ហេតុអ្វីបានជាកាមេ៉រ៉ាឌីជីថលជប៉ុន ថតវីដេអូបានត្រឹម ៣០ នាទីតែប៉ុណ្ណោះ?

ថ្ងៃចន្ទ 18/02/2019 | 18:09 ល្ងាច

ជាង ១០ ឆ្នាំមុនការថតវីដេអូត្រឹមតែអាចថតនៅលើម៉ាស៊ីនថតវីដេអូពិសេស ចំណែកថតរូបភាពគឺម៉ាស៊ីនថត។ ប៉ុន្តែជាមួយនឹងការអភិវឌ្ឍនៃបច្ចេកវិទ្យា បច្ចុប្បន្ននេះ មុខងារថតវីដេអូបានរួមបញ្ចូលក្នុងម៉ាស៊ីនថតកាមេរ៉ាឌីជីថល ងាយស្រួលប្រើហើយនូវតែមានគុណភាព។

រូបភាព https://www.gizmodo.jp/

ប៉ុន្តែមានបញ្ហាមួយប៉ុណ្ណោះជាមួយនឹងមុខងារថតវីដេអូលើម៉ាស៊ីនថត នោះគឺវីដេអូនីមួយៗមានរយៈពេលត្រឹមតែ ៣០ នាទី។

ទោះជាម៉ាកម៉ាស៊ីនថតណាក៏ដោយនៅប្រទេសជប៉ុនដូចជា Nikon, Canon សុទ្ធតែមានលក្ខណៈបែបនេះ។ ដូច្នេះមូលហេតុមកពីអ្វី?

តាមការពិតបញ្ហាមិនទាក់ទងនឹងមុខងាររបស់ម៉ាស៊ីនទេ ប៉ុន្តែមកពី “ពន្ធគយ”។

កិច្ចព្រមព្រៀងរវាងជប៉ុន និងសហភាពអឺរ៉ុបកំណត់អត្រាពន្ធ សម្រាប់មុខទំនិញកាមេរ៉ាឌីជីថលដូចខាងក្រោម៖

– អត្រាពន្ធលើកាមេរ៉ាឌីជីថលគឺស្មើ ០ %

– ប៉ុន្តែសម្រាប់ម៉ាសីុនថតវីដេអូឌីជីថលគឺ ១០,៥%

ដូច្នេះដើម្បីជៀសវាងការកើនឡើងនៃតម្លៃលក់នៅបរទេស កាមេរ៉ាឌីជីថលដែលបាននាំចេញពីប្រទេសជប៉ុនបានកំណត់មុខងារទាក់ទងនឹងការថតវីដេអូ។ អ្វីទាំងនេះក៏ជួយសម្រួលការប្រកួតប្រជែងជាមួយទំនិញក្នុងស្រុកដែរ។

ក្រៅពីនេះលក្ខខណ្ឌ ៣ ដែលគេហោថា Digital Camera (កាមេរ៉ាឌីជីថល) គឺ៖

– កម្រិតវិភាគ 800x600x ឡើងទៅ

– ស៊ុមរូបភាព (Frame rate) 23fps ឡើងទៅ

– ថតបន្ត ៣០នាទីឡើងទៅ

នៅថ្ងៃទី ១ ខែកុម្ភៈ ឆ្នាំ ២០១៩ ច្បាប់ពន្ធសម្រាប់ម៉ាស៊ីនថតវីដេអូឌីជីថលត្រូវបានលុបចោលជាផ្លូវការ។

ភ្លាមៗនោះខាង Sony បានឆក់យកឱកាសប្រកាសពីផលិតផលថ្មី α6400 ជាមួយនឹងមុខងារថតវីដេអូគ្មានកំណត់។

មនុស្សជាច្រើននឹងយល់ថា ៣០ នាទីគឺគ្រប់គ្រាន់សម្រាប់វីដេអូមួយ។ ប៉ុន្តែផ្ទុយមកវិញការថតវីដេអូដែលគ្មានដែនកំណត់នេះនាំមកនូវផលប្រយោជន៍ជាច្រើន។