តើហាង​ទំនិញ​មួយ​ចំនួនចាំ​បាច់​ត្រូវ​បើក​ ២៤​ ម៉ោង​ដែរឬទេ?

នៅ​ប្រទេសជប៉ុន​មាន​ហាង​លក់​ទំនិញ​ដូចជា​ Family Mart, 7 Eleven, ហាង​ទំនិញ​មួយចំនួនផ្សេង​ទៀត និង​មជ្ឈមណ្ឌលពាណិជ្ជកម្មដូចជា Don Quixote បើកទ្វា 24/7។ ប៉ុន្តែ​នេះ​ជា​រឿង​នា​​ពេល​បច្ចុប្បន្ន​ ពីមុន 7 Eleven បើក​ទ្វាចាប់​ពី​ម៉ោង ៧ ព្រឹករហូត​ដល់​ម៉ោង​ ១១ យប់តែ​ប៉ុណ្ណោះ។

រូបភាព http://netgeek.biz/archives/136686

តើ​តាំង​ពី​ពេល​ណាហាង​ទំនិញ​នេះ​ចាប់​ដំ​ណើរ​ការរយៈពេល ២៤ ម៉ោង​?

គុណសម្បត្តិនៃ​ការ​បើក​ទ្វា 24/7 ពេល​យប់​អាធ្រាតប្រសិន​បើ​មាន​រឿង​អ្វី​កើត​ឡើង​នៅ​ខាង​ក្រៅអ្នកអាចរត់ចូលទៅក្នុងហាងដើម្បីសុំ​ជំនួយ​ ឬ​ជាកន្លែង​អង្គុយ​សម្រាប់​អ្នក​ដែល​មិន​អាចត្រលប់ទៅ​ផ្ទះបាន​។ ទោះ​យ៉ាង​ណា​នៅមាន​បញ្ហា​មួយ​ចំនួន​ទៀត​ដូចជាបុគ្គលិក​មិន​ចង់​ធ្វើ​ការ​ពេល​យប់ ហើយ​មិន​សូវ​មាន​ភ្ញៀវ​តែ​ភ្លើង​ត្រូវ​បើក​រហូត។

ហាង 7 Eleven ក៏មានបញ្ហាច្រើនជាមួយនឹង​បញ្ហាខាង​លើ ដោយសារ 7 Eleven មាន​សាខា​​ច្រើនទូ​ទាំង​ប្រទេស។ សាខា​នីមួយៗ​​មាន​អ្នក​គ្រប់​គ្រង​ម្នាក់​ទទួល​ខុស​ត្រូវត្រួត​ពិនិត្យ​ និង​រាយ​ការណ៍​ទៅ​ទី​ស្នាក់ការ​។ បទបញ្ញត្តិបើក​ហាង 24/7 មក​ពី​ទី​ស្នាក់ការ​​តម្រូវអោយ​ធ្វើ ប៉ុន្តែ​អ្នក​គ្រប់​គ្រង​មួយ​ចំនួន​មិន​អាច​ធ្វើ​បាន​ដោយ​សារខ្វះ​ធនធាន​មនុស្ស​ ហើយ​​សម្រេចបិទ​ហាងពេល​យប់។ បន្ទាប់​ពី​គ្រប់​យ៉ាង​ត្រូវ​លាត​ត្រដាងទី​ស្នាក់​ការសុំ​នូម​ពរសាខាដែល​ល្មើស​ត្រូវ​បង់​ប្រាក់​ពិន័យចំនួន​ ១៧,០០០,០០០ យេន។

រូបភាព http://netgeek.biz/archives/136686

នៅពេលដែលមិនអាចជ្រើសរើសបុគ្គលិកដើម្បីធ្វើការបន្ថែមម៉ោងពេល​យប់ អ្នក​គ្រប់​គ្រង​មួយ​ចំនួន​ត្រូវ​លះ​បង់​ការ​សម្រាននៅ​ផ្ទះ​ ដើម្បីធ្វើការ​នៅ​ហាង​ជំនួស​បុគ្គលិក​។ ប៉ុន្តែ​នៅតែ​មាន​អ្នកគ្រប់​គ្រង​មួយ​ចំនួនលួច​បិទ​ទ្វា ហើយ​ធ្វើ​អោយ​ប្រព័ន្ធ​ប្រតិបត្តិការពី​លើ​ចុះ​ក្រោមរបស់ 7 Eleven ​មាន​បញ្ហា​។

ច្បាប់​គឺ​ជា​ច្បាប់ប៉ុន្តែនៅពេលដែលមនុស្សគ្រប់គ្នាឃើញ​ថា​ក្នុងច្បាប់​មានបញ្ហានោះហើយជាពេលដែលគួរតែមានការកែ​តម្រូវ។

តើ​វា​ពិត​ជា​ចាំ​បាច់​ទេ​សម្រាប់​ហាង​ត្រូវ​បើករយៈពេល 24/7? ថ្មី​ៗ​នេះ​មាន​ហាង​លក់​ទំនិញ ២៤ ម៉ោង​ជាច្រើនចាប់​​ផ្តើម​សម្រាក​ពេល​យប់។

មាន​រឿង​ខ្លះ​វា​ក្លាយ​ទៅជា​ទម្លាប់​​ ប៉ុន្តែ​ប្រសិន​បើ​ទម្លាប់​មួយ​ចំនួន​បង្ក​​ការ​រំ​ខានយើង​គួរ​តែ​ផ្លាស់​ប្តូរ។

អត្ថបទ៖ Kengo Abe