ចំនុចទាំង​ ៥ នៃ Yakult – ភេសជ្ជៈ Yogurt ល្បី​របស់​ជប៉ុន

Yakult គឺ​ជា​ភេសជ្ជៈមាន​​ប្រភព​មក​ពី​ទឹក​ដោះ​គោ​ជូរ ដែល​គេ​ដាក់​បន្ថែម​ probiotic ចូល​ទឹក​ដោះគោ។ ភេសជ្ជៈនេះជួយ​អោយ​ការ​រំ​លាយ​អាហារ ហើយ​ឆ្ងាញ់ដែល​មនុស្ស​ជាច្រើន​ចូលចិត្ត។

អ្នក​អាច​ងាយ​ស្រួល​រក​ទិញ​បាន​នៅ​ហាងម៉ាតទូទាំង​ប្រទេសជប៉ុន និង​ប្រទេសជាច្រើន​ទៀត​នៅ​លើ​ពិភព​លោក​។ ខាង​ក្រោម​នេះ​ជាចំ​នុច​ទាំង​ ៥​ នៃ Yakult ដែល​អ្នក​គួរ​តែដឹង៖

១. ជា​ប្រភេទមួយ​នៃ Yogurt​

មនុស្ស​មួយ​ចំ​នួន​យល់​ច្រឡំ​ Yakult ជាមួយ​នឹង​ភេសជ្ជៈ​ទឹក​ដោះ​គោ​ជូរ​ផ្សេង​ទៀតដែល​អាច​រក​ទិញ​​នៅ​​ហាង​លក់​ទំ​និញ។ ប៉ុន្តែ Yakult គឺ​​ជា​ការ​រក​ឃើញ​មួយ​ ដោយ​អ្នក​ជំនាញាខាង​អតិសុខុមជីវសាស្រ្ត​មាន​ឈ្មោះ​ថា Minoru Shirota ក្នុង​ឆ្នាំ ១៩៣០។

ការ​ស្រាវ​ជា្រវ​ជាច្រើន​បាន​បញ្ជាក់​ថា Yakult ប្រើ​ប្រភេទ​បាក់​តេរី​ពិសេសមួយមាន​ឥទ្ធិពល​វិជ្ជមាន​លើប្រព័ន្ធ​រំ​លាយ​អាហាររបស់​អ្នក​ដោយ​វិធីកំ​ចាត់​បាក់​តេរី​អាក្រក់។ Shirota បាន​ក្លាយ​ទៅ​ជាមនុស្ស​ដំបូង​ប្រើ probiotic នៃពូជ Lactobacillus ភាគ​ច្រើន​ត្រូវ​បាន​រក​ឃើញ​ក្នុង​ផលិត​ផល​ធ្វើ​អោយ​ជូរ។

ផឹក Yakult អាចកាត់បន្ថយបញ្ហារំលាយអាហារបានភ្លាម និង​សម្រួល​កម្រិត​អាសីុត​ក្នុង​ពោះ​វៀន​របស់​អ្នក​។

២. រស​ជាតិ​ធម្មតា

ប្រសិនបើ​អ្នក​ធ្លាប់​ទៅ​ទិញទឹក​ដោះ​គោ​ជូរ​នៅ​គ្រប់​កន្លែងលើ​ពិភព​លោក​ អ្នក​នឹង​ឃើញ​មាន​រសជាតិ​រាប់​រយមាន​បិរមាណ​ស្ករ​ ផ្លែឈើ ឬសារធាតុ​ផលិត​ខ្ពស់។ ប៉ុន្តែ​ជាមួយ​នឹង​ Yakult ទោះ​បី​ជាបាន​បើក​លក់​ជាង ៥០ ឆ្នាំក៏ដោយ Yakult មាន​រស​ជាតិ​តែ​មួយ​ពេល​ដែល​នាំ​ចេញទៅ​ក្រៅ​ប្រទេស។ លើ​ក​លែងនៅ Singapore និង​ជប៉ុនជាកន្លែង​ដែល​អ្នក​អាច​រក​ឃើញ​រសជាតិ​ផ្លែ​ឈើ។

រូបភាព ប្រភព commons

មាន​ប្រភេទ​កម្រិត​បរិមាណ calorific ទាបសម្រាប់​អ្នក​មាន​ជម្ងឺ​ទឹក​នោម​ផ្អែម​ និង​មនុស្ស​មាន​ការ​យល់​ដឹង​អំពី​សុខភាព​ដែល​គេ​ហៅ​ថា Yakult Light មាន​សារធាតុ​ជំនួស​ជាតិ​ស្ករ​។ ក្រុម​ហ៊ុន​កំ​ពុង​ផ្លាស់​ប្តូរ​ម៉ាក​សញ្ញា​របស់​ខ្លួនជាមួយ​នឹង​ផលិត​ផល​ផ្សេង​ដូចជា Joie មាន​អត្ថ​ន័យ​ពិសេស​សម្រាប់​សុខភាពពោះ​វៀន​ធំ។

៣. ទំហំ​ដប​តូច

យើ​ង​ទាំង​អស់​គ្នា​ចង់​ទិញ​ទឹក​ដោះ​គោ និង​ផលិត​ផល​ពី​ទឹក​ដោះ​គោ​ផ្សេង​ទៀតដែល​មាន​ទំហំ​ដប​ធំ។ ប៉ុន្តែ Yakult មាន​បំ​ណង​ដាក់​ក្នុង​ដប​តូច ដោយ​មូល​ហេតុ​សម្រាប់​ផឹក​ភ្លាមៗ និង​មិនមែន​សម្រាប់​រក្សាទុកទេ។

រូបភាព ប្រភព hiveminer

ដូច​ដែល​អ្នកបាន​ដឹង​ផលិត​ផល​ទឹក​ដោះ​គោងាយ​ខូច​ប្រសិនបើ​បើក​គម្របដបរាប់​ម៉ោង​ហើយ​មិន​ផឹក​។ ប៉ុន្តែ​បន្ទាប់​ពី​ការ​សំនូម​ពរ​ពី​អតិថិជន Yakult បាន​បង្កើន​ទំហំ​ដបនៅ​ប្រទេស​អាស៊ីមួយ​ចំនួន។

៤. ពិត​ជាល្អ​សម្រាប់​សុខភាព

តើអ្នក​ដឹង​ទេថា Yakult គឺជាភេសជ្ជៈតែមួយគត់ដែលគ្មាន​សារធាតុ​ការ​ពារ​មិន​អោយ​ខូច និង​មិន​ធ្វើ​អោយ​ធាត់? ផលិត​ផល​នេះ​ក៏​មិន​ប្រើ​សារធាតុ​ផ្អែម​បង្កគ្រោះថ្នាក់ដល់រាងកាយផង​ដែរ។ ផលិត​ផល​ Light ត្រូវ​បាន​ផលិតដោយ​ប្រើ​សារធាតុ​ស្ករ​ដែល​គេ​ហៅ​ថា Reb A ដែល​ត្រូវ​បាន​គេ​រក​ឃើញ​ក្នុង​សារធាតុ​ជំនួស Stevia។

រូបភាព ប្រភព marjsia

នៅ​ប្រទេសដូចជា Philippines Yakult បានចេញផ្សាយពត៌មានដែលនិយាយថាភេសជ្ជៈរបស់ពួកគេក៏ល្អសម្រាប់ការសម្រកទម្ងន់ផងដែរ។

អ្នក​អាច​មើល​ការ​ផ្សាយ​ព័ត៌​មាន​របស់​ពួក​គេ​នៅ​ខាង​ក្រោម៖

ប្រភព Youtube

ដោយ​សារ​តែ​បាក់​តេរី​ក្នុង Yakult មាន​ប្រសិទ្ធភាពដូច្នេះគ្រូពេទ្យបាន​ណែនាំអោយប្រើវាសម្រាប់អ្នកដែលមានជំងឺប្រព័ន្ធពោះ​វៀន​ ប្រតិកម្ម gluten និង​ជម្ងឺ​ផ្សេង​ទៀត។

៥. ផ្តល់​ជំនួយ​ក្រុម​កី​ឡា

Yakult មាន​សាខា​នៅ​ប្រទេសជាច្រើន ហើយ​វា​ជា​ផលិតផល​ដែល​ពេញ​និយម។ ក្រៅ​ពី​ការ​ធ្វើ​អាជីវកម្ម​ ក្រុម​ហ៊ុន​ថែម​ទាំង​ផ្តល់​ជំនួយ​ដល់​ក្រុម​កី​ឡាជាពិសេសគឺ​កី​ឡាបាល់​បោះ។

រូបភាព shfiguartsl

Tokyo Yakult Swallows គឺ​ជា​ក្រុម​របស់ Yakult ជាផ្នែកមួយនៃសមាគមកីឡាបាល់​បោះអាជីព Nippon មាន​ទី​តាំង​ស្ថិត​នៅ Kita-Aoyama។ ក្រុម​ហ៊ុន​ក៏​បាន​វាយ​លុក​ទី​ផ្សារផ្សេង​ទៀតដូចជាគ្រឿងសំ​អាង ឱសថ -ល- ដើម្បី​បង្កើន​​ផលិត​ផល​របស់​ខ្លួន។

 

ប្រភព​បន្ថែម jpninfo

អត្ថបទ៖ Ashirogi

មើលបន្ថែម: