ទំព័រដើម
ទំនិញ
Toshiba បំភ្លេចបុគ្គលិកបង្កើត “Flash Memory” ដែលជាការរកឃើញរបស់ជនជាតិជប៉ុន?

Toshiba បំភ្លេចបុគ្គលិកបង្កើត “Flash Memory” ដែលជាការរកឃើញរបស់ជនជាតិជប៉ុន?

ថ្ងៃពុធ 27/02/2019 | 11:32 ព្រឹក

នៅ Silicon Valley (ជ្រលងភ្នំ Silicon) – តំបន់ពាណិជ្ជកម្មបច្ចេកវិទ្យាជាន់ខ្ពស់របស់សហរដ្ឋអាមេរិក ជាមួយនឹងរូបថតរបស់អ្នកជំនួញដ៏ល្បីឈ្មោះដូចជា Steve Jobs ឬ Bill Gates មានរូបថតរបស់ជនជាតិជប៉ុនម្នាក់ដែលមិនសូវមានអ្នកស្គាល់ឈ្មោះ។

រូបភាព https://twitter.com/create_clock/status/868849639541268486

អ្នកនៅក្នុងរូបថតគឺ Fujio Masuoka តើអ្នកឃើញអក្សរខាងក្រោមទេ? អត្តន័យរបស់វាគឺ “អ្នកដែលបង្កើតប្រព័ន្ធចងចាំ ប៉ុន្តែត្រូវគេបំភ្លេច”។

នេះគឺជាអ្នកដែលបង្កើត Flash Memory ជាមូលដ្ឋាននៃការផលិត USB Memory កាតមេម៉ូរី Smartphone និង SSD ប្រើសម្រាប់ PC បច្ចុប្បន្ន។

មុនការបង្កើតរបស់ Fujio Masuoka ឧបករណ៍ចងចាំទាំងអស់ពេលនោះមានគុណវិបត្តិរួមគឺពេលបាត់ប្រភពអគ្គិសនី ទិន្នន័យដែលមិនទាន់រក្សាទុកនឹងបាត់បង់។ ដើម្បីបំបាត់គុណវិបត្តិនេះជាមួយនឹង Flash Memory ត្រូវបានផលិតយ៉ាងច្រើនក្នុងតម្លៃទាបផ្អែកលើទីផ្សារពិភពលោក ផលិតផលបច្ចេកវិទ្យានេះមានតម្លៃ ៧,០០០,០០០,០០០,០០០ យេន។

គួរអោយសោកស្តាយមនុស្សទាំងអស់គ្រាន់តែដឹងពីឈ្មោះ Flash Memory ប៉ុន្តែមិនដឹងឈ្មោះអ្នកដែលបានបង្កើតវាឡើយ។ រហូតដល់មនុស្សជាច្រើននៅលើពិភពលោកមិនដឹងថា Flash Memory ជាការរកឃើញរបស់ជនជាតិជប៉ុនផង។

ពេលនោះ Fujio Masuoka ជាបុគ្គលិករបស់ Toshiba។ ពេលនិយាយអំពីបញ្ហានេះ Fujio Masuoka បានរៀបរាប់ថា៖

“ទោះបីការរកឃើញរបស់គាត់ស្ថិតក្នុងលំដាប់ពិភពលោក ប៉ុន្តែវាជាផលិតផលរបស់ក្រុមហ៊ុន។ ឈ្មោះអ្នកបង្កើតនឹងមិនត្រូវបានគេដឹងឡើយ”។

៧ ឆ្នាំក្រោយមកពេលដែលបង្កើត Flash Memory, លោក Fujio Masuoka សម្រេចចាកចេញពី Toshiba។ ហេតុអ្វីក្រុមហ៊ុនបែរជាអនុញាតអោយមនុស្សពូកែដូចជាគាត់ចាកចេញ?

អំឡុងពេលដែល Fujio Masuoka ចាប់ផ្តើមការងារ ពិភពលោកកំពុងចាប់ផ្តើមផលិតប្រព័ន្ធចងចាំមានមុខងារខ្ពស់មានតែ Fujio Masuoka ចាប់អារម្មណ៍ចំនុចទាំងនេះ។

“ការប្រើប្រាស់មានភាពខុសគ្នា ការបន្ថែមមុខងារ ហើយបង្កើនតម្លៃផលិតផល គេចាប់ផ្តើមស្វែងរកវិធីកាត់បន្ថយតម្លៃនៅលើទីផ្សារវិញ”។

Fujio Masuoka ព្យាករណ៍នាពេលអនាគត ការប្រើកាតមេម៉ូរីតម្លៃថោកសម្រាប់ផលិតផលបច្ចេកវិទ្យា រួមទាំងឧបករណ៍អេឡិចត្រូនិច។ ប៉ុន្តែគម្រោងដែលចំណាយថវិកា ១០ លានយេនត្រូវបានថ្នាក់លើច្រានចោល។ គម្រោងរបស់ Fujio Masuoka ផ្តើមចេញពីគំនិតដូចខាងក្រោម៖

“ជាមួយនឹងកាតមេម៉ូរីតម្លៃថោក ទំហំតូច អ្នកអាចស្តាប់ចម្រៀងផងហើយហាត់កីឡាផង”។

អ្វីដែលថ្មីភាគច្រើនត្រូវគេបដិសេធដោយសារតែមិនមែននរណាក៏ដឹងអំពីសក្តានុពលពិតប្រាកដទេ។ នៅដើមឆ្នាំ ៨០ ពេលដែលពិភពលោកចូលចិត្ត CD player ការបង្កើតថ្មីអ្វីមួយតែងគ្មានអ្នកគាំទ្រ។

ទោះបីជាយ៉ាងណា Fujio Masuoka មិនបោះបង់ចោលគម្រោងរបស់ខ្លួនទេ។ គាត់បានធ្វើការអស់ពីកម្លាំងក្នុងឆ្នាំ ១៩៨៧ Fujio Masuoka ជោគជ័យជាមួយនឹងប្រព័ន្ធចងចាំបែបថ្មីចំណាយត្រឹមតែ ១/៤ នៃដើមទុនដំបូង។ ប្រព័ន្ធចងចាំនេះអាចលុបទិន្នន័យបានត្រូវគេដាក់ឈ្មោះថា Flash Memory។

គួរអោយសោកស្តាយសម័យបច្ចុប្បន្នការប្រើប្រាស់ការបង្កើតថ្មីខាងលើជួបប្រទះបញ្ហាមួយចំនួន។ ពេលនោះមិនទាន់មាន Smartphone ក៏គ្មានកាមេរ៉ាឌីជីថលដែរ ហេតុនេះមិនសូវមានអ្នកប្រើប្រព័ន្ធចងចាំធំហើយតម្លៃថោកនេះទេ។

នៅពេលនោះអ្នកណែនាំរបស់ Fujio Masuoka ក្នុង Toshiba លោក Takeishi បានទទួលមរណៈភាព។ បាត់បង់ជំនួយពីថ្នាក់លើ គ្មានអ្នកជំនួយដែលអាចទុកចិត្ត និងគ្មានមូលនិធិគាំទ្រ Fujio Masuoka ត្រូវចាកចេញពី Toshiba ក្រោយរយៈពេល ២៣ ឆ្នាំធ្វើការ ក្លាយជាសាស្រ្តាចារនៅសកលវិទ្យាល័យ Tohoku។

មិនយូរប៉ុន្មានក្នុងឆ្នាំ ២០០០ ជាមួយនឹងការបញ្ចេញ PC និង Digital Camera, Flash Memory ក្លាយទៅជាបាតុភូតសកលមួយ។ ឆ្នាំ ២០០១ តម្លៃនៃផលិតផលលើទីផ្សារគឺ ៩,០០០,០០០,០០០,០០០ យេន។ Toshiba ពេលនោះផ្អាកការផលិតទំនិញផ្សេង ហើយត្រៀមថវិកា និងធនធានមនុស្សដើម្បីផលិត Flash Memory។

រូបភាព https://blog.goo.ne.jp/agape7777/e/ead9e8a65047d115486c7c390accee92

នេះជាពេលដែលអ្នកបដិសេធគម្រោងរបស់ Fujio Masuoka សោកស្តាយ ៩០% ប្រាក់ចំណេញរបស់ Toshiba បានមកពី Flash Memory។

គិតសាកមើលប្រសិនបើគ្មានការរកឃើញរបស់ Fujio Masuoka, iPhone មិនត្រូវបានបង្កើត។ គ្មាន iPhone តើ Steve Jobs អាចក្លាយជាមហាសេដ្ឋីល្បីឈ្មោះពិភពលោកទេ?

រូបភាព https://forbesjapan.com/articles/detail/8112#

ប៉ុន្តែចុងបញ្ចប់ដោយសារតែបំណុលនៃផ្នែកផ្សេងជាមួយនឹងការខ្វះខាតវិស្វករ Toshiba បង្ខំលក់បន្ទះឈីបចងចាំអោយសម្ព័ន្ធភាពរួមទាំងមូលនិធិវិនិយោគអាមេរិច Bain Capital និងគូប្រជែងកូរ៉េ SK Hynix ជាមួយនឹងតម្លៃត្រឹមតែ ២,០០០,០០០,០០០,០០០ យេន។

នេះជាលទ្ធផលដែលមិនចេះប្រើមនុស្សមានទេពកោសល្យ និងគំនិតមិនអោយតម្លៃសមិទ្ធផលបុគ្គលដែលសហគ្រាសជប៉ុនគួរតែមើលឡើងវិញ។

Kengo Abe