលើកលែងទោសអោយអ្នក ហើយអ្នកគិតថាខ្លួនឯងសុវត្ថិភាព? ប៉ុន្តែមិនមែនធាតុពិតអ្នកកំពុងស្ថិតក្នុងរយៈពេលសាកល្បងរបស់ថ្នាក់លើ។ ក្នុងរយៈពេលនេះ ថ្នាក់លើនិងធ្វើការសង្កេតនិងចាប់អារម្មណ៍ទៅលើអ្នកច្រើន (នេះជាចំនុចរួមរបស់ថ្នាក់លើជប៉ុន) ដូចនេះអ្នកត្រូវបង្ហាញនូវការដឹងកំហុសរបស់ខ្លួនដោយភាពខិតខំដោះស្រាយបញ្ហា។ កុំបាត់ភាពផ្សង់អារម្មណ៍អ្នកអាចនិងជាចំនុចខ្មៅក្នុងភ្នែករបស់ថ្នាក់ លើ។ សូមព្យាយាមបំភ្លេចនូវពាក្យសំដីស្តីបន្ទោសរបស់ថ្នាក់លើ ហើយខិតខំធ្វើការដើម្បីទទួលបានលទ្ធផលល្អ។

ក្នុងវប្បធម៌អាកប្បកិរិយារបស់ជប៉ុន ជនជាតិជប៉ុនតែងតែអោយតម្លៃទៅលើការគោរពភាគី។ ដូចនេះទោះបីជាមិនធ្វើអ្វីមានកំហុសពួកគេក៏តែងតែប្រើពាក្យ “Sumimasen មានន័យថាសូមទោស” ដូចជាពាក្យគួរសមរបស់យើង។ សុំទោសមិនត្រឹមតែជាការទទួលកំហុសជាមួយគាគីតែក៏ជាពាក្យដើម្បីធ្វើអោយបរិយាកាសសតានតឹងកាត់បន្ថយដែរ។ ទន្ទឹមនិងនោះក្នុងពេលដែលអ្នកនិយាយបានពាក្យសុំទោសកំហឹងរបស់អ្នកក៏ត្រូវបានគ្រប់គ្រងបានល្អផងដែរ។ អ្នកនិងបង្ហាញនូវអាកប្បកិរិយាល្អ។

តាមរយៈវិធីដែលបានចែករំលេកខាងលើ Japo សង្ឃឹមថាអ្នក និងអាចយល់ជាងមុនអំពីផ្នែកមួយនៃវប្បធម៌ធ្វើការរបស់ក្រុមហ៊ុនជប៉ុន។ ថ្នាក់លើជប៉ុនទោះជាពិបាកប៉ុន្តែមានភាពលើកលែងទោស និងយុត្តិធម៌គ្រាន់តែអ្នកចេះទទួលកំហុស និងមិនធ្វើខុសទៀតនោះ គ្រប់យ៉ាងនិងប្រែជាល្អវិញ។