គំរូម្ហូប Sushi នៅឆ្នាំ ២០២០ តើអ្នកចង់ភ្លក់រសជាតិរបស់វាដែរឬទេ?

ថ្ងៃពុធ 20/03/2019 | 16:29 ល្ងាច

Sushi ជាតំណាងអោយវប្បធម៌ម្ហូបអាហាររបស់ប្រទេសជប៉ុន។

Sushi មានរសជាតិជូរល្មមនៃទឹកខ្មេះផ្សំជាមួយនឹងរសជាតិនៃអាហារសមុទ្រ និងបាយ។ ប្រសិនបើញ៉ាំជាមួយនឹងរសជាតិហឹរឆួលរបស់ wasabi ពិតជាម្ហូបដែលពិសេសណាស់។

ប៉ុន្តែគ្រប់យ៉ាងគ្រាន់តែជាអារម្មណ៍ប៉ុណ្ណោះ ប្រសិនបើម្ហូបនេះយើងវិភាគអោយលម្អិតបន្ថែមទៀតដោយផ្អែកលើអារម្មណ៍នៅពេលញ៉ាំដូចជា រសជាតិ ខ្លិន រូបរាងបែបណា?

ប្រទេសជប៉ុនបានរកវិធីមួយដើម្បីប្រមូលព័ត៌មានទាំងអស់របស់ Sushi បន្ទាប់មកប្រើម៉ាស៊ីនបោះពុម្ព 3D ផលិតជាម្ហូប Sushi ពិសេសបំផុតដែលអ្នកអាចញ៉ាំបានទោះបីកំពុងនៅកន្លែងណាក៏ដោយ។

សូមមើលវីដេអូខាងក្រោមនេះ

បច្ចុប្បន្ននេះរូបរាងម្ហូប Sushi 3D នេះជាប្រភេទរូបគូបនូវឡើយធ្វើអោយគ្មានអារម្មណ៍ថាឆ្ងាញ់ពេលមើលជាវីដេអូទេ។ ប៉ុន្តែជាមួយនឹងការអភិវឌ្ឍបច្ចេកវិទ្យានៅថ្ងៃអនាគត ការបង្កើតជា Sushi 3D ដូចជារូបពិតមិនមែនជារឿងពិបាកឡើយ។

រូបភាព https://blogos.com/article/364553/

តើអ្នកអាចទាយម្ហូប Sushi នៅក្នុងរូបខាងលើដែរឬទេ?

រូបខាងលើរាប់ពីឆ្វេងទៅស្តាំគឺ Uni, Maguro, Kappa maki, Tako។ ចំណែករូបនៅជួរខាងក្រោមគឺ Ika, Anago, Ebi, Suppu។

ទាំងអស់នេះគ្រាន់តែជារូបភាពអរូបី មើលទៅដូចជាមិនអាចញ៉ាំបានទេ។

ទោះយ៉ាងណានៅប្រទេសជប៉ុនមានហាងលក់ឈុតម្ហូប Sushi ដែលបានរៀបរាប់ខាងលើប្រសិនបើអ្នកកក់ទំនិញ។ មិនត្រឹមតែប៉ុណ្ណឹងមានភ្ជាប់មកជាមួយសេវាកម្មដែលធ្វើអោយអ្នកភ្ញាក់ផ្អើល។

រូបភាព https://blogos.com/article/364553/

មិនត្រឹមតែប៉ុណ្ណោះពេលអ្នកផ្ញើគំរូលាមក ឬទឹកនោមរបស់អ្នកមក ប្រព័ន្ធនឹងវិភាគស្ថានភាពសុខភាពរបស់អ្នក ហើយចាប់ផ្តើមវិនិច្ឆ័យអាហារូបត្ថម្ភដែលខ្វះនៅក្នុងរបបអាហាររបស់អ្នក។ ភ្លាមៗនោះមា៉សីុនបោះពុម្ព 3D ដំណើរការផលិតឈុត Sushi ដែលសាកសមនឹងតម្រូវការរបស់អ្នក។

បច្ចេកវិទ្យាចម្លែកនេះជាលើកដំបូងបានបង្ហាញនៅលើពិភពលោក។

នេះគឺជាយុទ្ធសាស្រ្តរបស់ក្រុមហ៊ុនប្រព័ន្ធផ្សព្វផ្សាយជប៉ុនឈានមុខគេមានឈ្មោះ Dentsu ជាកន្លែងជំនាញផ្នែកផលិត content ចម្លែកនេះ។

និយាយអំពី Dentsu នេះគឺជាដៃគូទំនាក់ទំនងរយៈពេលយូររបស់ក្រុម Toyota ហើយសហការជាមួយស្ទូឌីយោភាពយន្ត Tohoku Shinsha និងសាកលវិទ្យាល័យ Yamaguchi។

ការដាក់បង្ហាញក្នុងនាមជាសាជីវកម្មធំបែបនេះ ប្រាកដជាមិនមែនរឿងលេងសើចហើយ។

Kengo Abe